Bæjarráð

Framlagt bréf um sundkennslu í Grunnskóla Reyðarfjarðar.
Unnið er að því að taka saman uppfærðar upplýsingar um viðhaldsframkvæmdina við sundlaugarkerið en tímasetningar liggja ekki fyrir um opnun á nýju íþróttahúsi.
Bæjarráð sér ekkert því til fyrirstöðu að sundkennsla fari fram í haust á Eskifirði og vísar erindi þar um til fræðslunefndar.

Framlagt bréf frá Lystigarðsnefnd Kvenfélagsins Nönnu í Neskaupstað um lystigarðinn í Neskaupstað.
Erindi vísað til umhverfis- og skipulagsnefndar. Sviðsstjóra framkvæmdasviðs, garðyrkjustjóra og skipulags- og umhverfisfulltrúa er falið að funda með lystigarðsnefndinni.

Framlagt tölvupóstur frá Austurbrú vegna vettvangsferðar til Danmerkur á vegum Íslandsstofu vegna vindorkumála.
Bæjarráð samþykkir að taka þátt í kynnisferðinni.Tekið fyrir á næsta fundi bæjarráðs.

Framlagt minnisblað frá atvinnu- og þróunarstjóra um samkomulag við rekstraraðila tjaldsvæðisins á Breiðdalsvík vegna tafa á afhendingu þjónustuhúss samkvæmt leigusamningi.
Bæjarráð samþykkir að gengið sé frá samkomulaginu og er bæjarstjóra falin undirritun samkomulagsins.

Lagt fram skuldabéf við Ofanflóðasjóð að fjárhæð 21.154.206 krónur til samþykktar. Skuldabréfið er í samræmi við þegar samþykkta lánsumsókn í bæjarstjórn.
Bæjarráð samþykkir skuldabréfið fyrir sitt leyti og vísar því til staðfestingar bæjarstjórnar.

Lagt fram minnisblað bæjar- og fjármálastjóra um grænan orkugarð ásamt drögum að samningi við KPMG um vinnu að skilgreiningu og undibúningi að stofnun þróunarfélags um grænan orkugarð í Fjarðabyggð ásamt tillögu að verkefnalýsingu.
Bæjarráð samþykkir að farið verði í vinnu við verkefni um grænan orkugarð með KPMG ráðgjöf og felur bæjarstjóra og fjármálastjóra að ganga frá samningi þar um. Jafnframt er settur upp vinnuhópur vegna verkefnisins sem í eru bæjarstjóri, atvinnu- og þróunarstjóri, verkefnisstjóri hafna og fjármálastjóri.

Lögð fram sem trúnaðarmál drög að lóðarleigusamningi við Copenhaagen Infrasturucture Partners um lóð undir iðnaðarstarfsemi í Reyðarfirði ásamt athugasemdum frá lögmanni Fjarðabyggðar.
Bæjarráð felur bæjarstjóra að vinna áfram að málinu og leggja fyrir bæjarráð að nýju.

Framlögð drög að svari við bréfi Sigurðar Steins Einarssonar f.h. Uxavogs vegna lóðaúthlutunar á lóð við Sæbakka.
Bæjarráð samþykkir svarbréfið.

Framlagt minnisblað bæjarstjóra vegna fyrirkomulags um ráðningar í störf hjá Fjarðabyggð.
Bæjarráð samþykkir tillögu bæjarstjóra. Ragnar Sigurðsson situr hjá.

Fundargerð mannvirkja- og veitunefndar frá 7. september lögð fram til afgreiðslu.

Fundargerð mannvirkja- og veitunefndar frá 12. september lögð fram til afgreiðslu.

Fundargerð íþrótta- og tómstundanefndar 12. september 2022 tekin til afgreiðslu.