Bæjarráð

Framlagt erindi Hollvinasamtaka Gamla barnaskólans á Eskifirði um framkvæmdir við lóð skólans og stöðu endargerðar hans.
Bæjarráð felur bæjarstjóra ásamt sviðsstjóra framkvæmdasviðs að funda með hollvinasamtökunum.

Fundargerð 916. fundar stjórnar sambands Íslenskara sveitarfélaga lögð fram til kynningar.

Fundargerð stjórnar Samtaka orkusveitarfélaga nr. 54 lögð fram til kynningar

Vísað frá umhverfis- og skipulagsnefnd til afgreiðslu bæjarráðs lóðarumsókn Nípukolls ehf. um lóð að Naustahvammi 52 í Neskaupstað.
Bæjarráð samþykkir að úthluta lóðinni.

Vísað frá umhverfis- og skipulagsnefnd til afgreiðslu bæjarráðs umsókn um stofnun fjögurra lóða úr landi Ásunnarstaða í Breiðdal.
Bæjarráð samþykkir stofnun lóðanna fyrir sitt leyti og vísar staðfestingu á skiptingu lóða út úr jörðinni til afgreiðslu bæjarstjórnar.

Framlögð til kynningar 2. fundargerð stjórnar Náttúrustofu Austurlands frá 6. deseember sl.

Framlagður tölvupóstur frá Sveitarfélaginu Hornafirði þar sem óskað er samstarfs um rekstur barnaverndarþjónustu.
Bæjarráð samþykkir að hefja viðræður við Sveitarfélagið Hornafjörð um samstarf um rekstur barnaverndarþjónustu. Bæjarstjóra falið að útfæra samning og leggja fyrir bæjarráð til afgreiðslu.

Framlagt erindi Húsnæðis og mannvirkjastofnunar varðandi starfsemi slökkviliðs Fjarðabyggðar.
Vísað til bæjarstjóra til afgreiðslu.

Framlagt bréf frá Mennta- og barnamálaráðuneytinu um undanþágu frá skilyrðum um 6.000 íbúa lágmarksíbúafjölda að baki barnaverndarþjónustu.

Lagt fram minnisblað um endurnýjun samnings um yfirdráttarheimild hjá Íslandsbanka.
Bæjarráð samþykkir fyrir sitt leyti að endurnýja samning um yfirdráttarheimild hjá Íslandsbanka og heimildin verði 500 m.kr. Staðfestingu yfirdráttarheimildar vísað til bæjarstjórnar til staðfestingar.

Fundargerð 14. fundar umhverfis- og skipulagsnefndar frá 20. desember 2022 tekin til afgreiðslu.