Bæjarráð

Fjallað um rekstur Norðfjarðarflugvallar og samstarf Isavia og Fjarðabyggðar um rekstur hans.
Bæjarráð samþykkir að fela bæjarstjóra að fylgja eftir samkomulagi við Isavia um rekstur Norðfjarðarflugvallar svo hann þjóni hlutverki sínu sem sjúkraflugvöllur áfram. Tæplega eitt hundrað sjúkraflug fóru um flugvöllin á síðasta ári.

Skipan fulltrúa i undirkjörstjórn á Reyðarfirði í stað Aðalheiðar Vilbergsdóttur sem sagði sig úr stjórninni og sem formaður.
Bæjarráð samþykkir að skipa Láru Björnsdóttur sem aðalmann og Andrea Borgþórsdóttir tekur við formennsku. Vísað til bæjarstjórnar.

Framlagt erindi Félags harmonikkuunnenda þar sem kynnt er áform um að Landsmót Harmonikkuunnenda sumar 2025 verði haldið í íþróttahúsinu á Reyðarfirði. Óskað er eftir styrk til mótshaldsins.
Bæjarráð tekur vel í beiðni félagsins og leggur fram íþróttahúsið sem mótstað og felur upplýsingfulltrúa að vera í samskiptum við félagið um útfærslu þegar nær líður viðburði.

Framlagt bréf frá Orku Náttúrunnar um uppbyggingu hleðsluinnviða.
Bæjarráð felur bæjarstjóra ásamt sviðsstjóra skipulags- og framkvæmdasviðs að ræða við fulltrúa félagsins.
Vísað til skipulags- og framkvæmdanefndar.

Skipulags- og framkvæmdanefnd leggur til stækkun lóðarinnar Brekkugerði um 15 metra til austurs.
Bæjarráð samþykkir stækkun lóðarinnar.

Framlögð tillaga að svari til HAUST vegna Breiðabliks.
Bæjarráð samþykkir fyrir sitt leyti drög að svari og felur sviðsstjóra skipulags- og framkvæmdasviðs að svara heilbrigðiseftirliti á grundvelli umræðna á fundinum ásamt því að funda með íbúum í Breiðabliki. Svarinu jafnframt vísað til starfshóps um nýtingu fasteigna í eigu Fjarðabyggðar.

Farið yfir málefni slökkviliðs.

Framlagt aðalfundarboð Sparisjóðs Austurlands hf. fyrir árið 2024 en fundurinn verður haldinn 30. apríl nk. kl. 14:00.
Bæjarráð samþykkir að fela Jónu Árnýju Þórðardóttur bæjarstjóra að fara með umboð Fjarðabyggðar á aðalfundinn.

Framlagt yfirlit yfir stöðu verkefna vegna áfangastaða ferðamanna.

Kynntar niðurstöður útboðs ofanflóðavarna í Nes- og Bakkagiljum.
Bæjarráð lýsir ánægju sinni með niðurstöður útboðsins og að framkvæmdir geti hafist og leggur áherslu á að þær hefjist með vorinu.

Neytendasamtökin er á hringferð um landið og óska fundar með bæjarfulltrúm miðvikudag 8. maí.
Bæjarráð samþykkir að funda með samtökunum.

Framlögð til kynningar umsögn Samtaka orkusveitarfélaga um áform um breytingar á lögum um verndar- og orkunýtingaráætlun.

Framlagður til kynningar úrskurður innviðaráðuneytisins vegna kæru landeiganda Óseyrar í Stöðvarfirði vegna ágangs sauðfjár.

Umhverfis- og samgöngunefnd Alþingis sendir til umsagnar frumvarp til laga um verndar- og orkunýtingaráætlun (virkjunarkostir í vindorku), 900. mál.
Bæjarstjóra falið að útbúa drög að umsögn og leggja fyrir bæjarráð að nýju.

Umhverfis- og samgöngunefnd Alþingis sendir til umsagnar tillögu til þingsályktunar um stefnu stjórnvalda um uppbyggingu vindorku á Íslandi, 899. mál.
Bæjarstjóra falið að útbúa drög að umsögn og leggja fyrir bæjarráð að nýju.

Fundargerð 148. og 149. fundar stjórnar Austurbrúar lögð fram til kynningar

Fundargerð 19. og 20. fundar stjórnar SSA lögð fram til kynningar

Fundargerð fjölskyldunefndar frá 15. apríl tekin til umfjöllunar og afgreiðslu.

Fundargerð skipulags- og framkvæmdanefndar frá 17. apríl tekin til umfjöllunar og afgreiðslu.

Fundargerð starfshóps um nýtingu mannvirkja í eigu Fjarðabyggðar frá 16. apríl lögð fram til umfjöllunar og afgreiðslu.
Bæjarráð staðfestir fundargerðina og vísar henni til kynningar í fjölskyldunefnd og skipulags- og framkvæmdanefnd.