Bæjarráð

Farið yfir drög að launaáætlun fyrir árið 2025 sem hluta af fjárhagsáætlun næsta árs ásamt drögum að tekjuáætlun.
Vísað til áframhaldandi vinnu við fjárhagsáætlunargerðina 2025.

Lagt fram yfirlit yfir rekstur málaflokka og fjárfestingar janúar - ágúst og skatttekjur og launakostnaður janúar - september. Einnig samandregið rekstraryfirlit og rekstrarreikningur fyrir janúar - ágúst 2024.

Vísað frá skipulags- og framkvæmdanefnd til afgreiðslu bæjarráðs gjaldskrá hitaveitu fyrir árið 2025.
Bæjarráð samþykkir gjaldskrá hitaveitu fyrir árið 2025 en hún hækkar sem nemur verðlagsbreytingum 5,6%. Breytingin tekur gildi frá og með 1. janúar 2025.

Samningur um orkukaup við Orkusöluna fyrir fjarvarmaveitur lagðar fyrir til afgreiðslu.
Bæjarráð samþykkir samninginn og felur bæjarstjóra undirritun hans.

Framlagt bréf Hákonar Björnssonar vegna álagningar rotþróargjalda, tíðni tæminga og árgjald.
Bæjarráð felur fjármálastjóra að svara erindi bréfritara.

Vísað frá skipulags- og framkvæmdanefnd til afgreiðslu bæjarráðs umsókn um lóðina Blómsturvelli 31 á Norðfirði.
Bæjarráð samþykkir úthlutun lóðarinnar.

Framlagður til kynningar undirskriftarlisti íbúa sem leggjast gegn lokun líkamsræktarstöðvar í íþróttahúsinu á Reyðarfirði.

Fjallað um skipan fulltrúa fjölmenningarráðs
Bæjarráð vísar til fjölskyldusviðs að leita tilnefninga 5 aðalfulltrúa og 5 varafulltrúa en fulltrúar sveitarstjórnar verða kjörnir þegar tilnefning liggur fyrir.

Framlögð tillaga um óbreytt endurgreiðsluhlutfall fyrir árið 2025 vegna réttindasafns Lífeyrissjóðs starfsmanna Neskaupstaðar í B-deild Brúar lífeyrissjóðs starfsmanna sveitarfélaga.
Bæjarráð samþykkir endurgreiðsluhlutfallið.

Framlagt aðalfundarboð Heilbrigðiseftirlits Austurlands sem haldinn verður 6. nóvember nk.
Bæjarráð felur Stefáni Þór Eysteinssyni að fara með umboð Fjarðabyggðar á fundinum.

Framlagt fundarboð aðalfundar Héraðsskjalasafns Austfirðinga sem haldinn verður 30. október nk.
Bæjarráð felur Jónu Árnýju Þórðardóttur bæjarstjóra að fara með umboð Fjarðabyggðar á aðalfundinum.

Bæjarráð sem stjórnkerfisnefnd tekur til afgreiðslu tillögu vegna breytinga á skipulagi fjölskyldumála.
Bæjarráð samþykkir tillöguna og vísar henni til staðfestingar bæjarstjórnar.

Fundargerð skipulags- og framkvæmdanefndar frá 16. október lögð fram til umfjöllunar og afgreiðslu.