Bæjarráð

Kynnt drög að ársreikningi Fjarðabyggðar fyrir árið 2022. Endurskoðendur
Fjarðabyggðar sátu fundinn í fjarfundi og gerðu grein fyrir vinnu sinni.
Ársreikningur verður tekin til umfjöllunar á næsta fundi bæjarráðs.

Lagt fram sem trúnaðarmál yfirlit yfir rekstur Fjarðabyggðar í janúar auk skatttekna og launakostnaðar í janúar - febrúar 2023.

Framlagðar niðurstöður vinnustaðagreiningar sem Gallup framkvæmdi í lok árs 2022 sem trúnaðarmál.

Framlögð til kynningar drög að kostnaðaráætlun vegna uppbyggingar bragga á safnasvæði Íslenska Stríðsárasafnsins.
Vísað til stjórnar menningar- og safnastofnunar.

Framlögð samstarfsyfirlýsing Fjarðabyggðar við Brák íbúaðfélag og Búðinga um uppbyggingu leiguhúsnæðis í Fjarðabyggð.
Bæjarráð samþykkir samstarfsyfirlýsinguna.

Framlagðar til kynningar úr samráðsgátt fyrirhugaðar breytingar á regluverki Jöfnunarsjóðs sveitarfélag. Umsagnarfrestur er til 27. mars nk.

Framlagt erindi frá Ungmennafélaginu Leikni varðandi aðstöðu fyrir rafíþróttadeild á Fáskrúðsfirði.
Bæjarráð vísar erindi til skoðunar hjá framkvæmdasviði vegna stöðu húsnæðis og óskar afstöðu Hollvinasamtaka Skrúðs. Erindið tekið fyrir að nýju í bæjarráði.

Lagt fram aðalfundarboð Netorku 28. mars 2023.
Bæjarráð felur Sigfúsi Þóri Guðlaugssyni að fara með umboð Fjarðabyggðar á aðalfundinum.

Fjarfundur með formanni Afls starfsgreinafélags vegna íbúðauppbyggingar í Fjarðabyggð og Bjargs íbúðafélags.
Bæjarráð felur fjármálastjóra að ræða nánar við formann Afls starfsgreinafélags um hugmyndir félagsins um uppbyggingu húsnæðis í samvinnu við Bjarg húsnæðisfélag og leggja fyrir bæjarráð að nýju.