Bæjarráð

Framlagt erindi frá þjónustuþegum íþróttamiðstöðvarinnar á Reyðarfirði varðandi breyttan opnunartíma þeirra. Bæjarráð þakkar fyrir erindið en um er að ræða ákvörðun sem tekin var við gerð fjárhagsáætlunar fyrir árið 2023. Erindinu er vísað til kynningar í íþrótta- og tómstundanefnd sem skoða mun útfærslur þessara aðgerða.

Ragnar Sigurðsson vék af fundi við umfjöllun þessa liðar.

Framlagðar breytingar á samþykkt um stjórn og fundarsköp bæjarstjórnar vegna 12. gr., sbr. 10. gr. barnaverndarlaga nr. 80/2002, með síðari breytingum ásamt breyttu ferli við endurnýjun lóðaleigusamninga. Bæjarráð vísar breytingum á samþykktunum um stjórn og fundarsköp bæjarstjórnar til síðari umræðu í bæjarstjórn.

Vísað frá bæjarstjórn til síðari umræðu í bæjarráði erindisbréfi ungmennaráðs. Bæjarráð samþykkir að vísa erindisbréfi ungmennaráðs til síðari umræðu í bæjarstjórn.

Vísað frá bæjarstjórn til bæjarráðs til síðari umræðum tillögu að húsnæðisáætlun Fjarðabyggðar 2023. Bæjarráð samþykkir að vísa húsnæðisáætlun Fjarðabyggðar 2023 til síðari umræðu í bæjarstjórn.

Bæjarráð sem stjórnkerfisnefnd tók til umfjöllunar tillögur bæjarstjóra að breytingum á stjórnsýslu sveitarfélagsins. Bæjarráð samþykkir tillögur bæjarstjóra og felur honum úrvinnslu breytinganna, kynningu hennar meðal starfsmanna og áframhaldandi vinnu.

Framlagt erindi sem trúnaðarmál frá Austurbrú og SSA um þátttöku sveitarfélaganna á Austurlandi í nýju verkefni hjá Austurbrú í samstarfi við fleiri aðila. Unnið hefur verið að mótun verkefnisins í haust og liggja fyrir samningsdrög og upplýsingar um aðkomu sveitarfélagnna.

Bæjarráð Fjarðabyggðar samþykkir þátttöku í verkefninu og felur bæjarstjóra að vinna að frágangi samnings þess efnis.

Framlagt minnisblað vegna aksturs á Skíðasvæðið í Oddsskarði. Forstöðumanni stjórnsýslu falið að vinna málið áfram í samræmi við umræður á fundinum