Bæjarráð

Farið yfir stöðu framkvæmda og viðhalds í málaflokkum sviðsins á árinu 2025.

Farið yfir tillögur að úrbótum á vatnsveitu Stöðvarfjarðar.
Unnið er að þrýstiprófunum á vatnsveitunni og liggja þær fyrir í vikunni. Málið tekið fyrir að nýju á næsta bæjarráðsfundi.

Ársreikningur Eignarhaldsfélagsins Hrauns ehf. fyrir árið 2024 lagður fram til undirritunar.
Bæjarráð staðfestir ársreikning með áritun sinni.

Ársreikningur Hitaveitu Fjarðabyggðar fyrir árið 2024 lagður fram til undirritunar.
Bæjarráð staðfestir ársreikning með áritun sinni.

Framlögð greinargerð um áhrif nýrra kjarasamninga á fjárhagsáætlun 2026 vegna launabreytinga.
Bæjarráð samþykkir að launabreytingum sé vísað til gerðar viðauka við fjárhagsáætlun ársins 2025.

Framlagður viðauki nr. 1 við fjárhagsáætlun Fjarðabyggðar fyrir árið 2025. Viðaukinn innifelur breytingar vegna kjarasamninga.
Bæjarráð samþykkir viðaukann og vísar honum til staðfestingar bæjarstjórnar.

Fjallað um málefni skíðasvæðisins í Oddsskarði, rekstrarfyrirkomulag og starfsemi ásamt viðhaldsþörf svæðisins.
Bæjarráð samþykkir að taka málefnið fyrir að nýju á fundi bæjarráðs.

Farið yfir stöðu framkvæmda og úrræði vegna tafa á því að byggingar verði teknar í notkun.
Unnið verður að málinu að það tekið fyrir að nýju.

Framlögð greinargerð frá lögmanni sveitarfélagsins vegna aðkomu að Lundargötu 4 á Reyðarfirði.
Bæjarráð getur ekki orðið við kröfum lóðarhafa Lundargötu 4.

Lögð fram greinargerð um ágang sauðfjár í landi Áreyja.
Bæjarráð samþykkir að send verði áskorun á fjáreigendur sem eiga fjárvon í landi Áreyja um að þeir sæki fé það sem þar er.

Vísað frá fjölskyldunefnd til afgreiðslu bæjarráðs drögum að reglum um stuðning við börn og fjölskyldur.
Bæjarráð samþykkir reglurnar og vísar þeim til staðfestingar bæjarstjórnar.

Vísað frá fjölskyldunefnd til afgreiðslu bæjarráðs drögum að reglum um stoðþjónustu.
Bæjarráð samþykkir reglurnar og vísar þeim til staðfestingar bæjarstjórnar.

Vísað frá fjölskyldunefnd til afgreiðslu bæjarráðs drögum að reglum um notendasamninga.
Bæjarráð samþykkir reglurnar og vísar þeim til staðfestingar bæjarstjórnar.

Fjallað um fjármálaráðstefnu og fulltrúa Fjarðabyggðar sem sækja hana.
Bæjarráð samþykkir að ráðstefnuna sæki Ragnar Sigurðsson, Stefán Þór Eysteinsson, Þuríður Lillý Sigurðardóttir ásamt bæjarstjóra og fjármálastjóra.

Framlögð tillaga um flokkun Hamarsvirkjunar í biðflokk verndar- og orkunýtingaráætlunar.
Bæjarráð Fjarðabyggðar leggur áherslu á, líkt og fyrr, að Hamarsvirkjun komi til framkvæmda sem fyrst. Virkjunin er mikilvæg forsenda fyrir áframhaldandi verðmætasköpun og uppbyggingu á Austurlandi, m.a. fyrir þróun græns orkugarðs á Reyðarfirði, auk orkuskipta í atvinnulífi.
Bæjarráð tekur undir fyrri umsagnir sveitarfélaga á Austurlandi og SSA um áðurnefnt mikilvægi Hamarsvirkjunar á þessum þáttum og myndi tilkoma hennar bæta stöðuna verulega.
Bæjarritara er falið að koma athugasemdum bæjarráðs á framfæri með formlegri umsögn í samráðsgátt stjórnvalda.

Framlögð og kynnt drög að hönnunarteikningum af nýju tjaldsvæði við Strandgötu 62 á Norðfirði á grundvelli gildandi deiliskipulags.
Bæjarráð samþykkir drögin fyrir sitt leyti og felur sviðsstjóra skipulags- og framkvæmdasviðs að fylgja málinu eftir gagnvart hönnuðum og framkvæmdaaðilum.

Fundargerð fjölskyldunefndar frá 18. ágúst framlögð til umfjöllunar og afgreiðslu.

Fundargerð stjórnar menningarstofu frá 18. ágúst framlögð til umfjöllunar og afgreiðslu.