Bæjarráð

Framlögð tillaga varðandi lokafrágang á endurbótum við grunnskólahúsnæðið á Eskifirði.
Bæjarráð samþykkir að farið verði í framkvæmdir sbr. 1. tillögu sem lögð er fram í minnisblaði að fjárhæð um 111 m.kr. Þar með er farið í alla verkþætti sem eftir eru í endurbótum á húsnæðinu. Vísað til gerðar viðauka við fjárhagsáætlun 2024.

Farið yfir framkvæmdir í yfirlögnum á götum á árinu 2024.
Bæjarráð samþykkir forgangsröðun sviðsstjóra og framvinda verksins verður metin þegar líður á sumarið.

Framhaldið umræðu um fjárhagsáætlun málaflokka sem heyra undir bæjarráð.
Bæjarráð vísar tillögum sínum að römmum til fjárhagsáætlunargerðar.

Framhaldið umræðu um fræðslumál í Fjarðabyggð.
Drög að erindisbréfum koma fyrir næsta fund bæjarráðs.

Framlögð drög að samningi við Ferðamálastofu um uppbyggingu áfangastaðar ferðamanna við Streytishvarf.
Bæjarráð samþykkir samninginn og felur bæjarstjóra undirritun hans.

Framlagður tölvupóstur lögmanns eiganda fasteignarinnar að Réttarholti 1 á Stöðvarfirði.
Bæjarráð felur bæjarstjóra ásamt formanni bæjarráðs að funda með eiganda fasteignarinnar. Bæjarritara falið að svara bréfritara.

Fjölskyldunefnd samþykkti fyrir sitt leyti drög að samning um rekstrar- og uppbyggingarstyrk til þriggja ára við Siglingaklúbb Austurlands.
Bæjarráð samþykkir samninginn og felur bæjarstjóra undirritun hans.

Fjölskyldunefnd samþykkti fyrir sitt leyti drög að samningi við Hestamannafélagið Blæ um rekstrar- og uppbyggingarstyrk til þriggja ára.
Bæjarráð samþykkir samninginn og felur bæjarstjóra undirritun hans.

Framlagt erindi frá Hollvinasamtökum Skrúðs um aðgengismál í Félagsheimilinu Skrúð.
Bæjarráð vísar erindi til skipulags- og framkvæmdasviðs og aðgengisfulltrúa sveitarfélagsins.

Fjallað um ágang búfjár og viðbrögð við honum.
Bæjarráð tekur afstöðu til beiðna berist þær með tilliti til mats á ágangi, meðalhófi og annarra aðstæðna.

Samkaup, fyrir hönd Kjörbúðarinnar óskar eftir samstarfi við Fjarðabyggð um miðlun gjafa til nýbakaðra foreldra.
Bæjarráð samþykkir fyrir sitt leyti samstarfið og vísar erindi til fjölskyldusviðs til útfærslu.

Fundargerð fjölskyldunefndar frá 27. maí tekin til umfjöllunar og afgreiðslu.

Fundargerð hafnarstjórnar frá 27. maí tekin til umfjöllunar og afgreiðslu.