Bæjarráð

Stjórnandi fræðslumála- og skólaþjónustu mætir á fundinn og fer yfir stöðu mála við upphaf skólaárs 2024 - 2025.

Lagður fram samnngur við Vegagerðina um framlengingu á samningi um akstur á leið 92 á milli Breiðdals og Reyðarfjarðar. Aksturinn er framkvæmdur innan almenningssamgangna Fjarðabyggðar og skapar tekjur af akstrinum en ekki kostnað. Upphaflega yfirtók Fjarðabyggð akstur á leiðinni af SvAust í kjölfar útboðs á leiðinni. Bæjarráð samþykkir að framlengja samninginn og felur bæjarstjóra undirritun skjala því tengdu.

Framlagt til kynningar minnisblað Kennarasambands Íslands frá 8. júlí 2024 um aðkomu og heimsóknir sambandsins í tengslum við fyrirhugaðar breytingar á skólastarfi í Fjarðabyggð.

Framlagt minnisblað bæjarstjóra varðandi ráðningu í starf sviðsstjóra fjármála- og greiningarsviðs. Bæjarráð samþykkir þá tillögu bæjarstjóra að Jóhann Gunnsteinn Harðarson verði ráðinn í starf sviðsstjóra fjármála- og greiningarsviðs.

Framlögð drög að umsögn vegna erindis Matvælastofnunar þar sem óskað er umsagnar vegna umsóknar Norhtlight Seafood ehf. um nýtt tilraunaleyfi til skeldýraræktunar á Bláskel í Norðfjarðarflóa. Sviðsstjóra mannauðs- og umbótamála falið að vinna málið áfram.

Óskað hefur verið eftir umsögnum vegna mats á Hamarsvirkjun í fimmta áfanga rammaáætlunar. Bæjarritara falið að rita drög að umsögn og leggja fyrir bæjarráð að nýju.

Framlagður til kynningar tölvupóstur frá 8. júlí vegna stöðu mála varðandi leikskólapláss á Reyðarfirði. Bæjarstjóri hefur þegar svarað erindinu en unnið er að mönnun skólastofnanna í Fjarðabyggð.

Framlagður tölvupóstur landeiganda í Áreyjum frá 26. júlí sl. vegna ágangsfjár. Bæjarritara falið að fylgja erindinu eftir í samræmi við fyrri afgreiðslur bæjarráðs.

Framlagt sem trúnaðarmál erindi frá Tandraorku í kjölfar fundar fyrirtækisins með bæjarráði í lok júní sl. Bæjarstjóra falið að hefja viðræður við fyrirtækið.

Framlögð til kynningar yfirlit frá lögreglunni á Austulandi yfir fyrstu sex mánuði ársins 2024

Framlagt til kynningar staðfesting ráðuneytisins á þegar kynntu hættumati fyrir ofanfóð á Stöðvarfirði, engar breytingar hafa orðið á matinu frá fyrri kynningu.

Framlagt minnisblað stjóranda fræðslumála- og skólaþjónustu vegna framlengingar á samningi vegna skólaaksturs. Stjórnanda fræðslumála falið að ljúka framlengingu á samningum og bæjarstjóra undirritun þeirra í framhaldi af því.

Framlögð bréf og tölvupóstar frá fyrirtækjum vegna tilboða til að ljúka lagningu ljósleiðara. Bæjarstjóra og bæjarritara falið að ræða við tilboðsgjafa og leggja niðurstöðu fyrir bæjarráð að nýju. Jafnframt er bæjarstjóra falið að svara Fjarskipasjóði og staðfesta þátttöku Fjarðabyggðar í verkefninu.

Framlagður tölvupóstur Marvins Ómarssonar þar sem óskað er leyfis til uppsetningar og reksturs tjaldsvæðis að Svarthömrum í Neskaupstað. Sviðsstjóra framkvæmda- og skipulagssviðs falið að ræða við bréfritara.

Framlagt erindi frá Hestamannafélaginu Blæ vegna deiliskipulags á svæði félagsins í Fannardal. Bæjarráð þakkar fyrir erindið og felur bæjarritara að skoða feril málsins og áframhaldandi vinnu í kjölfarið á því.