Bæjarráð

Farið yfir minnisblað vegna nýrrar heimasíðu sem áformað er að opni á árinu 2025.

Tekin um fjöllun um framkvæmdir við Grunnskólann á Eskifirði.
Minnisblað um framkvæmdina verður lagt fyrir á næsta fundi bæjarráðs.

Lagðar fram tillögur og minnisblað frá sprettfundi um úrgangsmál 24.apríl auk minnisblaðs um viðræður við forsvarsmenn Kubbs.
Bæjarráð samþykkir að taka málið fyrir að nýju í bæjarráði þar sem farið verði yfir útfærslur á umhaldi og fyrirkomulagi sorpmótttöku.

Vísað frá skipulags- og framkvæmdanefnd til afgreiðslu bæjarráðs tillögu um útboð til tveggja ára á æðavarp í landi Kollaleiru, leirur.
Bæjarráð samþykkir að æðarvarp á leirum í landi Kollaleiru verði boðið út til tveggja ára.

Vísað frá skipulags- og framkvæmdanefnd endurskoðun á samþykkt um fiðurfé.
Bæjarráð samþykkir fyrir sitt leyti drög að samþykkt um fiðurfé og vísar til afgreiðslu í bæjarstjórn.

Umfjöllun um samning Samtakanna 78 og Fjarðabyggðar.
Bæjarráð vísar til fjármálastjóra og sviðsstjóra fjölskyldusviðs að yfirfara samninginn og skila bæjarráði greinargerð um framkvæmd hans.

Framlögð drög að samningi um styrk til uppbyggingar ferðamannastaða, Bleiksárfoss Eskifirði hönnun.
Bæjarráð samþykkir samninginn og felur bæjarstjóra undirritun hans.

Framlög til kynningar tillaga til þingsályktunar um ferðamálastefnu og aðgerðaáætlun til ársins 2030.

Framhald umræðu um fræðslumál í Fjarðabyggð.
Bæjarráð felur bæjarstjóra að kalla eftir tilnefningum kjörinna fulltrúa og starfsmanna fjölskyldusviðs í starfs- og rýnihópa sem munu sitja í þeim ásamt leik- og grunnskólastjórum. Jafnframt felur bæjarráð bæjarstjóra að gera drög að erindisbréfum fyrir starfs- og rýnihópa sem tryggi samráð og leggja til tímasetningu fyrstu funda hópanna. Tekið fyrir að því loknu í bæjarráði.

Ársskýrsla Náttúrustofu Austurlands lögð fram til kynningar.

Farið yfir verkefnið Sterkur Stöðvarfjörður með verkefnastjóra þess.

Framlögð til umfjöllunar og afgreiðslu fundargerð fjölskyldunefndar frá 21. maí.

Fundargerð hafnarstjórnar frá 6. maí tekin til umfjöllunar og afgreiðslu.

Framlögð til umfjöllunar og afgreiðslu fundargerð skipulgs- og framkvæmdanefndar frá 17. maí.

Framlögð til umfjöllunar og afgreiðslu fundargerð stjórnar menningarstofu frá 24. maí.