Bæjarráð

Framlögð greinargerð ásamt tillögu um fjármögnun veikindalauna á árinu 2023.
Bæjarráð vísar fjármögnun veikindalauna til gerðar viðauka.

Lagður fram viðauki nr. 5 við fjárhagsáætlun Fjarðabyggðar fyrir árið 2023 um veikindalaun, námsstyrki og ráðstöfun á óráðstöfuðu.
Bæjarráð samþykkir viðaukann fyrir sitt leyti og vísar honum til afgreiðslu bæjarstjórnar.

Lögð fram að nýju tillaga að húsnæðisáætlun Fjarðabyggðar fyrir 2024 - 2033.
Bæjarráð samþykkir húsnæðisáætlun og vísar henni til staðfestingar bæjarstjórnar.

Framlagt kauptilboð Sælínar Sigurjónsdóttur vegna húseignar á lóðinni að Öldugötu 6 á Reyðarfirði.
Bæjarráð felur umhverfis- og skipulagsfulltrúa að ræða við bjóðanda.

Umhverfis-, orku- og loftslagsráðuneytið kynnir til samráðs mál nr. 6/2024 -Áform um breytingu á lögum nr. 49/1997 um varnir gegn snjóflóðum og skriðuföllum.
Bæjarráð fagnar boðaðri breytingu og sveitarfélagið mun taka þátt í samráði um málið.

Framlagt erindi frá Verkmenntastkóla Austurlands varðandi aðgang að herbergi í sameiginlegu rými verknámshúss VA og íþróttahússins á Norðfirði.
Bæjarráð fagnar því að boðið verði uppá smáskipnám í Verkmenntaskólanum og samþykkir að veita Verkmenntaskóla Austurlands aðgang að umræddu herbergi og gengið verði frá samkomulagi um afnotin.

Framlögð til kynningar erindi Austfirskra upplýsinga og Samtaka forstöðumanna almenningsbókasafna.
Bæjarráð þakkar gagnlegar ábendingar og vísar erindum til stjórnar menningarstofu.

Framlagðar til afgreiðslu starfsreglur svæðisskipulagsnefndar Austurlands.
Bæjarráð samþykkir starfsreglurnar fyrir sitt leyti og vísar þeim til staðfestingar bæjarstjórnar.

Framlagt erindi frá Persónuvernd til allra sveitarfélaga vegna notkunar á Google lausnum í skólastarfi.
Vísað til upplýsingaöryggisnefndar.

Vísað frá félagsmálanefnd til afgreiðslu bæjarráðs forvarnarstefnu Fjarðabyggðar 2024-2025.
Bæjarráð samþykkir stefnuna fyrir sitt leyti og vísar henni til staðfestingu bæjarstjórnar.

Framlögð samantekt starfshóps Fjarðabyggðar um ofanflóðavarnir og skipulagsmál, ásamt fundargerð nr. 3.
Vísað til umfjöllunar skipulags- og framkvæmdanefndar.

Framlögð til kynningar fundargerð 941. fundar stjórnar Sambands íslenskra sveitarfélaga.

Fundargerð 68. fundar stjórnar samtaka orkusveitarfélaga lögð fram til kynningar