Bæjarráð

Farið yfir skipulag almenningssamgangna vegna skíðaæfinga, starf skíðafélagsins og framtíð skíðasvæðisins.

Framhald umræðu um fjárhagsáætlun Fjarðabyggðar 2023-2026.
Umræðu vísað til næsta fundar bæjarráðs.

Vísað frá félagsmálanefnd til umfjöllunar bæjarráðs tillögum sviðsstjóra um hagræðingu vegna reksturs félagsmálaflokksins.
Bæjarráð samþykkir að taka tillögur sem koma fram í minnisblaði til vinnslu í fjárhagsáætlunargerð 2023.

Vísað frá stjórn menningarstofu- og safnastofnunar til bæjarráðs drögum að starfs- og fjárhagsáætlun fyrir menningarmálaflokkinn 2023.
Vísað til fjárhagsáætlunargerðar.

Vísað frá mannvirkja- og veitunefnd til umfjöllunar bæjarráðs starfs- og fjárhagsáætlun málaflokka sem heyra undir nefndina.
Vísað til áframhaldandi vinnslu við gerð fjárhagsáætlunar.

Framlagður viðauki við fjárhagsáætlun Fjarðabyggðar fyrir árið 2023. Viðaukinn fjallar um breytta framsetningu fjárhagsáætlana samkvæmt reglugerð, veikindalaun, þjónustu í þágu velsældar barna, námsstyrki og millifærslur.
Bæjarráð samþykkir viðaukann fyrir sitt leyti og vísar honum til afgreiðslu bæjarstjórnar.

Vísað frá stjórn menningarstofu og safnastofnunar til bæjarráðs málefnum stríðsárasafns sem lútað að framtíð og staðsetningu safnsins.
Fram lagt og rætt. Verður tekið upp síðar í bæjarráði.

Framlagður tölvupóstur frá umhverfis, orku-, og loftlagsráðuneytinu þar sem kynnt er samráð vegna máls. 188/2022 - Þjóðgarðar og önnur friðlýst svæði - lykilþættir". Umsagnarfrestur er til og með 21.10.22.
Bæjarráð vísar erindi til skoðunar hjá umhverfis- og skipulagsfulltrúa.

Framlögð tillaga að þingsályktun um endurskoðun á laga- og reglugerðaumhverfi sjókvíaeldis.
Bæjarráð vísar til fyrri samþykkta sinna um fiskeldissjóð og felur bæjarstjóra að skila inn umsögn.

Framlögð til kynningar fundargerð 51. fundar stjórnar Samtaka orkusveitarfélaga.

Fundargerð hafnarstjórnar frá 10. október lögð fram til afgreiðslu.

Fundargerð 9. fundar umhverfis- og skipulagsnefndar frá 11. október lögð fram til afgreiðslu.

Fundargerð 158. fundar félagsmálanefndar frá 11. október lögð fram til afgreiðslu.

Fundargerð stjórnar menningarstofu og safnastofununar frá 11. október lögð fram til afgreiðslu.

Fundargerð mannvirkja- og veitunefndar frá 12. oktober lögð fram til afgreiðslu.

Fundargerð 116. fundar fræðslunefndar frá 12. október lögð fram til afgreiðslu.

Fundargerð barnaverndarnefndar frá 11. október lögð fram til afgreiðslu.