Bæjarráð

Sviðsstjóri framkvæmdasviðs kynnti þær framkvæmdir og aðgerðir sem farið hefur verið í við endurbætur í Nesskóla.

Bæjarstjórn Fjarðabyggðar fundaði með sveitarstjórn Fljótsdalshrepps fimmtudaginn 25. ágúst sl. Á fundinum var rætt um ýmis sameiginleg hagsmunamál sveitarfélaganna s.s. varðandi orkuskipti, orkuöflun vegna þeirra og fleira. Fundurinn var afar gagnlegur og ákveðið var að framhald yrði á þessu samráði sveitarfélaganna, og mun bæjarstjórn Fjarðabyggðar bjóða sveitarstjórn Fljótsdalshrepps til fundar á næstunni þar sem þessi mál og frekari samvinna sveitarfélaganna verður rædd.

Bæjarráð þakkar sveitarstjórn Fljótsdalshrepps fyrir góðar móttökur og gagnlegar umræður.

Lagt fram minnisblað fjármálastjóra, drög að rammaúthlutun vegna fjárhagsáætlunar 2023 auk forsenda tekju- og gjaldaliða. Umræður um fyrstu drög að rammaúthlutun 2023. Vísað til áframhaldandi vinnu við fjárhagsáætlunargerð 2023 og tekið fyrir á næsta fundi bæjarráðs.

Framlagt minnisblað frá KPMG um áhrif þess ef breyting verður gerð á bókhaldslegu rekstrarformi Hitaveitu Fjarðabyggðar með tilliti til skattaumhverfis opinberra orkufyrirtækja. Fjármálastjóra er falið að vinna málið áfram og málinu vísað til kynningar í mannvirkja- og veitunefnd.

Ársreikningur Eignarhaldsfélagsins Hrauns fyrir árið 2021 lagður fram til undirritunar.

Bæjarráð samþykkir að skipa Hjördísi Helgu Seljan Þóroddsdóttur og Þórdísi Mjöll Benediktsdóttur í stýrihóp um barnvænt sveitarfélag.

Lögð fram lóðarumsókn Róberts Óskars Sigurvaldasonar f.h. Búðinga ehf frá 23.8.2022 þar sem sótt er um lóð að Hrauntúni 7-9 á Breiðdalsvík fyrir parhús. Umsóknin kemur í kjölfar grenndarkynningar sem gerð var fyrr í ágúst. Umhverfis- og skipulagsnefnd hefur samþykkt lóðaúthlutunina fyrir sitt leyti.
Bæjarráð samþykkir að úthluta lóðinni.

Lögð fram lóðarumsókn Malbikunarstöðvar Austurlands frá 28.júli 2022 um lóð að Hjallaleiru 21, 730 Reyðarfirði. Umhverfis- og skipulagsnefnd hefur samþykkt lóðaúthlutunina fyrir sitt leyti.
Bæjarráð samþykkir að úthluta lóðinni.

Lögð fram lóðaumsókn frá RARIK vegna spennustöðvar við Öldugötu. Umhverfis- og skipulagsnefnd hefur samþykkt lóðaúthlutunina fyrir sitt leyti.
Bæjarráð samþykkir að úthluta lóðinni.

Lögð fram lóðarumsókn Guðna Þórs Elíssonar frá 15. júlí 2022 um lóð fyrir iðnaðarhúsnæði að Daltúni 9 735 Eskifirði. Umhverfis- og skipulagsnefnd hefur samþykkt lóðaúthlutunina fyrir sitt leyti.
Bæjarráð samþykkir að úthluta lóðinni.

Framlagt bréf frá Sigurði Steini Einarssyni f.h. Uxavogs ehf um úthlutun lóða við Sæbakka í Neskaupstað. Bæjarritara falið að svara erindinu og leggja tillögu að svari fyrir bæjarráð.

Framlagður tölvupóstur frá starfshópi umhverfis-, orku-, og loftlagsráðuneytis um nýtingu vindorku þar sem Fjarðabyggð er boðið að koma á framfæri sínum sjónarmiðum um þau málefni sem starfshópnum er ætlað að fjalla um. Atvinnu- og þróunarstjóra er falið að gera tillögu að svari við erindinu og kynna í bæjarráði.

Framlagður tölvupóstur frá íbúasamtökunum Breiðdælinga þar sem óskað er eftir fundi með bæjarstjórn. Bæjarstjóra falið að ræða við stjórn íbúasamtakana.

Fundargerð Hafnarstjórnar frá 24. ágúst lögð fram til afgreiðslu.

Fundargerð umhverfis- og skipulagsnefndar frá 23. ágúst lögð fram til afgreiðslu

Fundargerð íþrótta- og tómstundanefndar frá 22. ágúst lögð fram til afgreiðslu

Fundargerð fræðslunefndar frá 17. ágúst lög fram til afgreiðslu