Bæjarráð

Framhald frá síðasta fundi bæjarráðs.
Endurskoðandi Magnús Jónsson frá KPMG fór yfir stöðu á vinnslu ársreiknings Fjarðabyggðar og stofnana fyrir árið 2022.
Ársreikningur verður lagður fram til fyrri umræðu í bæjarstjórn miðvikudaginn 29. mars nk.

Tekið fyrir að nýju fyrirhugaðar breytingar á regluverki Jöfnunarsjóðs sveitarfélag. Umsagnarfrestur er framlengdur til 30. mars nk.
Bæjarráð felur fjármálastjóra að skila umsögn um fyrirhugaðar breytingar

Framlögð til kynningar tillaga kjörnefndar að fulltrúa í stjórn sambandsins.

Vísað frá fræðslunefnd til afgreiðslu bæjarráðs tillögu að breytingu á reglum um leikskóla.
Bæjarráð samþykkir reglurnar fyrir sitt leyti og vísar þeim til staðfestingar bæjarstjórnar.

Vísað frá fræðslunefnd til afgreiðslu bæjarráðs tillögu að breytingu á gjaldskrám leikskóla í samræmi við breytingar sem lagðar hafa verið fram um breytingar á reglum um leikskóla.
Bæjarráð staðfestir breytingar sem lagðar eru til á gjaldskrá og þær taki gildi frá og með 1. apríl 2023.

Fram lögð drög að samningi um leigu á snjótroðara frá Skíðasvæði Höfuðborgarsvæðisins sem nýttur verður á skíðasvæðinu í Oddskarði vegna bilunar í snjótroðara í Oddskarði.
Bæjarráð samþykkir samninginn og felur bæjarstjóra undirritun hans ef til þess kemur að þörf sé á honum. Kostnaði mætt innan málaflokks íþrótta- og tómstundamála.

Framlagt erindi frá Samvinnufélagi útgerðarmanna á Norðfirði þar sem samvinnufélagið lýsir yfir að það greiði kostnað við þann hluta söguritunar Norðfjarðarsögu sem er frá 1929 til 1998. Óskað er eftir að sveitarfélagið greiði útgáfu verksins þegar ritun er lokið.
Bæjarráð fagnar áhuga Samvinnufélagsins og þakkar áhuga á ritun sögu Norðfjarðar. Erindi vísað til umfjöllunar stjórnar Menningarstofu og Safnastofnunar.

Framlögð tillaga til þingsályktunar um uppbyggingu Suðurfjarðarvegar sem umhverfis- og samgöngunefnd Alþingis hefur sent til umsagnar, 230. mál. Frestur til umsagnar er til 29. mars nk.
Bæjarráð tekur heilshugar undir þingsályktunina og vísar til fyrri umsagna og ályktana sveitarfélagsins um mikilvægi uppbyggingar Suðurfjarðarvegar. Bæjarritara falið að skila umsögn.

Framlögð styrkumsókn frá Hestamannafélaginu Freyfaxa vegna fjórðungsmóts hestamanna sem haldið verður 6. - 9. júlí 2023.
Bæjarráð samþykkir að styrkja viðburðinn og felur forstöðumanni stjórnsýslu og upplýsingamála að afgreiða styrk.

Vísað frá umhverfis- og skipulagsnefnd til afgreiðslu bæjarráðs lóðaumsókn RARIK um lóðina að Suðurtúni 5 á Reyðarfirði undir spennistöð.
Bæjarráð samþykkir úthlutun lóðarinnar.

Vísað frá umhverfis- og skipulagsnefnd til afgreiðslu bæjarráðs umsókn Búðinga ehf. um lóðina að Ystadal 5 á Eskifirði.
Bæjarráð samþykkir úthlutun lóðarinnar.

Vísað frá umhverfis- og skipulagsnefnd til afgreiðslu bæjarráðs lóðaumsókn Búðinga ehf. um lóðina að Ystadal 7 á Eskifirði.
Bæjarráð samþykkir úthlutun lóðarinnar.

Vísað frá umhverfis- og skipulagsnefnd til afgreiðslu bæjarráðs lóðaumsókn Búðinga ehf. um lóðina að Ystadal 9 á Eskifirði.
Bæjarráð samþykkir úthlutun lóðarinnar.

Vísað frá umhverfis- og skipulagsnefnd til afgreiðslu bæjarráðs lóðaumsókn Búðinga ehf. um lóðina að Garðaholti 5 á Fáskrúðsfirði.
Bæjarráð samþykkir úthlutun lóðarinnar.

Vísað frá umhverfis- og skipulagsnefnd til afgreiðslu bæjarráðs tillögu að óverulegri breytingu á deiliskipulagi Nes 1 og stækkun lóða við Hjallaleiru 13, 15, 17 og 19 .
Bæjarráð samþykkir fyrir sitt leyti tillögu að stækkun lóða ásamt tillögu að óverulegri breytingu deiliskipulagsins Nes 1 og vísar tillögunni til afgreiðslu bæjarstjórnar.

Framlögð til kynningar fundargerð 920. fundar stjórnar sambandsins.

Framlögð til kynningar 58. fundargerð stjórnar Samtaka orkusveitarfélaga.

Fundargerð 12. fundar mannvirkja- og veitunefndar frá 22. mars tekin til afgreiðslu.

Fundargerð 123. fundar fræðslunefndar frá 22. mars tekin til afgreiðslu.

Fundargerð 293. fundar hafnarstjórnar frá 20. mars tekin til afgreiðslu.

Fundargerð 21. fundar umhverfis- og skipulagsnefndar frá 21. mars tekin til afgreiðslu.