Bæjarráð

Fjallað um málefni Alcoa Fjarðaáls.

Tekin fyrir úthlutun á fjárhagsrömmum fyrir málaflokka og svið Fjarðabyggðar vegna ársins 2025.
Bæjarráð samþykkir framlagða fjárhagsramma áætlunar 2025 og felur
fjármálastjóra að gefa þá út til nefnda.

Lögð fram greining fjármálastjóra á kostnaði við veikindalaun fyrstu sex mánuði ársins ásamt tillögu að viðauka við fjárhagsáætlun ársins 2024.
Bæjarráð samþykkir að vísa kostnaði vegna veikindalauna til gerðar viðauka við fjárhagsáætlun 2024. Fjármálastjóra falið að setja fram viðaukann.

Framlagðar nýjar beiðnir landeigenda Óseyrar í Stöðvarfirði um smölun sauðfjár sem er á jörðinni ásamt afriti af tölvupóstum sem sendir hafa verið á fjáreigendur sem líkindi eru til að eigi sauðfé sem um ræðir. Andmælafrestur er til 3. september en andmæli hafa ekki borist.

Tekið fyrir að nýju erindi landeiganda Áreyja vegna ágangs sauðfjár á jörðinni. Fjáreigandi brást við og smalaði áreyrar sem ágangur sauðfjár hefur verið á. Jafnframt lögð fram ný kvörtun um ágang.
Bæjarráð felur bæjarritara að hafa samband við hlutaðeigandi fjáreiganda.

Framlögð drög að umsögn Fjarðabyggðar í síðara umsagnarferli vegna mats á Hamarsvirkjun sem virkjanakosts en tillaga verkefnastjórnar er að virkjunin fari í verndarflokk.
Jón Björn Hákonarson vék af fundi.
Bæjarráð samþykkir umsögnina og felur bæjarritara að skila henni í samráðsgátt.

Framlagt bréf Verkmenntaskóla Austurlands þar sem óskað er eftir afnotum af íþróttahúsinu á Norðfirði vegna tæknidags fjölskyldunnar.
Bæjarráð samþykkir að styrkja tæknidaginn sem nemur afnotum af íþróttahúsinu á Norðfirði, tekið af liðnum óráðstafað.

Framlögð drög viljayfirlýsingar vegna áforma TandraOrku ehf. um uppbyggingu verksmiðju sem framleiðir lífkol.
Bæjarráð samþykkir viljayfirlýsinguna og felur bæjarritara að undirrita hana.

Fjallað um málefni Sköpunarmiðstöðvarinnar og framtíða hennar ásamt tillögu um að Austurbrú og Fjarðabyggð skipi fulltrúa í stjórn hennar.
Bæjarráð vísar erindi til stjórnar menningarstofu.

Framlögð til kynningar auglýsing innviðaráðuneytisins um styrkveitingar til ríkisstofnana vegna óstaðbundinna starfa.
Bæjarráð felur upplýsingafulltrúa að taka saman yfirlit yfir innviði sem nýst geta ef stofnanir flytja starfsemi í sveitarfélaginu og koma því framfæri.

Framsóknarflokkurinn tilkynnir um nefndabreytingar. Tinna Hrönn Smáradóttir tekur sæti Birgis Jónssonar í fjölskyldunefnd. Jafnframt tekur Pálína Margeirsdóttir sæti varaformanns.

Farið yfir stjórnkerfi Fjarðabyggðar