Bæjarráð

Framlagður tölvupóstur Jóns Björns Hákonarsonar þar sem hann segir upp starfi sínu sem bæjarstjóri Fjarðabyggðar kjörtímabilið 2022 - 2026.
Bæjarráð samþykkir starfslok bæjarstjóra og felur formanni bæjarráðs ásamt bæjarritara að ganga frá uppgjöri starfsloka að loknum starfstíma. Jafnhliða sækir Jón Björn eftir leyfi sem bæjarfulltrúi í sex mánuði frá 1. apríl nk.

Auk þess verða þær breytingar að Birgir Jónsson tekur við sem forseti bæjarstjórnar af Hjördísi Helgu Seljan Þóroddsdóttir á næsta fundi bæjarstjórnar.

Tekin umfjöllun um atvinnumál. Tekið fyrir sem trúnaðarmál. Bæjarstjóra og fjármálastjóra falið að vinna málið áfram í samræmi við umræður á fundinum.

Lögð fram samantekt fjármálastjóra á þremur tilboðum í Búðarveg 8 á Fáskrúðsfirði eða Templarann. Eignin var auglýst til sölu í samræmi við samþykkt bæjarráðs frá 3. október 2022.

Lagt fram kauptilboð Tinnu Hrannar og Sindra Má Smárabörnum í Búðarveg 8 á Fáskrúðsfirði. Bæjarráð hefur ákveðið að taka öðru tilboði.

Lagt fram kauptilboð Kryxysztof Edmund Madejski ofl. f.h. óstofnaðs félags í Búðarveg 8 á Fáskrúðsfirði. Bæjarráð samþykkir að taka tilboðinu og felur fjármálastjóra frágang málsins og bæjarstjóra undirritun skjala sem það varða.

Lagt fram kauptilboð Reisugils ehf. (Guðrúnar Æsu Ingólfsdóttur) í Búðarveg 8 á Fáskrúðsfirði. Bæjarráð hefur ákveðið að taka öðru tilboði.

Fundargerð 919. fundar stjórnar sambandsins lögð fram til kynningar.

Fundargerð stjórnar Samtaka orkusveitarfélaga nr. 57. lögð fram til kynningar