Bæjarráð

Lagt fram sem trúnaðarmál yfirlit yfir rekstur Fjarðabyggðar fyrstu 3 mánuði ársins ásamt deildayfirliti.

Farið yfir forsendur fjárhagsáætlunarvinnu árið 2024.
Vísað til áframhaldandi fjárhagsáætlunarvinnu.

Lagt fram minnisblað fjármálastjóra um þörf á fjármögnun fjárfestinga og rekstrar Fjarðabyggðar ásamt drögum að lánasamningi við Lánasjóð sveitarfélaga.
Bæjarráð samþykkir að tekið verði lán að fjárhæð 500 milljónir kr. hjá Lánasjóði sveitarfélaga sbr. framlagða tillögu. Vísað til staðfestingar bæjarstjórnar. Láninu er ætlað að styrkja sjóðsstöðu sveitarfélagsins og lækka yfirdrátt. Lántökunni er jafnframt vísað til gerðar viðauka.

Vísað frá stjórn Menningarstofu og Safnastofnunar til bæjarráðs tillögu um forvörslu muna Stríðsárasafnsins vegna lokunar safnsins og sýningu þess sumarið 2023 við Ægisgötu á Reyðarfirði en áætlaður kostnaður nemur um 4 milljónum kr.
Bæjarráð samþykkir tillögu stjórnar en kostnaði mætt af liðnum óráðstafað 21-690.

Vísað frá íþrótta- og tómstundanefnd til afgreiðslu bæjarráðs tillögu um tilfærslu kostnaðar á skíðasvæðinu í Oddskarði.
Vísað til fjárhagsáætlunargerðar.

Farið yfir hlutverk starfshóps um mat á viðhaldsþörf og stefnumótun íþróttamannvirkja. Íþrótta- og tómstundanefnd hefur tilnefnt Arndísi Báru Pétursdóttur, Kristinn Magnússon og Þórdísi Mjöll Benediktsdóttur sem fulltrúa í hópinn. Starfsmenn hópsins eru tilnefnd Laufey Þórðardóttir og Magnús Árni Gunnarsson en nefndin leggur til að jafnframt verð fulltrúi frá framkvæmdasviði í hópnum.
Bæjaráð samþykkir að tilnefnda verkefnastjóra viðhalds fasteigna sem fulltrúa framkvæmdasviðs í hópinn og felur bæjarritara að útfæra erindisbréf og leggja fyrir bæjarráð til staðfestingar.

Lagt fram til kynningar áherslur eftirlitsnefndar með fjármálum sveitarfélaga varðandi eftirlit með fjármálum svetarfélaga á árinu 2023.

Tekið fyrir að nýju bréf vegna kröfu um endurgreiðslu málskostnaðar.
Bæjarráð hafnar kröfu um greiðslu málskostnaðar.

Framlagt fundarboð á Rásfund landkjörstjórnar fyrir forsetakosningar 2024.
Bæjarráð felur formanni yfirskjörstjórnar að taka þátt í fundinum.

Vísað frá bæjarstjórn til umfjöllunar og frekari skoðunar bæjarráðs nýtingu varpstaða í Fjarðabyggð.
Bæjarráð samþykkir að heimild sem veitt var á árinu 2019 gildi út árið 2023. Ekki voru gerðar athugasemdir árið 2019 við að umrædd varpsvæði yrðu nýtt en það verði án allra takmarkana á annarri nýtingu eða umgengni um svæðin. Heimildin falli niður 31.12.2023. Jafnframt verði svæðið ekki boðið út heldur verði umrætt landsvæði sem almennt land í eigu Fjarðabyggðar án heimilda til nota af neinu tagi og sé opið almenningi.

Vísað frá bæjarstjórn til bæjarráðs tillögu ungmennaráðs um breytingu á starfstíma fulltrúa í ungmennaráði sbr. 5. gr. erindisbréfs ráðsins.
Vísað til bæjarritara og tekið fyrir að nýju í bæjarráði.

Framlögð til kynningar tilkynning um niðurstöðu atkvæðagreiðslu félagsmanna Kjalar um verkföll.
Vísað til bæjarritara og deildarstjóra íþróttamannvirkja auk umfjöllunar í íþrótta- og tómstundanefnd.

Fjármálastjóri og skipulags- og umhverfisfulltrúi leggja til að loknum viðræðum við SIA Five Stars Caps að lóðunum að Búðarmel 17 - 31 á Reyðarfirði verði úthlutað til fyrirtækisins ásamt því að samkomulag verði gert við umsækjanda um rétt Fjaraðbyggðar til afturköllunar lóðaúthlutana.
Bæjarráð samþykkir að samkomulag verði gert um úthlutun lóðanna og felur bæjarstjóra undirritun samnings.

Tekin fyrir að nýju lóðaumsókn Five Stars Cap um lóðina að Búðarmel 25 á Reyðarfirði.
Bæjarráð samþykkir að úthluta lóðinni að samningi frágengnum.

Tekin fyrir að nýju lóðaumsókn Five Stars Cap um lóðina að Búðarmel 21 á Reyðarfirði.
Bæjarráð samþykkir að úthluta lóðinni að samningi frágengnum.

Tekin fyrir að nýju lóðaumsókn Five Stars Cap um lóðina að Búðarmel 31 á Reyðarfirði.
Bæjarráð samþykkir að úthluta lóðinni að samningi frágengnum.

Tekin fyrir að nýju lóðaumsókn Five Stars Cap um lóðina að Búðarmel 27 á Reyðarfirði.
Bæjarráð samþykkir að úthluta lóðinni að samningi frágengnum.

Tekin fyrir að nýju lóðaumsókn Five Stars Cap um lóðina að Búðarmel 29 á Reyðarfirði.
Bæjarráð samþykkir að úthluta lóðinni að samningi frágengnum.

Tekin fyrir að nýju lóðaumsókn Five Stars Cap um lóðina að Búðarmel 17 á Reyðarfirði.
Bæjarráð samþykkir að úthluta lóðinni að samningi frágengnum.

Tekin fyrir að nýju lóðaumsókn Five Stars Cap um lóðina að Búðarmel 23 á Reyðarfirði.
Bæjarráð samþykkir að úthluta lóðinni að samningi frágengnum.

Tekin fyrir að nýju lóðaumsókn Five Stars Cap um lóðina að Búðarmel 19 á Reyðarfirði.
Bæjarráð samþykkir að úthluta lóðinni að samningi frágengnum.

Fundargerð 8. fundar stjórnar Menningarstofu- og safnastofnunar lögð fram til afgreiðslu.

Fundargerð 118. fundar íþrótta- og tómstundanefndar lögð fram til afgreiðslu.