Bæjarráð

Framlögð tillaga að viðauka nr. 4 við fjárhagsáætlun Fjarðabyggðar árið 2024.
Bæjarráð samþykkir viðaukann og vísar honum til staðfestingar bæjarstjórnar.

Vísað frá fjölskyldunefnd til afgreiðslu bæjarráðs ósk um aukafjárveitingu til bókakaupa skólabókasafna.

Bæjarráð jók við fasta fjárheimildir til bókakaupa á árinu 2023 til að efla bókakost safnanna og samhæfa innkaupin. Bæjarráð getur því ekki orðið við beiðninni.

Framlagt minnisblað Verkís vegna endurgerðar á upptakastoðvirkjum í Drangagili vegna beiðnar sveitarfélagsins um mat á ástandi varnarmannvirkjanna.

Bæjarráð samþykkir framlagðar tillögur að endurgerð upptakastoðvirkjanna í Drangagili fyrir sitt leyti og felur bæjarstjóra að vera í samskiptum við Ofanflóðasjóð vegna þeirra.

Málinu vísað til kynningar í skipulags- og framkvæmdanefnd.

Vísað frá bæjarstjórn til frekari umræðu milli umræðna um fjárhagsáætlun 2025 álagningarhlutföllum og fjárhæðum í fasteignagjöldum næsta árs.

Lögð fram tillaga að því að álagningarstuðull fasteignaskatts íbúðarhúsnæðis A lækki í 0,4% úr 0,424%.

Bæjarráð samþykkir tillöguna og vísar henni til staðfestingar bæjarstjórnar.

Tekin umræða um gjaldskrá um meðhöndlun úrgangs.

Vísað frá fjölskyldunefnd til afgreiðslu bæjarráðs tillögu að breytingum á reglum um úthlutun íþróttastyrkja.
Bæjarráð samþykkir breytingar á reglunum og vísar þeim til staðfestingar bæjarstjórnar.

Tekin fyrir að nýju verkefnatillaga ásamt minnisblaði upplýsingafulltrúa um ráðstöfun fjármagns og forgangsröðun.
Bæjarráð samþykkir tillögur og vísar þeim til fjárhagsáætlunargerðar 2025.

Lagður fram undirskriftarlisti þar sem gerð er krafa um upplýsingafund vegna fyrirhugaðra breytinga í fræðslumálum.

Bæjarráð vísar til bókunar frá bæjarráðsfundi nr. 871 sem segir að starf- og rýnihópar leik- og grunnskóla hafi samþykkt að fresta störfum hópanna þar til kjarasamningar við Kennarasamband Íslands hafa verið gerðir. Í ljósi þess að kjarasamningar hafa ekki enn náðst er óvissa um samningsbundna skilmála og umgjörð skólastarfsins. Stefnt er að því að taka upp þráðinn á nýju ári og vinna að niðurstöðum í hópunum í tíma fyrir skólaárið 2025-2026. Þó verður tekið mið af breytingum á gjaldskrá leikskóla, sem stefnt er að innleiða um komandi áramót, þar sem lögð er áhersla á að efla starfsumhverfi skólanna. Bæjarráð mun halda áfram að fylgjast með þróun mála og tryggja að starfshóparnir fái viðeigandi stuðning til að ná fram umbótum í samræmi við nýja kjarasamninga og markmið sveitarfélagsins um öflugt og faglegt skólastarf.

Þegar kjarasamningar liggja fyrir verður málið tekið fyrir og kynnt hlutaðeigandi aðilum.

Skipan fulltrúa Fjarðabyggðar í fjölmenningarráð.
Bæjarráð tilnefnir Joanna Katarzyna Mrowiec sem varamann í fjölmenningarráð til viðbótar við fyrri tilnefningu fjölskyldunefndar.

Farið yfir þjónustu bæjarskrifstofu vegna nýrrar útfærslu kjarasamninga á vinnutíma.
Bæjarráð samþykkir útfærslu á opnunartíma bæjarskrifstofu en hann breytist þannig að skrifstofan lokar 12 á föstudögum. Bæjarstjóra falin útfærsla á fyrirkomulaginu.

Vísað frá skipulags- og framkvæmdanefnd til afgreiðslu bæjarráðs umsókn um lóðina Naustaveg 10 á Norðfirði.
Bæjarráð samþykkir að úthluta lóðinni.

Vísað frá skipulags- og framkvæmdanefnd til afgreiðslu bæjarráðs umsókn um lóðina að Árdal 15 á Eskifirði.
Bæjarráð samþykkir að úthluta lóðinni.

Vísað frá skipulags- og framkvæmdanefnd til afgreiðslu bæjarráðs umsókn um lóðina að Daltúni 7 á Eskifirði.
Bæjarráð samþykkir að úthluta lóðinni.

Vísað frá skipulags- og framkvæmdanefnd til afgreiðslu bæjarráðs umsókn um leigulóð til vesturs fyrir sólpalla við Strandgötu 58, Eskifirði sem er eignarlóð.
Bæjarráð samþykkir að úthluta lóðinni.

Framlögð til kynningar áskorun Skólastjórafélags Austurlands til sveitarstjórna á Austurlandi um að beita sér fyrir lausn í kjaradeilu Kennarasambands Íslands.
Umboð til kjarasamningasgerðar f.h. Fjarðabyggðar liggur hjá samninganefnd Sambands íslenskra sveitarfélaga. Bæjarráð hvetur aðila til að ná samkomulagi í deilunni sem allra fyrst.

Fundargerð 955. fundar stjórnar Sambandsins lögð fram til kynningar.

Framlögð tilkynning frá Kennarasambandi íslands þar sem boðað er til vinnustöðvunar frá og með 10. desember nk. í Leikskólanum Lyngholti á Reyðarfirði.
Bæjarráð felur bæjarstjóra ásamt starfsmönnum að fara yfir og kynna áhrif vinnustöðvunarinnar.

Framlögð til umfjöllunar og afgreiðslu fundargerð fjölskyldunefndar frá 18. nóvember.

Framlögð til umfjöllunar og afgreiðslu fundargerð skipulags- og framkvæmdanefndar frá 20. nóvember.