Bæjarráð

Umræða um fjárhagsáætlun 2024 í kjölfar fyrri umræðu í bæjarstjórn 2.11.2023.
Bæjarráð samþykkir að síðari umræða um fjárhagsáætlun 2024 og áætlun 2025 til 2027 verði 30. nóvember nk.

Lagt er til að álagningarhlutfall útsvars árið 2024 verði hámarksútsvar, þ.e. 14,74 % af útsvarsstofni í Fjarðabyggð. Tillaga þessi er í samræmi við 24.gr. laga um tekjustofna sveitarfélaga nr. 4/1995.
Bæjarráð samþykkir að álagningarhlutfall útsvars árið 2024 verði hámarksútsvar, þ.e. 14,74 % af útsvarsstofni í Fjarðabyggð og vísar til bæjarstjórnar staðfestingu hlutfalls.

Vísað frá fræðslunefnd til afgreiðslu bæjarráðs drögum að erindisbréfi starfshóps um fræðslumál.
Bæjarráð staðfestir erindisbréfið og felur bæjarstjóra að undirrita.

Framlagt minnisblað um kaupskyldu að Hafnargötu 6 á Reyðarfirði.
Fram lagt og kynnt.

Framlögð til kynningar yfirlýsing sveitarfélaga sem eru þátttakendur í verkefninu barnvæn sveitarfélög.

Framlögð beiðni Þorrablótsnefndar Reyðarfjarðar um afnot af Íþróttahúsinu á Reyðarfirði fyrir þorrablót 2024.
Bæjarráð samþykkir að veita styrk gegn afnotum af íþróttahúsinu fyrir Þorrablót Reyðfirðinga.

Vísað frá fræðslunefnd til afgreiðslu bæjarráðs tillögu að gjaldskrá fyrir leikskólagjöld á árinu 2024.
Bæjarráð samþykkir tillöguna og tekur ný gjaldskrá gildi þann 1. janúar 2024.

Vísað frá fræðslunefnd til afgreiðslu bæjarráðs tillögu að gjaldskrá fyrir frístundaheimili í Fjarðabyggð.
Bæjarráð samþykkir tillöguna og tekur ný gjaldskrá gildi þann 1. janúar 2024.

Vísað frá fræðslunefnd til afgreiðslu bæjarráðs tillögu að gjaldskrá tónlistarskóla árið 2024.
Bæjarráð samþykkir tillöguna og tekur ný gjaldskrá gildi þann 1. janúar 2024.

Vísað frá umhverfis- og skipulagsnefnd til afgreiðslu bæjarráðs tillögu að gjaldskrá skipulags- og byggingarmála árið 2024. Allir gjaldliðir gjaldskrárinnar hafa verið hækkaðir um 5,8%.
Bæjarráð samþykkir tillöguna og tekur ný gjaldskrá gildi þann 1. janúar 2024.

Vísað frá mannvirkja- og veitunefnd til afgreiðslu bæjarráðs tillögu að gjaldskrá hitaveitu árið 2024.
Bæjarráð samþykkir tillöguna og tekur ný gjaldskrá gildi þann 1. janúar 2024.

Fundargerð 936. fundar Sambands íslenskra sveitarfélaga lögð fram til kynningar.

Fundargerð fræðslunefndar frá 31. október lögð fram til umfjöllunar og afgreiðslu.

Bæjarráð sem stjórnkerfisnefnd fjallar um breytingar á stjórnkerfi Fjarðabyggðar.