Bæjarráð

Framlögð til staðfestingar samstarfsyfirlýsing við leigufélagið Bríet varðandi íbúðauppbyggingu í Fjarðabyggð. Bríet byggir 4 íbúðir, tvær á Eskifirði og tvær á Reyðarfirði.
Bæjarráð staðfestir samstarfsyfirlýsinguna og fagnar framgangi í byggingu leiguhúsnæðis í Fjarðabyggð.

Framlagt minnisblað upplýsingafulltrúa þess efnis að hafin verði vinna við undirbúning að nýrri heimasíðu fyrir Fjarðabyggð.
Bæjarráð samþykkir að hafinn verði undirbúningur að gerð nýrrar heimasíðu á grundvelli minnisblaðsins. Tillögur verði lagðar fyrir bæjarráð til staðfestingar.

Framlagt minnisblað atvinnu- og þróunarstjóra og umhverfis- og skipulagfulltrúa varðandi framtíð tjaldsvæða í Fjarðabyggð.
Bæjarráð samþykkir að frá og með haustinu 2023 verði tjaldsvæði sveitarfélagsins boðin til sölu. Atvinnu- og þróunarstjóra falið að undirbúa tillögur að söluferli tjaldsvæðanna og leggja fyrir bæjarráð.

Mikið tjón varð á safninu í óveðri haustið 2022 og eyðilögðust þá tveir braggar í eigu safnsins og aðalsýningarhús þess skemmdist verulega. Ekki verður hægt að endurbæta húsnæði fyrir sumarið 2023.
Vísað frá stjórn Menningarstofu og Safnastofnunar tillögu um að hafa Stríðsárasafnið lokað. Leggur stjórnin til við bæjarráð breytingar á starfsáætlun menningarmála. Jafnframt vísar stjórn málefnum stríðsárasafnsins til fjárhagsáætlunargerðar 2024 varðandi fjármögnun endurbóta húsnæðisins og að lokið verði við endurgerð á þeim bragga sem eftir stendur. Forstöðumanni safnastofnunar falið að skoða útfærslu á sýningu á Reyðarfirði sumarið 2023 og leggja tillögur fyrir stjórnina.
Bæjarráð staðfestir ákvörðun stjórnarinnar varðandi lokun safnsins og leggur jafnframt til að aðrir kostir verði skoðaðir með tilliti til niðurstöðu starfshóps.

Farið yfir málefni fjölskyldusviðs.

Vísað frá félagsmálanefnda til kynningar í bæjarráði stöðuskýrslu sviðsstjóra fjölskyldusviðs og stjórnanda stoð- og stuðningsþjónustu varðandi nýtt búsetuúrræði í Fjarðabyggð.
Lagt fram til kynningar.

Vísað frá félagsmálanefnda minnisblaði stjórnanda stoð- og stuðningsþjónustu, auk tillögu að samþykktum fyrir samráðshóp um málefni fatlaðra í Fjarðabyggð. Í minnisblaðinu er lagt til að stofnaður verði opinn samráðshópur um málefni fatlaðs fólks í Fjarðabyggð, og auk þess lögð fram tillaga að samþykkt fyrir ráðið.
Bæjarráð samþykkir tillögu að samþykktum fyrir samráðshóp um málefni fatlaðra. Vísað til fyrri umræðu bæjarstjórnar.

Framlagt til kynningar erindi Ívars Ingimarssonar varðandi ágang búfjár við Óseyri í Stöðvarfirði.
Erindi fram lagt og kynnt og vísað til landbúnaðarnefndar.

Vísað frá umhverfis- og skipulagsnefnd umsókn um stækkun á lóð að Búðareyri 8, Reyðarfirði.
Bæjarráð samþykkir fyrir sitt leyti stækkun lóðar en vísar erindi til afgreiðslu umhverfis- og skipulagsnefndar vegna óverulegrar breytingar á deiliskipulagi.

Vísað frá umhverfis- opg skipulagsnefnd til afgreiðslu bæjarráðs tillögu að sameiginlegri samþykkt fyrir sveitarfélög á starfssvæði HAUST sem kemur í stað sérstakrar samþykktar um umgengni og þrifnað utanhúss.
Bæjarráð samþykkir fyrir sitt leyti samþykkktina og vísar henni til fyrri umræðu í bæjarstjórn.

Framlagt erindi frá Grænvangi vegna fræðsluferðar til Noregs vegna Vindorku. Sendiráð Íslands í Noregi í samstarfi við Grænvang auk fjölda samstarfsaðila í Noregi standa saman að skipulagningu vettvangs- og fræðsluferðar til Noregs um hagnýtingu vindorku dagana 25. til 29. apríl næstkomandi.
Bæjarráð samþykkir að formaður umhverfis- og skipulagsnefndar fari í fræðsluferð. Ragnar Sigurðsson situr hjá.

