Bæjarráð

Farið yfir drög að ársreikning Fjarðabyggðar fyrir árið 2023. Endurskoðandi Fjarðabyggðar gerði grein fyrir drögum að ársreikningi 2023 í gegnum fjarfund.

Framlögð bréf frá Íslandspósti vegna breytinga á þjónustu fyrirtækisins í póstmiðlun á Norðfirði, Fáskrúðsfirði, Eskifirði og í Breiðdal.
Bæjarráð harmar að dregið sé enn frekar úr póstþjónustu í Fjarðabyggð með boðuðum lokunum á póstafgreiðslum. Fjarðabyggð leggur þunga áherslu á að breytingar verði kynntar vel fyrir íbúum og tryggt verði að mótvægisaðgerðir tryggi þá þjónustu sem fyrirheit eru um. Fjarðabyggð hefur þegar áréttað að aðgengi að póstboxum verði tryggt á öllum stöðum þegar að breytingum kemur. Bæjarráð felur bæjarstjóra að veita umsögn.

Framlagt bréf Fjarskiptastofu um könnun á áformum um uppbyggingu ljósleiðara aðgangsneta. Stofnunin kannar áform um uppbyggingu eða uppfærslu fjarskiptaneta. Tilgangur slíkrar könnunar er að leiða í ljós hvar stendur ekki til, a.m.k. á þeim tímapunkti þegar könnunin fer fram, að byggja upp fjarskiptanet á markaðsforsendum.
Bæjarráð felur bæjarritara að svara erindi stofunnar.

Framlögð drög að leigusamningum um staðsetningu hraðhleðslustöðva á Breiðdalsvík, Stöðvarfirði, Norðfirði, Fáskrúðsfirði, Eskifirði og Reyðarfirði.
Bæjarráð felur bæjarstjóra ásamt sviðsstjóra skipulags- og framkvæmdasviðs að funda með fulltrúum InstaVolt Iceland ehf um samninga og leggja þá fyrir bæjarráð að nýju.

Framlagt erindisbréf starfshóps sem fjallar um nýtingu mannvirkja í eigu eða er leiga af hálfu sveitarfélagsins og er í rekstri.
Bæjarráð samþykkir erindisbréfið og samþykkir að starfshópinn skipi Jón Björn Hákonarson formaður starfshóps og Stefán Þór Eysteinsson. Kallað verði eftir tilnefndingu fjölskyldunefndar og skipulags- og framkvæmdanefndar.

Framlagt bréf frá Atlas Lögmönnum um lóðamál vegna tjaldsvæðis á Stöðvarfirði.
Bæjarráð bendir á að í útboðum tjaldsvæða í Fjarðabyggð er gert ráð fyrir afmörkun tjaldsvæðisins án aðkomum frá Réttarholti. Formaður bæjarráðs mun funda með málsaðila og málið verður tekið fyrir að nýju í bæjarráði.

Vísað frá skipulags- og framkvæmdanefnd til afgreiðslu bæjarráðs umsókn um lóðina Mógerði 1 á Reyðarfirði.
Bæjarráð samþykkir úthlutun lóðarinnar með sama fyrirvara og skipulags- og framkvæmdanefnd samþykkti.

Framlagt erindi frá Styrktarsjóði Eignarhaldsfélags Brunabótafélags Íslands en vakin er athygli að styrkjum til ýmissa þrónarþátta hjá sveitarfélögum.
Bæjarritara falið að senda inn umsókn í tengslum við uppbyggingu stríðsárasafnsins.

Orkusjóður hefur auglýst lausa styrki til orkuskipta.
Bæjarráð felur sviðsstjóra skipulags- og framkvæmdasviðs að sækja um styrk vegna nýtingu og orkukosta fjarvarmaveitna í Fjarðabyggð.

Framlagt til kynningar bréf afmælisnefndar 80 ára afmælis lýðveldisins þar sem óskað er eftir samstarfi við sveitarfélög landsins í tengslum við hátíðardagskránna með miðlun og hvatningu um þátttöku eins og hentar best á hverjum stað.
Bæjarráð samþykkir að vísa erindi til stjórnar menningarstofu og forstöðumanns ásamt upplýsingafulltrúa.

Framlögð til kynningar ályktun frá Skólaráði Nesskóla vegna breyting á skólastarfi í Fjarðabyggð.

Framlögð til kynningar ályktun frá Samtökum tónlistarskólastjóra vegna breyting í skólastarfi tónskóla.

Framlagður tölvupóstur þar sem óskað er eftir styrk til snjóbrettamóts sem áformað er að halda í Oddskarði.
Bæjarráð samþykkir að veita 250.000 kr. styrk til hátíðarinnar. Tekið af liðnum óráðstafað.

Framlagt erindi Félags heyrnarlausra sem leitar bakhjarla/stuðnings fyrirtækja ofl. til að halda Norrænt mót fyrir döff eldri borgara árið 2025 og Norrænt menningarmót heyrnarlausra 2026. Óskað er eftir fjárhagsstuðning.
Bæjarráð vísar erindi til fjölskyldunefndar.

Ríkiskaup fyrir hönd Fjarðabyggðar hefur óskað eftir tilboðum í verkið Ofanflóðavarnir Norðfirði, Nes- og Bakkagil. Um er að ræða gerð þvergarðs og tveggja raða af keilum og annarra mannvirkja sem eru hluti af verkinu, s.s. vega, stíga, slóða og vatnsrása fyrir ofanvatn/vatnaveitingar.
Bæjarráð fagnar því að búið sé að bjóða út framkvæmdir við ofanflóðavarnir á Norðfirði og framkvæmdir hefjist í sumar.

Framlagðar til kynningar fundargerðir stjórnar Sambands íslenskra sveitarfélga nr. 945 og 946.

Fundargerð skipulags- og framkvæmdanefndar frá 20. mars lögð fram til umfjöllunar og afgreiðslu.