Bæjarráð

Lagt fram sem trúnaðarmál yfirlit yfir rekstur Fjarðabyggðar fyrstu sex mánuði ársins 2022, auk deildayfirlits fyrir sama tímabil.

Lagt fram minnisblað og tillögur fjármálastjóra um tekju- og gjaldaforsendur fjárhagsáætlunar ársins 2023 og 3ja ára áætlunar fyrir árin 2024-2026. Vísað til áframhaldandi vinnu við gerð fjárhagsáætlunar fyrir árið 2023 og tekið fyrir á næsta fundi bæjarráðs.

Framlögð samantekt fjármálastjóra á hugmyndum um breytingu á álagningu vatnsgjalds í Fjarðabyggð frá 2020. Bæjarráð samþykkir að hefja vinnu við breytingu á framsetningu álagningar á vatnsgjaldi þar sem horft verður til stærðar eigna í sveitarfélaginu í stað verðmætis. Fjármálastjóra falið að hefja þá vinnu í tengslum við gerð fjárhagsáætlunar 2023.

Ársreikningur Hitaveitu Fjarðabyggðar fyrir árið 2021 lagður fram til undirritunar. Ársreikningurinn hefur þegar verið samþykktur í samstæðureikningi Fjarðabyggðar.

Grenndarkynning vegna breytinga á lóðum Hrauntúni 1-9 á Breiðdalsvík lögð fram til samþykktar. Bæjarráð samþykkir grendarkynninguna.

Lagt fram erindi frá íbúasamtökum Stöðvarfjarðar. Bæjarráð þakkar fyrir erindið og vísar því til umfjöllunar í mannvirkja og veitunefnd.

Skipulagsstofnun hefur óskað eftir umsögn vegna tilkynningar Fiskeldis Austfjarða hf. á breytingu á eldisfyrirkomulagi í Fáskrúðsfirði. Bæjarráð felur atvinnu- og þróunarstjóra að ganga frá umsögn í samræmi við fyrri umsagnir sveitarfélagsins.

Skráningar í heilsueflingu 65 ára og eldri hófust mánudaginn 8. ágúst og hafa 130 manns skráð sig. Upphaflega var fjárhagslegt samþykki fyrir 80 manns í verkefninu.
Deildarstjóri óskar þess vegna eftir auka fjármagni til verkefnisins til að mæta aukinni eftirspurn og samkomulag liggur fyrir við Janus heilsueflingu varðandi það. Bæjarráð fagnar þessum mikla áhuga á verkefninu og samþykkir að veita 1.735.000 kr. til verkefnsins af liðnum óráðstafað.

Gert er ráð fyrir að bæjarstjóri og forseti bæjarstjórnar sæki hátíðahöld þessa árs, ásamt fulltrúa frá skipulagsnefnd Franskra daga.

Bæjarráð samþykkir að Stefán Þór Eysteinsson taki sæti Eydísar Ásbjörnsdóttur í starfshópi um verkefnið Brothættar byggðir á Stöðvarfirði.