Bæjarráð

Gerð grein fyrir stöðu við vinnu fjárhagsáætlunar Fjarðabyggðar. Fundir bæjarstjóra og fjármálastjóra með formönnum nefnda og sviðsstjórum verða í vikunni og í þar næstu viku mæta þeir á fund bæjarráðs.

Lögð fram greinargerð um stöðu á sölu eigna Fjarðabyggðar samkvæmt samþykktum bæjarstjórnar, ásamt tillögu að sölu og söluaðferð 3ja eigna að auki.
Bæjarráð samþykkir tillögur í minnisblaði og felur fjármálastjóra að vinna málið áfram.

Farið yfir tjón á mannvirkjum og eignum vegna ofsaveðurs sem gekk yfir Fjarðabyggð 25. og 26. september. Unnið verður að viðgerðum og uppgjörum tengdum tjónum.

Framlagt ársfundarboð Jöfnunarsjóðs sveitarfélaga sem haldinn verður miðvikudag 12. október kl. 16:00.
Bæjarráð felur bæjarstjóra Fjarðabyggðar, Jóni Birni Hákonarsyni að fara með umboð sveitarfélagsins á ársfundinum.

Framlögð beiðni Félags áhugafólks um fornleifarannsóknir á Stöðvarfirði um fjárstyrk til rannsókna.
Bæjarráð lýsir ánægju með störf áhugafólksins og styður við verkefnið með svipuðum hætti og undanfarin ár. Leitað verður leiða til að finna fleiri stuðningsaðila að verkefninu. Vísað til stjórnar menningar- og safnastofnunar.

Fram lagt erindi frá UNICEF á Íslandi til Fjarðabyggðar um tækifæri barna til áhrifa og ungmennaráð.
Bæjarráð vísar erindi til nefnda sveitarfélagsins til umfjöllunar.

Framlagt bréf skólastjórnenda við Grunnskóla Reyðarfjarðar vegna afgreiðslu bæjarráðs á bréfi um sundlaug á Reyðarfirði og sundkennslu. Fjárveiting til aksturs barna í sundkennslu er áætlaður á árinu 2022 með sama hætti og var í áætlun ársins 2021.
Lagt fram til kynningar.

Framlagður tölvupóstur frá Árnýju Hafborgu Hálfdánardóttur þar sem óskað er eftir fundi með bæjarstjóra og bæjarstjórn vegna uppbyggingar á smáhýsahverfi/frístundahúsum í Fjarðabyggð.
Bæjarráð fagnar áformum og felur bæjarstjóra að ræða við málsaðila.

Bæjarráð samþykkir að fulltrúar Fjarðabyggðar í vettvangsferð til Danmerkur á vegum Íslandsstofu vegna vindorkumála verði tveir. Bæjarstjóra og formanni bæjarráðs falið að velja fulltrúa til ferðarinnar.

Framlögð drög að svari við erindi starfshóps um til nýtingu vindorku.
Bæjarráð samþykkir drög að umsögn með uppfærslu sem samþykkt var á fundi.

Vísað frá umhverfis- og skipulagsnefnd til afgreiðslu bæjarráðs lóðarumsókn Reisugils ehf um lóðirnar að Hlíðarbrekku 1,3,5, og 7 á Fáskrúðsfirði.
Bæjarráð samþykkir úthlutun lóðanna.

Vísað frá umhverfis- og skipulagsnefnd til afgreiðslu bæjarráðs lóðarumsókn Hrafnshóls EHF um lóð að Hafnarbraut 40, í Neskaupstað.
Bæjarráð samþykkir úthlutun lóðarinnar og afturkallar þar með úthlutun lóðarinnar til Fjarðabyggðar f.h. Brákar íbúðarfélags hses.

Framlögð fundargerð barnaverndarnefndar nr. 157. frá 6. september til afgreiðslu.

Fundargerð 115. fundar fræðslunefndar frá 28. september lögð fram til afgreiðslu.

Fundargerð 105. fundar íþrótta- og tómstundanefndar lögð fram til afgreiðslu.

Fundargerð 8. fundar umhverfis- og skipulagsnefndar frá 27. september lögð fram til afgreiðslu.

Fundargerð 5. fundar mannvirkja- og veitunefndar frá 26. september lögð fram til afgreiðslu.

Fundargerð 157. fundar félagsmálanefndar frá 20. september lögð fram til afgreiðslu.