Bæjarráð

Bæjarráð vísar tillögum nefnda um breytingar við úthlutun fjármagns í römmum áfram til vinnu við gerð fjárhagsáætlunar 2025.

Bæjarráð fór yfir tillögur og vísar þeim áfram til gerðar fjárhagsramma fyrir Fjarðabyggð og stofnanir 2025 með breytingum. Fjárhagsrammar verða lagðir fyrir bæjarráð í framhaldi til endanlegrar staðfestingar.

Framlagt minnisblað vegna fjármögnunar opnunar sundlaugar Breiðdals. Málinu vísað til frekari skoðunar á fjármála- og greiningarsviði og til viðaukagerðar í framhaldi af því.

Farið yfir stöðu mála vegna sölu eignarinnar á Strandgötu 39 á Eskifirði.

Framlögð tillaga á að farið verði í þarfagreiningu vegna húsnæðisuppbyggingar fyrir aldurshópinn 60 ára og eldri. Vísað til áframhaldandi hugmyndavinnu í öldungaráði.

Brú lífeyrisjóður gerir kröfu til þátttöku launagreiðanda vegna bakábyrgðar vegna starfsmanna Uppsala hjúkrunarheimilis. Greiðsla ársins 2024 nemur kr. 1,1 m.kr. Um er að ræða bakábyrgð frá þeim tíma sem Fjarðabyggð rak hjúkrunarheimilið.

Bæjarráð samþykkir greiðslu framlags vegna bakábyrgðar fyrir árið 2024.

Framlögð beiðni frá Samvinnufélagi útgerðarmanna í Neskaupstað um förgun á eldra gervigrasi af knattspyrnuvellinum í Neskaupstað. Fjarðabyggð hyggst bjóða nýtingu á eldra gervigrasi og málinu vísað til úrvinnslu á framkvæmdasviði.

Vísað til síðari umræðu samþykkt um fiðurfé með áorðnum breytingum sem urðu vegna ábendinga ráðuneytis á milli fyrri og seinni umræðu.

Bæjarráð staðfestir samþykktina með umboði bæjarstjórnar sem falið hefur bæjarráði ákvörðunarvald og fullnaðarafgreiðslu.

Vísað frá skipulags- og framkvæmdanefnd til afgreiðslu bæjarráðs grenndarkynningu vegna byggingar fjölbýlis á Breiðamel 1, 3, 5, 7 og 9. Kynningu er lokið og engar athugasemdir bárust.

Bæjarráð staðfestir niðurstöðu grenndarkynningar.

Vísað frá skipulags- og framkvæmdanefnd til afgreiðslu bæjarráðs grenndarkynningu vegna byggingar fjölbýlishúss að Óseyri 5. Kynningu er lokið og engar athugasemdir bárust.

Bæjarráð staðfestir niðurstöðu grenndarkynningar.

Bæjarráð vísar að beiðni formanns skipulags- og framkvæmdanefndar málinu til frekari vinnslu í nefndinni.

Framlögð til umfjöllunar og afgreiðslu bæjarráðs í umboði bæjarstjórnar meðan á sumarleyfi stendur fundargerð hafnarstjórnar frá 10. júní.
Bæjarráð staðfestir fundargerð með umboði bæjarstjórnar frá 20. júní með umboði bæjarstjórnar sem falið hefur bæjarráði ákvörðunarvald og fullnaðarafgreiðslu.

Framlögð til umfjöllunar og afgreiðslu bæjarráðs í umboði bæjarstjórnar meðan á sumarleyfi stendur fundargerð skipulags- og framkvæmdanefndar frá 26. júní.

Bæjarráð staðfestir fundargerðina, utan liðar 8, með umboði bæjarstjórnar frá 20. júní með umboði bæjarstjórnar sem falið hefur bæjarráði ákvörðunarvald og fullnaðarafgreiðslu.