Bæjarráð

Umræða um fjárhagsáætlun Fjarðabyggðar 2024. Lögð fram drög að stöðu í sveitarsjóði í samanburði við ramma auk samaburðar á launaáætlunvið ramma.
Vísað til áframhaldandi vinnu við fjárhagsáætlunargerðina.

Sviðsstjórar mættu og gerðu grein fyrir stöðu mála vegna vinnu við fjárhagsáætlun 2024 m.t.t. bókunar bæjarráðs frá síðasta fundi sínum þess efnis að launaáætlun verði náð undir ramma.

Vísað frá síðasta fundi bæjarráðs. Framhald af umræðu vegna kostnaðar við upplýsingatækni, en við hefur bæst yfirlit vegna reksturs Chrome Book véla í grunnskólum Fjarðabyggðar.

Gjaldskrá fasteignagjalda 2024 tekin til umræðu.
Bæjarráð vísar gjaldskrá fyrir vatnsgjald og fráveitu til umfjöllunar mannvirkja- og veitunefndar. Tillaga bæjarráðs er að breyta gjaldskrám b hluta fyrirtækjanna þannig að fjárfestingargeta fráveitu hækki en lækki að sama skapi í vatnsveitu.

Vísað frá mannvirkja- og veitunefnd til umfjöllunar uppfærðri tillögu vegna framkvæmda við fráveitu við Tröllaveg í Norðfirði ásamt minnisblaði sviðsstjóra framkvæmda- og umhverfissviðs varðandi fjárveitingu vegna framkvæmdanna.
Bæjarráð samþykkir að farið verði í framkvæmdir og kostnaði mætt með tilfærslu fjármuna af fjárfestingaráætlun hafnarsjóðs sem verða ekki fullnýttir á árinu 2023. Vísað til gerðar viðauka við fjárhagsáætlunar 2023.

Samningur við Fiskeldissjóð vegna verkefnis við sameiningu útrása á Breiðdalsvík.
Frestað til næsta fundar.

Vísað frá umhverfis- og skipulagsnefndar til afgreiðslu bæjarráðs umsókn um lóðina við Árdal 15 á Eskifirði.
Bæjarráð samþykkir að úthluta lóðinni.

Framlögð gögn og upplýsingar vegna kvennaverkfalls sem boðað er 24. október n.k.

Því er beint til stjórnenda stofnana Fjarðabyggðar að huga að skipulagi starfseminnar 24. október nk. í samráði við starfsfólk. Haft verði að leiðarljósi að nauðsynlegri almannaþjónustu sé sinnt eins og mögulegt er og að öryggi og heilsu fólks sé ekki stefnt í hættu.
Ekki verður dregið af launum starfsfólks sem tekur þátt í kvennaverkfallinu að viðhöfðu samráði við sinn stjórnanda.

Farið yfir stöðu mála varðandi ráðningu slökkviliðsstjóra.
Bæjarráð samþykkir að hafna öllum umsóknum um starfs slökkviliðsstjóra Fjarðabyggðar og felur bæjarstjóra að hefja viðræður við starfandi aðstoðarslökkviliðsstjóra um að sinna starfi slökkviliðsstjóra til eins árs.

Framlögð gögn um útfærslur á vaktakerfi slökkviliðs, kosti og galla þeirra.

Framlagt þingskjal vegna máls 315, þingsályktun um samgönguáætlun fyrir árin 2024-2038 ásamt fimm ára aðgerðaáætlun fyrir árin 2024 til 2028. Umsögn hefur þegar verið send um málið.
Bæjarráð felur bæjarstjóra að skila umsögn.

Framlögð til kynningar fréttatilkynning um viðurkenningur Jafnvægisvogarinnar 2023 en Fjarðabyggð hlaut viðurkenningu ásamt ellefu sveitarfélögum, fimmtíuogogsex fyrirtækjum og tuttugu og tveim opinberum aðilum úr hópi þeirra 239 þátttakenda sem hafa undirritað viljayfirlýsingu. Markmið Jafnvægisvogar um 40/60 kynjahlutfall í efsta stjórnendalagi var haft til hliðsjónar við matið.

Framlagt erindi Helgu Rakelar Aranardóttur f.h. Víkin fagra ehf. vegna fasteignagjalda.
Bæjarráð samþykkir að fela bæjarritara að skoða beiðnina með tilliti til þeirra reglna sem gilda um veitingu styrkja til greiðslu fasteignaskatts.

Framlagt minnisblað upplýsingafulltrúa vegna þjónustukönnunar Gallup fyrir árið 2023.
Bæjarráð samþykkir að taka þátt í stöðluðum spurningavagni frá Gallup.

Tilnefningar flokkanna vegna starfshóps sem yfirfer skipulög í Fjarðabyggð vegna ofanflóðahættu í samvinnu við Veðurstofu Íslands.
Bæjarráð samþykkir að starfshópinn skipi Jón Björn Hákonarson, Heimir Snær Gylfason og Stefán Þór Eysteinsson. Erindisbréf hópsins tekið fyrir á næsta fundi.

Framlagt aðalfundarboð Heilbrigðiseftirlits Austurlands. Aðalfundurinn fer fram miðvikudaginn 7. nóvember 2023. Bæjarráð samþykkir að fela Stefáni Þór Eysteinssyni að fara með umboð Fjarðabyggðar á aðalfundinn.

Framlagt minnisblað forstöðumanns stjórnsýslu- og upplýsingamála vegna undirbúnings fyrir útboð almenningssamganga í Fjarðabyggð.
Bæjarráð samþykkir að almenningssamgöngur verði boðnar út á grundvelli minnisblaðsins.

Fundargerð mannvirkja- og veitunefndar frá 10. október lögð fram til umfjöllunar og afgreiðslu.

Fundargerð hafnarstjórnar frá 9. október lögð fram til umfjöllunar og afgreiðslu.

Fundargerð stjórnar menningarstofu- og safnastofunar frá 10. október lögð fram til umfjöllunar og afgreiðslu.

Fundargerð íþrótta- og tómstundanefndar frá 9. október lögð fram til umfjöllunar og afgreiðslu.

Fundargerð félagsmálanefndar frá 11. október lögð fram til umfjöllunar og afgreiðslu.

Fundargerð umhverfis- og skipulagsnefndar frá 10. október lögð fram til umfjöllunar og afgreiðslu.

Fundargerð fræðslunefndar frá 10. október lögð fram til umfjöllunar og afgreiðslu.

Fundargerð ungmennaráðs frá 21. september tekin til umfjöllunar og afgreiðslu.