Bæjarráð

Lagt fram bréf fjármálastjóra um úthlutun bæjarráðs á fjárhagsramma nefndarinnar fyrir árið 2024 í A hluta.
Bæjarráð felur sviðsstjórum að vinna fjárhagsáætlun fyrir málaflokka og leggja fyrir að nýju.

Framlagt erindi eiganda gáma á gámasvæðinu á Reyðarfirði vegna afgreiðslu umhverfis- og skipulagsnefndar á gámasvæði á Reyðarfirði.
Bæjarráð vísar erindi til umhverfis- og skipulagsnefndar.

Rætt um framhald uppbyggingar almennra leiguíbúða fyrir tekju- og eignalága í Fjarðabyggð en opnað verður fyrir umsóknir um stofnframlög á næstunni.

Umræða um stöðu mála vegna uppbyggingu græns orkugarðs á Reyðarfirði.

Framlögð tillaga Sjálfstæðisflokksins varðandi breyttar áherslur og forgangsröðun í samgöngumálum í Fjarðabyggð.
Tekið fyrir að nýju í bæjarráði.

Framlagt minnisblað forstöðumanns stjórnsýslu- og upplýsingamála varðandi almenningssamgöngur í Fjarðabyggð 2024.
Bæjarráð samþykkir að hafinn verði undirbúningur að útboði almenningssamgangna á grundvelli tillögu minnisblaðsins.

Framlögð drög að umsögn Fjarðabyggðar vegna samráðs um stefnumörkun í lagareldi.
Bæjarráð samþykkir umsögnina.

Framlagt til kynningar erindi innviðaráðuneytins þar sem skorað er á sveitastjórnir að hefja vinnu við mótun málstefnu.

Framlagt fundarboð á Ársfund Jöfnunarsjóðs sveitarfélaga sem fram fer miðvikudaginn 20. september 2023 á Hilton Nordica Reykjavík.
Bæjarráð felur Jónu Árnýju Þórðardóttur bæjarstjóra að fara með umboð Fjarðabyggðar á fundinum.

Framlagt fundarboð á aukaaðlfund Samtaka Orkusveitarfélaga sem fram fer þriðjudaginn 19. september kl. 13:00 í fjarfundi.
Bæjarráð felur Jónu Árnýju Þórðardóttar bæjarstjóra að fara með umboð Fjarðabyggðar á fundinum.

Aðalfundur Eignarhaldsfélagsins Hrauns ehf., haldinn samhliða fundi bæjarráðs vegna afgreiðslu ársreiknings 2022 og uppfærslu á prókúru fyrir félagið.
Ársreikningur undirrituður. Jónu Árnýju Þórðardóttur er falin prókúra fyrir félagið.

Framlagður ársreikningur Eignarhaldsfélagsins Hrauns ehf. fyrir árið 2022 til undirritunar stjórnar. Er þegar samþykktur í samstæðureikningi Fjarðabyggðar af bæjarstjórn.
Ársreikningurinn er undirritaður.

Framlagður ársreikningur Hitaveitu Fjarðabyggðar fyrir árið 2022 til undirritunar. Ársreikningurinn er þegar samþykktur í samstæðureikningi Fjarðabyggðar af bæjarstjórn.
Ársreikningur undirritaður.