Bæjarráð

Framlagt minnisblað atvinnu- og þróunarstjóra varðandi sölu tjaldsvæðanna í Fjarðabyggð. Umhverfis- og skipulagsfulltrúa er falið að fara í nauðsynlega skipulagsvinnu varðandi málið, og samhliða því verði stjórnsýslu- og þjónustusviði falið að gera drög að auglýsingu svæðanna.

Formaður stjórnar Hallormsstaðaskóla kynnti nýgert samkomulag Hallormsstaðaskóla og Háskóla Íslands varðandi uppbyggingu háskólanáms við Hallormsstaðaskóla. Bæjarráð þakkar fyrir kynninguna og fagnar áformum um nám á háskólastigi í Skapandi sjálfbærni við Hallormsstaðaskóla.

Í janúar 2024 verða haldnir íbúafundir í byggðakjörnum Fjarðabyggðar, dagsetningar fundanna verða auglýstar í næstu viku. Bæjarstjóra falið að halda áfram vinnu við undirbúning fundanna.

Umræða um frágang við Haga á Reyðarfirði þar sem starfsmannaþorp Alcoa stóð. Frágangur á svæðinu verði tekið upp með forsvarsmönnum Alcoa.

Umræða um breytingar sem boðaðar hafa verið á Jöfnunarsjóði sveitarfélaga. Bæjarstjóra falið að vinna drög að umsögn og leggja fyrir fulltrúa í bæjarráði.

Velferðarnefnd Alþingis hefur sent til umsagnar mál nr. 509 "Húsnæðisstefna fyrir árin 2024-2038 ásamt fimm ára aðgerðaáætlun fyrir árin 2024-2028."

Framlagt og kynnt.

Umhverfis- og samgöngunefnd hefur sent til umsagnar mál nr. 82 "Uppbygging Suðurfjarðarvegar".

Bæjarráð vísar í umsögn sína um samgönguáætlun og felur bæjarstjóra að senda hana aftur inn til nefndarinnar varðandi þetta mál.

Fundargerð 938. fundar sambands Íslenskra sveitarfélaga lögð fram til kynningar.

Fundargerð 65. fundar stjórnar samtaka orkusveitarfélaga lögð fram til kynningar

Fundargerð 144. fundar stjórnar Austurbrúar lögð fram til kynningar.

Fundargerð 15. fundar stjórnar SSA lögð fram til kynningar