Bæjarráð

Farið yfir málefni og verkefni skipulags- og framkvæmdasviðs og þjónustu- og framkvæmdamiðstöðvar fyrir sumarið 2024.

Lagt fram yfirlit fjármálastjóra um rekstur og fjárfestingar fyrir janúar - mars, launakostnað og skattekjur fyrir janúar - apríl 2024 auk rekstraryfirlits samstæðu og A hluta fyrir janúar - mars 2024

Lagður fram viðauki við fjárhagsáætlun 2024 vegna samningns um almenningssamgöngur, breytinga á fyrirkomulagi reksturs um málefni fatlaðs fólks vegna slita byggðasamlags Skólaskrifstofu Austurlands, afborgana lána, endurbóta á skólahúsnæði Grunnskóla Eskifjarðar auk áhrifa vegna framlaga frá Fiskeldissjóði. Viðaukinn hefur þau áhrif að áætlað er að sjóðsstaða samstæðu Fjarðabyggðar batnar um 115 m.kr. Rekstrarniðurstaða A-hluta batnar um 58,9 m.kr. og er því jákvæð um 198,2 m.kr. og rekstrarniðurstaða B-hluta batnar um 56,7 m.kr. og er því áætluð jákvæð um 609 m.kr. Áætlað er að handbært fé í árslok nemi 356 m.kr.
Viðauka vísað til afgreiðslu bæjarstjórnar.

Umfjöllun um fjárhagsáætlun sameiginlegs kostnaðar, atvinnu- og þróunarmála og slökkviliðs.
Vísað til áframhaldandi vinnu við gerð fjárhagsáætlunargerðar.

Framlagður tölvupóstur frá Afli starfsgreinafélagi þar sem óskað er upplýsinga um endurskoðun gjaldskráa sveitarfélagsins vegna kjarasamninga ásamt útfærslu á gjaldfrjálsum skólamáltíðum grunnskólabarna.
Við gerð síðustu fjárhagsáætlunnar sveitarfélagsins var þess sérstaklega gætt að stilla gjaldskrárhækkunum í hóf sérstaklega með tilliti til barnafjölskyldna. Vinna við endurskoðun gjaldsskráa í tengslum við kjarasamningsgerð aðila vinnumarkaðarins stendur yfir af hálfu sveitarfélagsins. Þá hefur sveitarfélagið þegar innleitt gjaldfrjálsar skólamáltíðir.

Framlagt erindi landeiganda að Óseyri í Stöðvarfirði vegna smölunar á ágangsfé sumarið 2024.
Bæjarráð felur bæjarritara að svara erindi í samræmi við umræður á fundinum.

Farið yfir fjallskilasamþykkt og kynnt umfjöllun á fundi aðildarsveitarfélaga Sambands sveitarfélaga á Austurlandi sem haldinn var 7. maí en niðurstöður stjórnar eru að ekki verði gerðar breytingar á fjallskilasamþykkt vegna ágangs búfjár.
Unnið er á vettvangi sveitarfélganna að málinu.

Framlögð fundargerð yfirkjörstjórnar þar sem lögð er fram tillaga að kjörstöðum við forsetakosningar 1. júní 2024. Yfirkjörstjórn leggur til að kjörstaðir verði sjö og kjörstaðir verði opnir frá kl. 09:00 til 22:00 á öllum stöðum nema Mjóafirði en þar verði kjörstaður opinn frá kl. 09:00 og kjörfundi þar skuli ljúka strax og unnt er skv. 91. gr. kosningalaga en þó ekki fyrr en kl. 14:00 og ekki síðar en kl. 17:00.
Sólbrekka á Mjóafirði
Nesskóli á Norðfirði
Eskifjarðarskirkja á Eskifirði
Safnaðarheimili á Reyðarfirð
Skólamiðstöð á Fáskrúðsfirði
Grunnskóli á Stöðvarfirði
Grunnskóli í Breiðdal
Bæjarráð samþykkir tillögur yfirkjörstjórnar og vísar til bæjarstjórnar staðfestingu á kjörstöðum.

