Bæjarráð

Lögð fram til kynningar "Drög að upplýsingastefnu stjórnvalda". Umsagnarfrestur er til og með 09.10.2022.

Framlagt bréf leikskólastjóra í Fjarðabyggð um um opnunartíma leikskóla í Fjarðabyggð. Erindinu er vísað til fræðslunefndar til umfjöllunar.

Framlögð til kynningar fundargerð stjórnar Náttúrustofu Austurlands frá 1. september sl.

Brák íbúðafélag hses hefur verið stofnað og flytja þarf úthlutun stofnframlaga vegna tveggja verkefna frá Fjarðabyggð til Brákar. Bæjarráð samþykkir að flytja áður úthlutuðum stofnframlögum Fjarðabyggðar og HMS með formlegum hætti til Brákar vegna Hafnarbrautar í Neskaupstað og Árdals á Eskifirði.

Brák íbúðafélag hses hefur verið stofnað og flytja þarf úthlutun stofnframlaga vegna tveggja verkefna frá Fjarðabyggð til Brákar. Bæjarráð samþykkir að flytja áður úthlutuðum stofnframlögum Fjarðabyggðar og HMS með formlegum hætti til Brákar vegna Búðarmels á Reyðarfirði. Jafnframt samþykkir bæjarráð yfirtöku Brákar á kaupsamningi Fjarðabyggðar við Nýjatún ehf um Búðarmel.

Lögð fram lóðarumsókn Róberts Óskars Sigurvaldasonar um lóð að Sæbakka 17 í Neskaupstað. Umhverfis- og skipulagsnefnd hefur samþykkt, fyrir sitt leyti, að úthluta lóðinni og vísar umsókninni til bæjarráðs til endanlegrar afgreiðslu. Bæjarráð samþykkir úthlutun lóðarinnar.

Lögð fram lóðarumsókn Vilhjálms Skúlasonar um lóð að Bakkabakka 2b, í Neskaupstað. Umhverfis- og skipulagsnefnd hefur samþykkt, fyrir sitt leyti, að úthluta lóðinni og vísar umsókninni til bæjarráðs til endanlegrar afgreiðslu. Bæjarráð samþykkir úthlutun lóðarinnar.

Fundargerð menningar- og safnastofnunar frá 20. september lögð fram til afgreiðslu

Fundargerð hafnarstjórnar frá 19. september lögð fram til afgreiðslu

Fundargerð umhverfis- og skipulagsnefndar frá 20. september tekin til afgreiðslu