Bæjarráð

Lagt fram yfirlit fjármálastjóra um rekstur og fjárfestingar fyrir janúar - febrúar auk yfirlits yfir launakostnað og skattekjur fyrir janúar - mars 2024.

Lagðir fram samningar við Ferðaþjónustuna Fossárdal ehf. um kaup á 4 tjaldsvæðum og leigu á 2 tjaldsvæðum í Fjarðabyggð.
Bæjarráð samþykkir samningana og felur bæjarstjóra undirritun þeirra.

Húsnæðis- og mannvirkjastofnun fer fram á staðfestingu Fjarðabyggðar á stofnframlagi sveitarfélagsins vegna tveggja umsókna um stofnframlög til íbúðaverkefna á Reyðarfirði og Eskifirði.
Bæjarráð staðfestir úthlutun á stofnframlögum til verkefnanna. Vísað til gerðar viðauka þegar fjárhæðir liggja fyrir.

Framlagt boð á aðalfund Stapa lífeyrissjóðs sem haldinn verður 2. maí nk. á Akureyri. Tilnefna þarf fulltrúa Fjarðabyggðar í fulltrúaráð.
Bæjarráð felur fjármálastjóra að mæta fyrir hönd Fjarðabyggðar og er jafnframt tilnefndur til setu í fulltrúaráði.

Framlögð drög að samningum um uppsetningu hraðhleðslustöðva í Fjarðabyggð.
Bæjarráð samþykkir samninga um rafhleðslustöðvar og felur bæjarstjóra undirritun þeirra.

Kynning á starfsemi Austurbrúar og Eyglóarverkefninu sem er samstarfsverkefni sveitarfélaganna á Austurlandi, Umhverfis-, orku- og loftlagsráðuneytis, Landsvirkjunar og Austurbrúar.

Framlagt erindi umhverfis-, orku- og loftslagsráðuneytis sem boðar til fundar um málefni náttúrustofa 22. maí.
Bæjarráð samþykkir að bæjarráð ásamt bæjarstjóra mæti á fundinn.

Framlagt bréf frá stjórn Brettafélags Fjarðabyggðar um aðstöðu til íþróttaiðkunar fyrir börn í Oddskarði.
Bæjarráð felur formanni bæjarráðs að ræða við forsvarsmenn félagsins og stjórnanda íþrótta- og frístundamála.

Minnisblað um tilhögun yfirfærslu frístundar grunnskólabarna lagt fram til samþykktar.
Bæjarráð samþykkir tillögur í minnisblaði og vísar erindi til fjölskyldunefndar til frekari úrvinnslu.

Skipun fulltrúa frá Fjarðabyggð í verkefnastjórn Sterks Stöðvarfjarðar, Brothættar byggðir.
Bæjarráð samþykkir að fela Haraldi L. Haraldssyni upplýsingafulltrúa að taka sæti í verkefnastjórninni.

Framlagt erindi Óbyggðanefndar vegna endurskoðunar fjármála- og efnahagsráðherra á kröfum um þjóðlendur.
Framlagt og kynnt.

Fundargerð fjölskyldunefndar lögð fram til umfjöllunar og afgreiðslu.

Fundargerð stjórnar menningarstofu frá 8. apríl lögð fram til umfjöllunar og afgreiðslu.