Bæjarráð

Vísað frá íþrótta- og tómstundanefnd til afgreiðslu bæjarráðs tillögu um að ungmenni á þrettánda ári fá aðgeng að líkamsræktum Fjarðabyggðar. Gildir frá 1. júní ár hvert fyrir ungmenni sem eru á þrettánda ári.
Bæjarráð samþykkir tillögu nefndarinnar.

Skipan í upplýsingaöryggisnefnd. Bæjarráð kýs fimm fulltrúa í upplýsingaöryggisnefnd. Upplýsingaöryggisnefnd er bæjarráði til ráðuneytis um persónuverndar- og upplýsingaöryggismál. Bæjarráð samþykkir að nefndina skipi bæjarritari, stjórnandi félagsþjónustu og barnaverndar, fræðslustjóri, forstöðumaður stjórnsýslu- og upplýsingamála ásamt persónuverndarfulltrúa.

Framlagður tölvupóstur frá innviðaráðuneytinu vegna stefnumótunar. Innviðaráðuneytið hefur ýtt úr vör vinnu við endurskoðun stefnumótandi áætlunar í málefnum sveitarfélaga 2019-2033 og Landsskipulagsstefnu 2015-2026 ásamt því að móta nýja húsnæðisstefnu.
Bæjarráð felur bæjarstjóra ásamt sviðsstjórum að svara umbeðnum upplýsingum.

Framlögð drög að uppfærðri samþykkt um bygginganefnd í Fjarðabyggð vegna breytinga á samþykktum sveitarfélagsins. Samþykktin var upphaflega samþykkt árið 2013, 820/2013.
Bæjarráð samþykkir uppfærðar samþykktir fyrir sitt leyti og vísar þeim til fyrri umræðu bæjarstjórnar og kynningar umhverfis- og skipulagsnefndar.

Vísað frá umhverfis- og skipulagsnefnd til afgreiðslu bæjarráðs lóðarumsókn fyrir geymsluhúsnæði að Dalbraut 10 á Eskifirði en afgreiðslu umsóknar lóðar var frestað þar sem deiliskipulag var ekki tilbúið en nú hefur það verið staðfest.
Bæjarráð staðfestir úthlutun lóðarinnar.

Fjármálaráðstefna sveitarfélaga er áformuð 13. til 14. október.
Bæjarráð samþykkir að gefa aðalfulltrúum bæjarstjórnar kost á að sitja fyrstu fjármálaráðstefnu kjörtímabilsins. Bæjarráð ásamt bæjarstjóra og fjármálastjóra sitja ráðstefnuna.

Vísað frá hafnarsjóði til afgreiðslu bæjarráðs tillögu um gerð viðauka við fjárhagsáætlun 2022.
Bæjarráð felur fjármálastjóra gerð viðauka við fjárhagsáætlun 2022.

Fundargerð hafnarstjórnar frá 14. júní lögð fram til afgreiðslu

Fundargerð umhverfis- og skipulagsnefndar frá 20. júní lögð fram til afgreiðslu

Fundargerð félagsmálanefndar frá 22. júní lögð fram til afgreiðslu

Fundargerð íþrótta- og tómstundanefndar frá 22. júní lögð fram til afgreiðslu

Fundargerð barnaverndarnefndar frá 21. júní lögð fram til afgreiðslu.

Fundargerð stjórnar menningarstofu og safnastofnunar frá 24. júní lögð fram til afgreiðslu