Framlagðir til kynningar vinnslusamningar vegna byggðakvóta fyrir fiskveiðiárið 2022 - 2023.
Bæjarráð samþykkir vinnslusamninga fyrir sitt leyti.

Framlögð tillaga frá Sjálfstæðisflokknum þess efnis að framkvæmd verði stjórnsýsluútekt hjá Fjarðabyggð.
1.
Úttekt á stjórnsýslu Fjarðabyggðar
Sjálfstæðisflokkurinn leggur til að framkvæmd verði stjórnsýsluúttekt hjá Fjarðabyggð. Fenginn verði óháður aðili til að framkvæma úttektina sem skal fara fram án tafar og í samvinnu og samráði við bæjarráð. Í verkefninu verður sérstaklega horft til þess hvernig auka megi skilvirkni og hagræðingu í rekstri og starfsemi sveitarfélagsins. Þá verði sérstaklega horft til starfsumhverfis á bæjarskrifstofu sveitarfélagsins með það fyrir augum að skapa öflugt starfsumhverfi, auka starfsánægju og draga úr starfsmannaveltu.

Eftirfarandi markmið skulu lögð til grundvallar:
- Vinna greiningu og leggja mat á styrkleika og veikleika í þjónustu, verkaskiptingu og samstarfi.
- Koma með tillögur að aukinni skilvirkni og hagræðingu í stjórnkerfi og rekstri sveitarfélagsins.
- Gera úrbótaáætlun á starfsumhverfi bæjarskrifstofu.

Tryggja skal aðkomu starfsfólks, íbúa og annarra hagsmunaðila með viðtölum og vinnustofu. Samhliða verkefninu er gert er ráð fyrir því að opnað verði fyrir ábendingagátt fyrir íbúa þar sem hægt er að kalla eftir sjónarmiðum og ábendingum sem falla að meginmarkmiðum úttektarinnar. Við lok verksins skal liggja fyrir forgangsröðuð úrbótaáætlun fyrir sveitarfélagið.

Bæjarráð er ásátt um eftirfarandi tillögu.
Bæjarráð Fjarðabyggðar samþykkir að framkvæmd verði stöðugreining á stjórnsýslu sveitarfélagsins. Fenginn verði óháður aðili til að framkvæma greininguna í samvinnu og samráði við bæjarráð. Í verkefninu verður sérstaklega horft til þess hvernig auka megi skilvirkni og árangur í rekstri og stjórnsýslu sveitarfélagsins. Þar verði sérstaklega horft til starfsumhverfis á bæjarskrifstofu sveitarfélagsins með það fyrir augum að skapa öflugt starfsumhverfi, auka starfsánægju og draga úr starfsmannaveltu.
Eftirfarandi verkþættir skulu vera hluti af verkefninu:
- Vinna greiningu og leggja mat á styrkleika og veikleika í þjónustu, verkskiptingu og samstarfi innan stjórnsýslu Fjarðabyggðar
- Koma með tillögur að aukinni skilvirkni, árangri og hagræðingu í stjórnkerfi og rekstri sveitarfélagsins
-Koma með tillögur að úrbótaráætlun á starfsumhverfi starfsmanna á bæjarskrifstofu.
- Við lok verksins verði lögð fram forgangsröðun úrbótaverkefna.
Tryggja skal aðkomu starfsfólks og annarra hagaðila að greiningarferlinu í samráði við bæjarráð. Mikilvægt er á þessum tímapunkti að ná vel utan um núverandi stöðu svo úrbætur verði markvissar, skilvirkar og til þess fallnar að efla samfélagið til framtíðar.
Bæjarstjóra falið að afla tilboð í verkefnið og leggja fyrir bæjarráð niðurstöður þeirra.

Fundargerð fræðslunefndar frá 8. mars lögð fram til afgreiðslu.

Fundargerð 114. fundar íþrótta- og tómstundanefndar frá 6. mars 2023 lögð fram til afgreiðslu.

Fundargerð 163. fundar félagsmálanefndar frá 6. mars 2023 lögð fram til afgreiðslu.

Fundargerð 20. fundar umhverfis- og skipulagsnefndar frá 7. mars lögð fram til afdgreiðslu.

Fundargerð 7. fundar stjórnar menningarstofu og safnastofnunar frá 7. febrúar lögð fram til afgreiðslu.