Bæjarráð

Farið yfir skipulags viðtalstíma bæjarstjóra, formanns bæjarráðs og forseta bæjarstjórnar.
Bæjarráð samþykkir að viðtalstímar verði reglubundnir alla jafna síðasta miðvikudag hvers mánaðar frá kl. 16:00 til 18:00 og þeir fara á milli byggðakjarna. Aðrir kjörnir fulltrúar taka þátt eftir því færi gefst.
Viðtalstímar næstu mánaða verða 24. apríl á Stöðvarfirði, 29. maí á Fáskrúðsfirði og 26. júní Norðfirði. Viðtalstímarnir verða í grunnskólum. Fundir að hausti verða auglýstir sérstaklega í lok sumars.

Framlagt fundarboð ársfundar Starfsendurhæfingar Austurlands fyrir árið 2024 sem haldinn verður á Egilsstöðum 10. apríl nk. kl 11:30.
Bæjarráð samþykkir að fela sviðsstjóra fjölskyldusviðs að fara með umboð Fjarðabyggðar á ársfundinum.

Tekið fyrir að nýju erindi frá Atlas Lögmönnum ehf. um lóðamál tjaldsvæðis á Stöðvarfirði.
Bæjarráð felur bæjarritara að svara erindi lögmannsins með vísan til fundar formanns með bréfritara.

Framlögð drög að endurnýjuðum samningi um Fab Lab Austurland milli Verkmenntaskóla Austurlands, háskóla-, iðnaðar og nýsköpunarráðuneytisins, mennta- og barnamálaráðuneytisins og Fjarðabyggðar.
Bæjarráð samþykkir samninginn og felur bæjarstjóra undirritun hans.

Framlagt til kynningar bréf frá verkefninu Saman gegn sóun en boðað er til opins fundar á Egilsstöðum mánudaginn 22. apríl kl. 13:00.
Vísað til skipulags- og framkvæmdanefndar.

Tekin umræða um verkefni skipulags- og framkvæmdasviðs.

Tekin umræða um verkefni fjölskyldusviðs.