Bæjarráð

Framlögð tillaga að breytingu á áður samþykktri Útsvarsprósentu Fjarðabyggðar. Með hliðsjón af samkomulagi ríkis og sveitarfélaga frá 15. desember 2023 um breytingu á fjármögnun lögbundinnar þjónustu við fatlað fólk samþykkir bæjarráð að álagningahlutfall útsvars fyrir árið 2024 hækki um 0,23%, verði 14,97% og vísar málinu til staðfestingar bæjarstjórnar.

Útboði vegna almenningssamganga í Fjarðabyggð er lokið. Eitt tilboð barst í verkið. Fjármálastjóra og forstöðumanni stjórnsýslu og upplýsingamála er falið að ræða við tilboðsgjafa.

Framlögð tillaga að uppfærðu erindisbréfi starfshóps um fræðslumál. Bæjarráð samþykkir erindisbréfið. Skipað verður í starfshópinn á næsta fundi bæjarráðs.

Framlagt boð á aðalfund Héraðsskjalasafns Austurlands 2023 sem fram fer föstudaginn 22. desember nk. Bæjarstjóra falið að fara með umboð Fjarðabyggðar á fundinum.

Vísað frá íþrótta- og tómstundanefnd, félagsmálanefnd og fræðslunefnd minnisblaði varðandi nýjar starfsreglur forvarnarteymis ásamt áherslum teymisins. Framlagt og kynnt.

Vísað frá félagsmálanefnd til staðfestinga í bæjarráði tillögu að uppfærðum reglum um stuðningsþjónustu í Fjarðabyggðar. Bæjarráð samþykkir breytingar á reglunum og vísar þeim til staðfestingar í bæjarstjórn.

Framlagt minnisblað fræðslustjóra varðandi breytingu á gildistöku gjaldskrár fyrir leikskóla 2024. Bæjarráð samþykkir breytingu á gildistöku gjaldskrár fyrir leikskóla og mun ný gjaldskrá taka gildi 1. febrúar 2024.

Framlagður samningur við fiskeldissjóð vegna styrks í framkvæmdir við Eskifjarðarhöfn. Bæjarráð samþykkir samninginn og felur bæjarstjóra undirritun hans.

Framlögð drög atvinnu- og þróunarstjóra að umsögn vegna sjávarútvegsstefnu og frumvarpi til laga um sjávarútveg. Bæjarráð felur atvinnu- og þróunarstjóra að vinna áfram að umsögninni að halda áfram að vinnu við umsögnina og leggja hana endanlega fyrir næsta fund bæjarráðs.

Ragnar Sigurðsson vék af fundi undir þessum lið. Framlögð drög atvinnu- og þróunarstjóra að umsögn vegna frumvarps til laga um lagareldi. Bæjarráð felur atvinnu- og þróunarstjóra að vinna áfram að umsögninni og leggja hana endanlega fyrir næsta fund bæjarráðs.

Framlögð drög að samkomulagi við Mílu um uppgjör vegna ljósleiðarverkefnis á norðurströnd Fáskrúðsfjarðar. Bæjarráð samþykkir drögin og felur bæjarstjóra undirritun samkomulagsins.

Framlagt og kynnt erindi frá íbúasamtökunum á Stöðvarfirði. Bæjarráð þakkar fyrir erindið. Vinna við sölu á rekstri tjaldsvæðanna er í gangi og verða hugmyndir íbúasamtakanna hafðar með í þeirri vinnu.

Fundargerð 3. fundar stjórnar náttúrustofu Austurlands lögð fram til kynningar.

Endurnýjun á samningi um Náttúrustofu Austurlands. Umhverfis-, orku-, og loftslagsráðuneytið hefur lagt til að núverandi samningur verði framlengdur um eitt ár og verður samkomulag þess efnis sent út milli jóla og nýjárs. Bæjarráð samþykkir að framlengja samninginn og felur bæjarstjóra undirritun samkomulags þar um. Bæjarráð ítrekar þó að mikilvægt sé að tryggja rekstrargrundvöll Náttúrustofunnar til lengri tíma.

Boðað hefur verið til aukaaðalfundar leigfélagsins Bríetar mánudaginn 18. desember kl. 15:00. Bæjarstjóra falið að fara með umboð Fjarðabyggðar á fundinum.

Fundargerð 134. fundar fræðslunefndar frá 12. desember lög fram til staðfestingar

Fundargerð 174. fundar félagsmálanefndar frá 13. desember lögð fram til staðfestingar.

Fundargerð 128. fundar íþrótta- og tómstundanefndar lögð fram til staðfestingar