Vísað frá fjölskyldunefnd til afgreiðslu bæjarráðs drögum að samningi við Golfklúbb Norðfjarðar um rekstrar- og uppbyggingarstyrk til þriggja ára.
Bæjarráð samþykkir samning um rekstrar- og uppbyggingarstyrk og felur bæjarstjóra undirritun hans.

Vísað frá fjölskyldunefnd til afgreiðslu bæjarráðs drögum að samningi við Golfklúbb Byggðarholts um rekstrar- og uppbyggingarstyrk til þriggja ára.
Bæjarráð samþykkir samning um rekstrar- og uppbyggingarstyrk og felur bæjarstjóra undirritun hans.

Vísað frá fjölskyldunefnd til afgreiðslu bæjarráðs drögum að samningi við Golfklúbb Fjarðabyggðar um rekstrar- og uppbyggingarstyrk til þriggja ára.
Bæjarráð samþykkir samning um rekstrar- og uppbyggingarstyrk og felur bæjarstjóra undirritun hans.

Vísað frá fjölskyldunefnd til afgreiðslu bæjarráðs drögum að samningi við Kajakklúbbsins Kaj um rekstrar- og uppbyggingarstyrk til eins árs.
Bæjarráð samþykkir samning um rekstrar- og uppbyggingarstyrk og felur bæjarstjóra undirritun hans.

Vísað frá fjölskyldunefnd til afgreiðslu bæjarráðs drögum að samningi við Skotveiðifélagsins Dreka um rekstrar- og uppbyggingarstyrk til eins árs.
Bæjarráð samþykkir samning um rekstrar- og uppbyggingarstyrk og felur bæjarstjóra undirritun hans.

Vísað frá skipulags- og framkvæmdanefnd til afgreiðslu bæjarráðs stækkun lóðar að Bakkabakka 2b og breytt lóðamörk við Nesgötu 40 á Norðfirði.
Bæjarráð samþykkir fyrir sitt leyti breytt lóðamörk.

Vísað frá skipulags- og framkvæmdanefnd stækkun á lóðinni Skólavegurm 85a á Fáskrúðsfirði.
Bæjarráð samþykkir stækkun lóðar.

Vísað að nýju frá skipulags- og framkvæmdanefnd til afgreiðslu bæjarráðs drögum að breytingum á samþykkt um fiðurfé.
Bæjarráð vísar reglum að nýju til skipulags- og framkvæmdanefndar til endurskoðunar á reglum um aðhald og ónæðismál.

Lögð fram til staðfestingar umsögn bæjarstjóra vegna frumvarpa nr. 899 og 900 um vindorkumál.
Bæjarráð staðfestir umsögn bæjarstjóra.

Framlögð auglýsingu um styrkveitingar til fráveituframkvæmda.
Vísað til sviðsstjóra skipulags- og framkvæmdasviðs og skipulags- og framkvæmdanefndar.

Ársskýrsla Brothættra byggða 2023 framlögð til kynningar.

Á fundi skipulags- og framkvæmdanefndar samþykkti nefndin að friðlýsa æðavarpi í landi Kollaleiru og bjóða nytjar þess út í kjölfar friðlýsingar.
Bæjarráð vísar til fyrri afgreiðslu sinnar frá 15. maí 2023 að æðavarp í Kollaleirulandi verði ekki boðið út heldur verði landsvæðið skilgreint sem almennt land í eigu Fjarðabyggðar án heimilda til nota af neinu tagi og sé opið almenningi.

Fundargerð fjölskyldunefndar lögð fram til umfjöllunar og afgreiðslu.

Framlögð til umfjöllunar og afgreiðslu fundargerð skipulags- og framkvæmdanefndar frá 8. maí sl.

Umræður með skólastjórum grunn-, leik- og tónlistarskóla um fyrirhugaðar breytingar á fræðslumálum og umsagnir vegna þeirra.