Bæjarráð

Framlögð krafa Hákons Björnssonar um endurgreiðslu á rotþróargjöldum. Fjármálastjóra og sviðsstjóra skipulags- og framkvæmdasviðs er falið að afgreiða málið.

Framlögð endurnýjuð drög að samningi við R101 um byggingu búsetukjarna fyrir fatlað fólk á Reyðarfirði. Bæjarráð samþykkir fyrirliggjandi drög að samkomulaginu, og vísar því til endanlegrar staðfestingar bæjarstjórnar. Fjármálastjóra falið að hefja undirbúning að umsóknum um stofnframlög vegna þessa.

Lögð fram afsögn Aðalheiðar Vilbergsdóttur úr undirkjörnstjórn á Reyðarfirði. Aðalheiði er þakkað fyrir góð störf og tilnefning að skipun í undirkjörstjórn á Reyðarfirði verður lögð fyrir næsta fund.

Framlagt erindi íbúasamtaka Fáskrúðsfjarðar vegna breytinga í fræðslumálum. Bæjarráð þakkar fyrir erindið.

Unnið er að því að kynna þær breytingar sem samþykktar hafa verið, og hefja í framhaldi útfærslu á framkvæmd þeirra með skólastjórnendum.

Framlagt álit reikningskila- og upplýsinganefndar um hvernig færa skuli kröfur frá Brú lífeyrissjóði vegna tryggingafræðilegs endurmats sjóðsins ásamt yfirliti yfir skuldbindinguna.

Framlögð tillaga bæjarstjóra að ráðningu Svans Freys Árnasonar sviðsstjóra skipulags- og framkvæmdasviðs frá 1. maí nk. Bæjarráð staðfestir tillögu bæjarstjóra.

Framlögð tillaga bæjarstjóra að ráðningu Þórðar Vilbergs Guðmundssonar í starf sviðsstjóra mannauðs- og umbótasviðs frá 1. maí 2024. Bæjarráð staðfestir tillögu bæjarstjóra. Þórður vék af fundi við umfjöllun um þennan lið.

Framlögð beiðni Samkeppniseftirlitsins um umsögn Fjarðabyggðar á samruna Síldarvinnslunar og Ice Fresh Seafood. Bæjarráð lýsir yfir furðu sinni á erindinu, en felur bæjarstjóra að svara því.

Framlagt boð á aðalfund lánasjóðs Íslenskra sveitarfélaga sem fram fer 14. mars 2024.

Fundargerð 944. fundar stjórnar sambands Íslenskra sveitarfélaga 2024 lögð fram til kynningar.

Framlögð auglýsing Húsnæðis- og mannvirkjastofnunar eftir umsóknum um stofnframlög til byggingar eða kaupa á íbúðum til að bæta húsnæðisöryggi þeirra sem eru undir tekju- og eignamörkum skv. lögum nr. 52/2016. Fjármálastjóra falið að vinna málið áfram.

Fundargerð menningarstofu frá 27. febrúar lögð fram til staðfestingar