Bæjarráð

Framlagt sem trúnaðarmál yfirlit yfir rekstur málaflokka fyrir Fjarðabyggð og stofnanir janúar - júní árið 2023

Lögð fram tillaga að rammaúthlutun í A hluta fyrir fjárhagsáætlun 2024 ásamt fyrstu útgáfu af útgönguspá fyrir árið 2023 ásamt mögulegri stöðu fyrir árið 2024 byggt á tillögu um rammaúthlutun og fyrri áætlun um fjárfestingar 2024.

Bæjarráð samþykkir framlagða fjárhagsramma áætlunar 2024 og felur fjármálastjóra að gefa þá út til nefnda. Kristinn Þór Jónasson, fulltrúi Sjálfstæðisflokksins situr hjá við afgreiðsluna.

Vísað frá félagsmálanefnd til afgreiðslu bæjarráðs minnisblaði og umsókn um þáttöku í tilraunaverkefni stjórnvalda umsamþættingu þjónustu HSA og Fjarðabyggðar við eldra fólk.

Bæjarráð samþykkir að Fjarðabyggð taki þátt í umsókn að tilraunaverkefninu og felur bæjarstjóra að undirrita viljayfirlýsingu þar um.

Framlagt erindi frá Jaspis, félagi eldri borgara á Stöðvarfirði varðandi bílastæði við húsnæði félagsins og kaup á borðum.
Bæjarráð vísar erindi til gerðar fjárhagsáætlunar félagsmálanefndar og mannvirkja- og veitunefndar fyrir árið 2024.

Vísað frá umhverfis- og skipulagsnefnd til afgreiðslu bæjarráðs lóðaumsókn Stapavéla ehf. um lóðina Hjallaleiru 8 á Reyðarfirði.
Bæjarráð samþykkir að úthluta lóðinni.

Framlögð greinargerð frá matvælaráðuneytinu þar sem sveitarfélögum er gefinn frestur til 8. september til að skila athugasemdum vegna hennar og fjallar um stefnumótun í lagareldi.

Bæjarstjóra og atvinnu- og þróunarstjóra falið að vinna umsögn Fjarðabyggðar á grundvelli fyrri umsagna sveitarfélagsins.

Framlagður tölvupóstur Jóns Björns Hákonarsonar þar sem hann tilkynnir um lok leyfis sem hann tók frá störfum sem bæjarfulltrúi.

Framlögð ósk Jóhönnu Sigfúsdóttur um leyfi frá störfum í bæjarstjórn frá 11.9.23 til 31.12.23.
Jafnframt tilkynnt um breytingu á skipan Sjálfstæðisflokksins í fræðslunefnd en Sigurjón Rúnarsson tekur við sem aðalmaður af Inga Steini Freysteinssyni og Bryngeir Ágúst Margeirsson kemur inn sem varamaður.
Bæjarráð staðfestir leyfi Jóhönnu ásamt breytingum á nefndarskipan í fræðslunefnd.

Framlögð beiðni Bjarka Ingasonar um leyfi frá nefndarstörfum frá 1. september til 31. ágúst 2023. Lagt er til að Elsa Guðjónsdóttir taki sæti aðalmanns og Karen Ragnarsdóttir sæti varamanns í stjórn menningarstofu og safnastofnunar.
Bæjarráð staðfestir leyfi Bjarka ásamt breytingum á nefndarskipan í stjórn menningarstofu og safnastofnunar.

Framlögð til kynningar umsögn Samtaka Orkusveitarfélaga við tillögur starfsóps um skattlagningu orkuvinnslu.

Framlagt til kynningar boð á aðalfund fulltrúaráðs EBÍ 2023 sem haldinn verður í Reykjavík 6. október kl. 13. Bæjarstjóri tekur þátt á fundinum fyrir hönd Fjarðabyggðar

Framlagt boð Byggðastofnunar á málþing um byggðaþróunarverkefnið Brothættar byggðir sem haldið verður á Raufarhöfn 5. október 2023.
Bæjarráð þakkar fyrir boðið og fulltrúar sveitarfélagsins munu taka þátt í málþinginu.

Stjórn Samtaka sveitarfélaga á köldum svæðum boðar til aðalfundar samtakanna föstudaginn 22. september kl. 12:30 á Hilton Reykjavík Nordica. Fulltrúar Fjarðabyggðar munu mæta á fundinn.

Framlögð til kynningar fundargerð stjórnar Náttúrustofu Austurlands nr. 2.

Fundargerð 18. fundar mannvirkja- og veitunefndar lögð fram til afgreiðslu.

Fundargerð 128. fundar íþrótta- og tómstundanefndar lögð fram til afgreiðslu.

Fundargerð 167. fundar fræðslunefndar tekin til afgreiðslu.

Fundargerð 33. fundar umhverfis- og skipulagsnefndar lögð fram til afgreiðslu.

Fundargerð 299. fundar hafnarstjórnar lögð fram til afgreiðslu.