Bæjarráð

Farið var málefni jarðarinnar Kirkjbóls með ábúendum.

Framlögð drög að uppfærðum breytingum á samþykkt um stjórn og fundarsköp bæjarstjórnar vegna 12. gr., sbr. 10. gr. barnaverndarlaga nr. 80/2002, með síðari breytingum ásamt breyttu ferli við endurnýjun lóðaleigusamninga. Efnislega eru ekki breytingar á fyrri tillögu en framsetningu hefur verið breytt til samræmis við athugasemdir innviðaráðuneytisins.
Bæjarráð samþykkir fyrir sitt leyti tillöguna og vísar henni til síðari umræðu bæjarstjórnar.

Framlagt uppfært erindisbréf fyrir félagsmálanefnd m.a. vegna breyting á hlutverkum nefndarinnar í barnaverndarmálum og því að rekstur hjúkrunarheimila hefur verið færður yfir til Heilbrigðisstofnunar Austurlands.
Bæjarráð samþykkir fyrir sitt leyti erindisbréfið og vísar því til afgreiðslu bæjarstjórnar.

Framlögð drög að uppfærðu erindisbréf umhverfis- og skipulagsnefndar en lítilsháttar breytingar hafa verið gerðar í samræmi við breytingar á samþykkt sveitarfélagsins um afgreiðslu á endurnýjun lóðarleigusamninga, gr. 12. um fullnaðarafgreiðslur.
Bæjarráð samþykkir fyrir sitt leyti erindisbréfið og vísar því til afgreiðslu bæjarstjórnar.

Framlagður milli umræðna uppfærður samningur um barnaverndarþjónustu milli Fjarðabyggðar og Sveitarfélagsins Hornafjarðar ásamt fylgiskjal um fullnaðarafgreiðsluheimildir.
Bæjarráð samþykkir samning og fylgiskjal um fullnaðarafgreiðsluheimildir til síðari umræðu bæjarstjórnar.

Siðareglur kjörinna fulltrúa lagðar fram til endurskoðunar á fyrsta starfsári bæjarstjórnar.
Bæjarráð samþykkir reglurnar með breytingu á 11. gr. og vísar þeim til staðfestingar bæjarstjórnar.

Framlagt til kynningar minnisblað um áhrif breytinga á kjarasamningum sem staðfestir hafa verið fyrir árið 2023.

Lagður fram viðauki 1 við fjárhagsáætlun Fjarðabyggðar fyrir árið 2023. Viðaukinn fjallar um áhrif gerðra kjarasamninga á launáætlun 2023.
Bæjarráð samþykkir viðaukann fyrir sitt leyti og vísar honum til staðfestingar bæjarstjórnar.

Lögð fram tillaga að reglum um gerð fjárhagsáætlunar Fjarðabyggðar, tímasetningar við áætlunargerð ársins 2024 og minnisblaði fjármálastjóra um reglurnar.
Bæjarráð samþykkir reglurnar fyrir sitt leyti með breytingum og vísar þeim til afgreiðslu bæjarstjórnar.

Framlögð sem trúnaðarmál niðurstaða verkefnavinnu með KPMG um Orkugarð í Fjarðabyggð sem leiðandi afl í orkuskiptum Íslands og mögulegrar stofnunar þróunarfélags um slíkan orkugarð.

Lögð fram kauptilboð í íbúð að Sólvöllum 8B á Breiðdalsvík.
Bæjarráð samþykkir að taka tilboði hæstbjóðanda sem er án fyrirvara. Bæjarstjóra falið að undirrita skjöl vegna sölunnar.

Vísað frá mannvirkja- og veitunefnd til umfjöllunar í bæjarráði lokaskýrsla Eflu verkfræðistofu vegna innivistar í Grunnskóla Eskifjarðar.
Farið yfir ráðstafanir sem gripið er til vegna skólastarfs og starfsemi í húsnæðinu að Lambeyrarbraut 14 ásamt þeim aðgerðum sem þarf að ráðast í til undirbúnings endurbóta á húsnæðinu.
Bæjarráð felur framkvæmda- og umhverfissviði að hefja undirbúning endurbóta á húsnæðinu og leggja fyrir áætlanir um endurbætur þess.

Vísað frá mannvirkja- og veitunefnd til afgreiðslu bæjarráðs samningi við Mílu um fjarskiptamastur á Fjarðabyggðarhöllinni er þjóna mun fjarskiptum um Reyðarfjörð og tryggja betra samband.
Bæjarráð samþykkir samninginn og felur bæjarstjóra undirritun hans.

Framlögð fundargerð almannavarnarnefndar Austurlands frá 17. apríl 2023 ásamt minnisblaði um skipulag aðgerðastjórna og tillögur að útfærslu aðgerðarstjórnar á Austurlandi.

Vísað frá umhverfis- og skipulagsnefnd til afgreiðslu bæjarráðs umsókn um lóðin Litlagerði 6 á Reyðarfirði.
Bæjarráð samþykkir úthlutun lóðarinnar.

Framlagður undirskriftarlisti íbúa við Álfabrekku Fáskrúðsfirði vegna snjóruðnings götunnar.
Bæjarráð vísar erindi til mannvirkja- og veitunefndar.

Framlögð til afgreiðslu og kynningar fundargerð aðalfundar Skólaskrifstofu Austurlands fyrir árið 2022. Lagt er til að A deild Skólaskrifstofu Austurlands um fræðslumál verði slitið ásamt því að rekstri á þjónustusvæði fatlað fólk á Austurlandi verði hætt um næstu áramót og aðildarsveitarfélögin sjálf taki við rekstri þjónustunnar. Með því verði byggðasamlagi um skrifstofuna slitið.
Bæjarráð samþykkir fyrir sitt leyti tillögur aðalfundar og vísar þeim til staðfestingar bæjarstjórnar.

Framlagður til kynningar tölvupóstur frá Matvælaráðuneytinu varðandi boð til samráðs vegna stefnumótunar lagareldis.
Bæjarráð tekur þátt í samráðinu.

Framlagt boð til opins samráðsfundar með forsætisráðherra á Egilsstöðum 26. apríl n.k. um sjálbæra þróun á Íslandi.

Starfshópur um orkuskipti hefur nú skilað stöðuskýrslu til ráðherra um orkuskipti með áherslu á hlutverk vindorku og verða niðurstöður hennar til umræðu á fundi umhverfis-, orku- og loftslagsráðherra þann 4. maí.

Framlagt ársfundarboð Austurbrúar 2023 en fundur verður haldinn 3 maí.

Framlögð gögn fyrir aðalfund Samtaka sveitarfélaga á Austurlandi sem haldinn verður 3 maí.

Fundargerðir stjórnar Samtaka orkusveitarfélaga nr. 59 og 60 lagðar fram til kynningar

Fundargerð 922. fundar stjórnar Sambands Íslenskra sveitarfélaga lögð fram til kynningar.

Fundargerð 923. fundar stjórnar Sambands Íslenskra sveitarfélaga lögð fram til kynningar.

Fundargerð 924. fundar stjórnar Sambands Íslenskra sveitarfélaga lögð fram til kynningar.

Fundargerð 23. fundar umhverfis- og skipulagsnefndar frá 18. apríl lögð fram til afgreiðslu.

Fundargerð fræðslunefndar frá 19. apríl lögð fram til afgreiðslu.

Framlögð mannvirkja- og veitunefndar frá 21. apríl til afgreiðslu.