Bæjarráð

Framlagt minnisblað varðandi áhrif skerðingar á rafmagni til fjarvarmaveitna á Norðfirði og Reyðarfirði sem eru í eigu Fjarðabyggðar.
Bæjarráð samþykkir að farin verði leið b samkvæmt minnisblaði sem felur í sér að laugarkari verði lokað á virkum dögum þegar skólasundi líkur en heitir pottar verði opnir. Sviðsstjóra fjölskyldusviðs falið að taka saman notkun um helgar og leggja fyrir næsta fund bæjarráðs.

Lögð fram tilkynning Brúar lífeyrissjóðs um uppgreiðslu á láni frá árinu 2018 vegna varúðarsjóðs sem var hluti af uppgjöri við sjóðinn vegna breytingar á lögum 127/2016 og samkomulagi ríkis og sveitarfélaga. Felur það í sér uppgreiðslu á liðlega 55 m.kr.
Bæjarráð vísar til gerðar viðauka uppgreiðslu lánsins.

Framlagt minnisblað sem felur í sér tillögu að breyttu skipulagi og stjórnun æskulýðs- og íþróttamála hjá Fjarðabyggð.
Bæjarráð samþykkir tillögu sviðsstjóra.

Skýrslur um eignahald og fjármögnun á hjúkrunarheimilum lagðar fram til kynningar.
Skýrslan lögð fram til kynningar. Fjármálastjóra falið að fara yfir hana með lögfræðingi sveitarfélagsins með tilliti til fasteigna hjúkrunarheimilanna.

Framlögð til kynningar auglýsing Lánasjóðs sveitarfélaga eftir framboðum í stjórn sjóðsins.

Farið yfir fjárskiptamál og þjónustu Mílu hf. í Fjarðabyggð.

Framlögð að nýju drög að samningskaupalýsingu og auglýsingu tjaldsvæða Fjarðabyggðar til sölu.
Bæjarráð samþykkir að auglýsa rekstur og búnað tjaldsvæðana til sölu.

Matvælaráðuneytið hefur kynnt til samráðs drög að reglugerð um sjálfbæra landnýtingu í samræmi við 11. gr. laga um landgræðslu.
Bæjarráð felur sviðsstjóra framkvæmda- og umhverfissviðs og verkefnastjóra umhverfismála að móta umsögn og leggja fyrir næsta fund bæjarráðs.

Framlagt erindi Krabbameinsfélags Austfjarða en óskað er gjaldfrjálsra afnota af félagsheimilunum Egilsbúð og Skrúði vegna viðburða á vegum félagsins.
Bæjarráð samþykkir að styrkja félagið sem nemur húsaleigu vegna leigunnar. Tekið af liðnum óráðstafað 21690.

Framlagt opið bréf Erlendar Magnúsar Jóhannssonar til bæjarfulltrúa í Fjarðabyggð varðandi Fjarðagöng.
Bæjarráð þakkar erindið og leggur það fram til kynningar.

Tekið fyrir að nýju erindi varðandi gjaldfrjáls afnot af eldhúsi grunnskólans á Stöðvarfirði.
Bæjarráð samþykkir að veita Kimi Emma Juliette Tayler fh. Brauðdagar Bakhús aðgang að skólaeldhúsi Breiðdals og Stöðvarfjarðarskóla á Stöðvarfirði sem framlag Fjarðabyggðar til verkefnisins Sterkur Stöðvarfjörður. Veittur verði styrkur til notkunar eldhússins sem tekinn er af liðnum óráðstafað 21690. Fræðslustjóra falið að móta gjaldskrá sem lögð verður fyrir bæjarráð vegna notkunar af skólaeldhúsum.

Vísað fram skipulags- og framkvæmdanefnd til afgreiðslu bæjarráðs umsókn um lóðina Sæbakka 17 í Neskaupstað.
Bæjarráð samþykkir að úthluta lóðinni.

Framlagt erindi frá félagi áhugafólks um fornleifarannsóknir í Stöðvarfirði varðandi styrk til verkefnisins á árinu 2024.
Vísað til kynningar stjórnar menningarstofu en á fjárhagsáætlun ársins 2024 er gert ráð fyrir styrk til verkefnisins eins og undanfarin ár.

Bæjarstjóri fór yfir stöðu mála varðandi eldgos og jarðhræringar í Grindavík í kjölfar upplýsingafundar 2. febrúar sl.

Fram lögð til kynningar fundargerð stjórnar Sambands sveitarfélaga á Austurlandi frá 19. janúar sl.

Fundargerð 146. fundar stjórnar Austurbrúar lögð fram til kynningar

Fundargerð 1. fundar skipulags- og framkvæmdanefndar frá 29. janúar lögð fram til umfjöllunar og afgreiðslu.