Bæjarráð

Lagt fram yfirlit yfir rekstur málaflokka og fjárfestingar janúar - maí 2024 auk yfirlits yfir skatttekjur og launakostnað janúar - júní 2024. Einnig lagt fram samadregið yfirlit yfir reksturinn fyrstu 5 mánuði ársins.

Tekin umræða um gjaldskrár ársins 2025 og forsendur í nýrri þjóðhagsspá sem birt var í sumar. Vísað til frekari umræðu í tengslum við fjárhagsáætlun 2025.

Framlögð drög að samningi Orkusölunnar og Fjarðabyggðar um breytingu á viðskiptakjörum Fjarðabyggðar fram til ársloka 31.12.2026.
Bæjarráð samþykkir samninginn ásamt samningum fyrir Fjarabyggðahafnir og Hitaveitu Fjarðabyggðar og felur bæjarstjóra undirritun þeirra.

Lögð fram samantekt fjármálastjóra á auknum orkukostnaði vegna skerðingar á raforku til fjarvarmaveita janúar - maí 2024 ásamt tillögu um breytingar á fjárhagsáætlun ársins.
Bæjarráð vísar auknum orkukostnaði vegna skerðingar á raforku til gerðar viðauka við fjárhagsáætlun ársins 2024. Bæjarráð samþykkir jafnframt að viðræður verði teknar upp við umhverfis-, orku- og loftslagsráðuneytið varðandi rekstur fjarvarmaveitna.

Lögð fram drög að gjaldskrá fyrir selda raforku í gegnum rafhleðslustöðvar Fjarðabyggðar ásamt drögum að samningi við EONE ehf. um afnot af hugbúnaðarlausn fyrirtækisins til aðgangsstýringar að stöðvunum og innheimtu gjalda.
Bæjarráð samþykkir gjaldskrá sem taki gildi frá og með 1. ágúst 2024 ásamt samningi um þjónustu vegna stöðvanna við Eone ehf. Bæjarstjóra falið að undirrita gjaldskrá og samning.

Tekið fyrir að nýju erindi frá Fjarskiptasjóði þar sem sveitarfélögum er gefinn kostur á að sækja um styrk til að ljúka lagningu ljósleiðara til allra lögheimila utan markaðssvæða í þéttbýli. Frekari upplýsingar sjóðsins um framkvæmd og útfærslur rædd.
Bæjarráð samþykkir að auglýst verði eftir áhugasömum aðilum til að taka að sér lagningu ljósleiðara í þéttbýli Fjarðabyggðar gegn styrk frá Fjarskiptasjóði sbr. auglýsingu háskóla,- iðnaðar- og nýsköpunarráðuneytisins, https://www.stjornarradid.is/efst-a-baugi/frettir/stok-frett/2024/07/02/Ljosleidaravaeding-landsins-klarist-innan-thriggja-ara/

Framlagt mat verkefnastjóra umhverfismála á ágangi sauðfjár í landi Áreyja.
Bæjarráð felur bæjarritara að ræða við landeigendur og upplýsa um niðurstöðu mats verkefnastjóra umhverfismála.

Framlögð drög að dagskrá vegna heimsóknar fulltrúa vinabæjarins Gravelines ásamt yfirliti um fulltrúana.
Bæjarfulltrúar taka þátt í mótttöku fulltrúa vinabæjarins í samvinnu við upplýsingafulltrúa.

Framlagt boð frá Almannavarnarsviði ríkislögreglustjóra um almannavarnarráðstefnu sem haldinn verður 31. október 2024.
Bæjarráð samþykkir að Jón Björn Hákonarson fari fyrir hönd Fjarðabyggðar.

Framlagt erindi frá innviðaráðuneyti þar sem óskað er upplýsinga um viðbrögð við úrskurði ráðuneytisins frá 18. apríl 2023 varðandi smölun ágangsfjár. Lögð fram drög að svari.
Bæjarráð samþykkir tillögu að svari og felur bæjarritara að svara erindi ráðuneytisins.

Framlögð til kynningar samantekt forráðamanna fésbókarsíðu um ágangsmál búfjár.

Á Samráðsgátt liggja fyrir drög að breytingu á reglugerð nr. 745/2016 um vigtun og skráningu sjávarafla. Umsagnarfrestur er til 15.ágúst næstkomandi.
Bæjarráð felur hafnarstjóra í samráði við hafnarstjórn að yfirfara drögin og veita umsögn vegna málsins.

Framlagt til kynningar bréf frá Samtökum heilbrigðiseftirlitssvæða á Íslandi vegna áformaðra breytingar á fyrirkomulagi heilbrigðiseftirlits sem eru viðamiklar.

Í samráðsgátt stjórnvalda er að nýju komin til samráðs drög að flokkun fimm vikjanakosta þar á meðal Hamarsvirkjun sem þegar hefur verið veitt umsögnum um.
https://island.is/samradsgatt/mal/3778. Umsagnarfrestur er til 27. september nk.
Bæjarráð mun taka málið fyrir að nýju áður en umsagnarfresti lýkur.

Framlögð til kynningar fundargerð samtaka orkusveitarfélaga nr. 73