Bæjarráð

Farið yfir málefni Breiðabliks á Norðfirði og skilgreiningu þjónustu.
Bæjarráð ítrekar að ekki er verið að draga úr þjónustu og áfram verður veitt helgarþjónusta í Breiðabliki eftir þjónustuþörf. Sú þjónustuþörf getur verið meiri eða minni eftir atvikum.

Farið yfir vinnu í fræðslumálum.

Farið yfir vinnu við fjárhagsáætlun ársins 2025.

Framlögð tvö tilboð í gerð ofanflóðamannvirkja við Nes- og Bakkagil á Norðfirði. Lagt er til að tekið verði tilboði Reinforced Earth Company í grindur í styrkingakerfi og Héraðsverks í gerð 20 keilna og þvergarðs.
Bæjarráð samþykkir töku tilboðanna og felur bæjarstjóra undirritun verksamninga. Bæjarráð fagnar því að framkvæmdirnar séu að fara að hefjast.

Framlagt erindi Sköpunarmiðstöðvarinnar vegna skipulagsskrár félagsins og skipan stjórnar.
Bæjarráð felur bæjarstjóra og bæjarritara að ræða við forsvarsmenn Sköpunarmiðstöðvarinnar. Tekið fyrir að nýju í bæjarráði.

Framlagt erindi innviðaráðuneytisins vegna erindis um stjórnsýslu sveitarfélagsins Fjarðabyggðar. Ráðuneytið óskar eftir gögnum og umsögnum um stjórnsýslu sveitarfélagsins á grundvelli 112. gr. sveitarstjórnarlaga, nr. 128/2011 varðandi aðdraganda og meðferð málsins.
Bæjarráð felur bæjarstjóra að svara erindi ráðuneytisins.

Framlagt boð á ársfund Náttúruhamfaratrygginga sem haldinn verður 16. maí nk. Fundurinn er í boði á streymi.

Framlögð drög að endurnýjuðum auglýsingasamning við Knattspyrnufélag Austfjarða (KFA) fyrir árin 2024 - 2026.
Bæjarráð samþykkir samninginn og felur bæjarstjóra undirritun hans.

Framlagður ársreikningur 2023 fyrir Náttúrustofu Austurlands til kynningar.

Framlögð til kynningar umsögn Samtaka orkusveitarfélaga um þingmál 899 og 900.

Framlögð til kynningar fundargerð 947. fundar stjórnar Sambands íslenskra sveitarfélaga

Kynning á verkefningu NATALIE þar sem er unnið að nýrri nálgun á náttúrumiðuðum aðferðum, NBS (e. Nature-based solutions) til að sporna við áhrifum verðurröskunar af völdum loftlagsbreytinga.
Bæjarráð samþykkir að tekið verði þátt í vinnustofum tengdum verkefninu.