Bæjarráð

Framlögð greinargerð ásamt tillögu um fjármögnun veikindalauna á fyrstu 10 mánuðum ársins 2023.
Bæjarráð vísar tillögu um ráðstöfun á fjármagni til veikindalaun til gerðar viðauka.

Framlögð tillaga að viðauka nr. 4 við fjárhagsáætlun Fjarðabyggðar á árinu 2023.
Bæjarráð samþykkir viðauka fyrir sitt leyti og vísar honum til staðfestingar bæjarstjórnar.

Vísað frá íþrótta- og tómstundanefnd til afgreiðslu bæjarráðs tillögu að starfs- og fjárhagsáætlun fyrir árið 2024.
Vísað til fjárhagsáætlunargerðar.

Vísað frá félagsmálanefnd til afgreiðslu bæjarráðs tillögu um breytingu á gjaldskrá stuðningsþjónustu með þeim breytingum sem samþykktar voru í starfs- og fjárhagsáætlun fyrir árið 2024.
Bæjarráð samþykkir gjaldskrána og tekur hún gildi frá 1. janúar 2024.

Vísað frá félagsmálanefnd til afgreiðslu bæjarráðs starfs- og fjárhagsáætlun nefndarinnar með tillögu að breytingum á tekjuhlið barnaverndarþjónustu.
Vísað til fjárhagsáætlunargerðar 2024.

Farið yfir breytingar á fjárhagsáætlun Fjarðabyggðar árin 2024-2027 fyrir síðari umræðu í bæjarstjórn 30.11.2023.
Fram lagt og kynnt.

Lagðar fram til afgreiðslu tvær umsóknir um stofnframlög til tveggja íbúðaverkefna á Reyðarfirði og Neskaupstað í samstarfi við Húsnæðis- og mannvirkjastofnun sbr. samþykkt bæjarráðs frá 9. október 2023. Stofnunin óskar eftir staðfestingu Fjarðabyggðar um úthlutun á stofnframlagi til verkefnanna.
Bæjarráð staðfestir framlög Fjarðabyggðar til verkefna og felur bæjarstjóra undirritun staðfestinga.

Framlagðar til kynningar niðurstöður vinnustaðagreiningar fyrir stofnanir Fjarðabyggðar ásamt minnisblaði.

Framlögð til kynningar samantekt frá íbúafundi Austurbrúar vegna verkefnsins Vatnaskil sem er verkefni um nýsköpun og fjölbreyttara atvinnulíf í dreifbýli á Austurlandi með sérstaka áherslu á ungt fólk. Að baki verkefninu standa Samband sveitarfélaga á Austurlandi, Búnaðarsamband Austurlands og Félag ungra bænda á Austurlandi.

Vísað frá ungmennaráði til kynningar í bæjarráði niðurstöðu þess um breytingu á kosningalögum. Ungmennaráð telur að ef það eigi að lækka kosningaaldurinn sé mikilvægt að kynna fyrir öllum 16-18 ára hvað felst í því að kjósa og hvað þarf að hafa í huga. Þó velta þau fyrir sér hvort fólk á þessum aldri séu komin með þroska til að taka þátt í kosningum.

Framlagt til kynningar Þingskjal 509, 468. mál. stjórnarfrumvarp til laga um breytingu á ýmsum lögum um skatta og gjöld o.fl. (gistináttaskattur, áfengisgjald o.fl.).

Framlagt til umsagnar frumvarp til laga um Jöfnunarsjóð sveitarfélaga, 478. mál.
Framlagt til kynningar.

Fundargerð félagsmálanefndar frá 14. nóvember lögð fram til umfjöllunar og afgreiðslu.

Fundargerð félagsmálanefndar frá 17. nóvember lögð fram til umfjöllunar og afgreiðslu.

Fundargerð íþrótta- og tómstundanefndar frá 13. nóvember lögð fram til umfjöllunar og afgreiðslu.

Fundargerð ungmennaráðs frá 1. nóvember lögð fram til umfjöllunar og afgreiðslu.