Bæjarráð

Farið yfir stöðu launaáætlunar í fjárhagsáætlunarvinnu 2025.
Vísað til áframhaldandi vinnu við fjárhagsáætlun 2025.

Framlögð tillaga fjármálstjóra að viðauka 3 við fjárhagsáætlun Fjarðabyggðar fyrir árið 2024.
Bæjarráð samþykkir viðauka fyrir sitt leyti og vísar honum til afgreiðslu bæjarstjórnar.

Framlagt til kynningar bréf frá eftirlitsnefnd með fjármálum sveitarfélaga.
Vísað til bæjarstjórnar.

Tekinn fyrir að nýju samningur um sölu líkamsræktartækja Líkamsræktarinnar í íþróttamiðstöðinni á Reyðarfirði til Eyrinnar heilsuræktar ehf.
Bæjarráð samþykkir samninginn og felur bæjarstjóra undirritun hans. Stjórnanda íþróttamála falið að kynna útfærslu breytinga fyrir notendum þjónustunnar.

Fjallað um viðhorfskönnun Gallup þar sem mæld eru viðhorf íbúa til þjónustuþátta stærstu sveitarfélaga landsins.
Bæjarráð samþykkir að gerð verði viðhorfskönnun.

Framlögð beiðni Skemmtifélags starfsmanna Fjarðabyggðar um endurgjaldslaus afnot af íþróttahúsi Fjarðabyggðar þann 10. maí 2025.
Bæjarráð samþykkir að styrkja félagið sem nemur húsaleigu vegna viðburðarins, tekið af liðnum óráðstafað 21690.

Fundargerð 952. fundar stjórnar Sambandsins lögð fram til kynningar.

Framlögð til kynningar ársskýrsla Fiskeldissjóðs fyrir árið 2023.
Bæjarráð samþykkir eftirfarandi bókun.
Mikilvægt er að útdeiling tekna af gjaldtöku í fiskeldi í sjó renni til sveitarfélaga þar sem nýting auðlindarinnar og starfsemi fyrirtækja í fiskeldi fari fram og þörfin til uppbyggingar þjónustu sé mest. Við setningu laga nr. 89/2019 um töku gjalds vegna fiskeldis í sjó og fiskeldissjóð var lögð áhersla á að hlutverk sjóðsins væri að styrkja uppbyggingu innviða þar sem fiskeldi í sjókvíum er stundað og þar með samfélög og stoðir atvinnulífs á þeim svæðum.
Skorað er á Matvælaráðherra að endurskoða útdeilingar sjóðsins með það fyrir augum að leggja Fiskeldissjóð niður. Tekjur vegna gjaldtöku fiskeldis í sjó og ætlað er til innviðauppbyggingar í sveitarfélögum þar sem sjókvíaeldi er stundað ætti að renna beint til sveitarfélaga án aðkomu Fiskeldissjóðs miðað við lífmassa, burðarþol- eða áhættumat fjarða.

Framlagt til kynningar boð á ferðaþjónustudaginn 7. október nk.

Fundargerð 76. fundar stjórnar Samtaka orkusveitarfélaga lögð fram til kynningar.

Fjallað um starfs- og fjárhagsáætlun fyrir málaflokka bæjarráðs.
Slökkviliðsstjóri fór yfir gerð fjárhagsáætlunar slökkviliðsins fyrir árið 2025 og stöðu slökkviliðsins.

Farið yfir starfs- og fjárhagsáætlunargerð hafnarinnar.
Farið yfir gerð fjárhagsáætlunar fyrir árið 2025 og stöðu Fjarðabyggðarhafna.

Farið yfir starfs- og fjárhagsáætlunargerð fjölskyldusviðs.
Farið yfir gerð fjárhagsáætlunar fyrir árið 2025 og stöðu fjölskyldusviðs.

Farið yfir starfs- og fjárhagsáætlunargerð skipulags- og framkvæmdanefndar.
Farið yfir gerð fjárhagsáætlunar fyrir árið 2025 og stöðu skipulags- og framkvæmdasviðs.

Farið yfir starfs- og fjárhagsáætlunargerð menningarmála.
Farið yfir gerð fjárhagsáætlunar fyrir árið 2025 og stöðu menningarmála.

Framlögð til afgreiðslu fundargerð rýnihóps um breytingar í grunnskólum frá 3. október.
Fundargerð staðfest.

Framlögð til afgreiðslu fundargerð starfshóps um breytingar í leikskólum frá 24. september.
Fundargerð staðfest.