Bæjarráð

Lögð fram tillaga að úthlutun ramma fyrir A hluta Fjarðabyggðar til vinnslu í nefndum vegna ársins 2023, ásamt áætlun um sjóðsstreymi auk umfjöllunar fjármálastjóra um tillöguna og áætlaðan rekstur Fjarðabyggðar.
Bæjarráð samþykkir framlagðan fjárhagsramma áætlunar 2023 og felur bæjarstjóra að gefa þá út til nefnda.

Framlagt minnisblað slökkvistjóra varðandi útfærslur á styttingu vinnuvikunar hjá Slökkviliði Fjarðabyggðar.
Lagt fram til kynningar.

Lögð fram sem trúnaðarmál drög að samningi við KPMG um vinnu að skilgreiningu og undibúningi að stofnun þróunarfélags um grænan orkugarð í Fjarðabyggð ásamt tillögu að verkefnalýsingu.
Bæjarráð felur bæjarstjóra að vinna áfram að samningi og leggja hann fyrir bæjarráð til staðfestingar.

Framlagður tölvupóstur frá Slysavarnardeildinni Hafdísi um uppsetningu björgunarhringja við vötn í Fjarðabyggð.
Vísað til mannvirkja- og veitunefndar til úrvinnslu.

Framlagt bréf Sambands sveitarfélaga á Austurlandi um endurskoðun fjallskilasamþykktar en hún hefur tekið breytingum frá því sem hún var upphaflega afgreidd í gegnum landbúnaðarnefnd og eigna-, skipulags- og umhverfisnefnd. Fjallskilasamþykkt hefur ekki fengið formlega afgreiðslu í bæjarstjórn.
Bæjarráð vísar fjallskilasamþykktinni til umfjöllunar fjallskilanefndar og umhverfis- og skipulagsnefndar.

Fram lögð til kynningar kröfulýsing vegna sjúkraflutninga og minnisblað sem
trúnaðarmál vegna endurskoðun samnings um sjúkraflutninga í Fjarðabyggð við Heilbrigðisstofnun Austurlands.

Umræða tekin um yfirlýsingu og forkaupsréttarákvæði samnings um Hafnargötu 6 á Reyðarfirði sem er orðin virk.
Bæjarráð samþykkir að virkja forkaupsréttarákvæði og felur bæjarstjóra að hefja viðræður við eigenda fasteignarinnar.

Fundargerð 912. fundar stjórnar sambandsins lögð fram til kynningar.