Bæjarráð

Framlagt erindi matvælaráðuneytisins um úthlutun byggðkvóta til Fjarðabyggðar fyrir fiskveiðiárið 2022-2023 ásamt leiðbeiningum um sérreglur byggðakvóta.
Bæjarráð samþykkir að almennar reglur við úthlutun byggðakvóta gildi fyrir fiskveiðiárið 2022 til 2023 og felur atvinnu- og þróunarstjóra að upplýsa ráðuneytið.

Framlögð til staðfestingar uppfærð drög að samnningi og reglum fyrir umdæmisráð Landsbyggða vegna barnaverndarþjónustu.
Bæjarráð samþykkir uppfærðan samning og felur bæjarstjóra undirritun hans.

Lögð fram drög að valdframsali til tilgreindra starfsmanna barnaverndarþjónustu til fullnaðarafgreiðslu mála í samræmi við breytingar á barnaverndarlögum 80/2002 ásamt minnisblaði sviðsstjóra fjölskyldusviðs og erindi frá mennta- og barnamálaráðuneyti.
Bæjarráð samþykkir tillögurnar fyrir sitt leyti og felur bæjarstjóra að vinna að uppfærslu samþykkta sveitarfélagsins og erindisbréfa nefnda vegna breytinganna. Vísað til fyrri umræðu bæjarstjórnar en stefnt er að aukafundi í bæjarstjórn 28. desember nk.

Framlögð kynning vegna endurskoðunar ársreiknings 2022 sem send er bæjarráði í samræmi við lögum um endurskoðendur og endurskoðun nr. 94/2019, sem tóku gildi 1. janúar 2020. Samkvæmt ákvæðum þeirra laga ber endurskoðendum m.a. að upplýsa endurskoðunarnefndir um áhættumat og nálgun við endurskoðun ársins. Þar sem endurskoðunarnefndir eru ekki skipaðar gegnir bæjarstjórn því hlutverki.

Vísað frá íþrótta- og tómstundanefnd til afgreiðslur bæjarráðs tillögu um heilsu og fjölskyldukort Fjarðabyggðar.
Bæjarráð vísar tillögunni til deildarstjóra íþróttamála að nýju þar sem áhrif breytinga verði metnar fyrir notendur sem og kostnaðaráhrif þeirra. Þá verði tillaga að gjaldskrám útfærðar sem innifeli fjölskyldu- og heilsukortið og tekið upp með fjárhagsáætlunargerð 2024.

Vísað frá íþrótta- og tómstundanefnd til umfjöllunar bæjarráðs auglýsingastyrk til Knattspyrnufélags Fjarðabyggðar.
Bæjarráð frestar afgreiðslu og felur bæjarstjóra að ræða við forsvarsmenn félagsins.

Fundargerð 119. fundar fræðslunefndar frá 14. desember 2022 lögð fram til afgreiðslu

Fundargerð 160. fundar félagsmálanefndar frá 13. desember 2022 lögð fram til afgreiðslu.

Fundargerð 110. fundar íþrótta- og tómstundanefndar frá 14. desember 2022 lögð fram til afgreiðslu

Framlögð til afgreiðslu fundargerð barnaverndarnefndar frá 13. desember sl.