Bæjarstjórn

Fundargerðir bæjarráðs teknar til umfjöllunar og afgreiðslu saman.
Til máls tók Jón Björn Hákonarson.
Fundargerð bæjarráðs nr. 328 frá 25. febrúar staðfest með 9 atkvæðum.

Fundargerðir bæjarráðs teknar til umfjöllunar og afgreiðslu saman.
Fundargerð bæjarráðs nr. 329 frá 13. mars staðfest með 9 atkvæðum.

Til máls tóku: Jón Björn Hákonarson, Sævar Guðjónsson, Páll Björgvin Guðmundsson, Valdimar O Hermannsson, Stefán Már Guðmundsson.
Fundargerð eigna-, skipulags- og umhverfisnefndar nr. 57 frá 25. febrúar staðfest með 9 atkvæðum.

Til máls tóku: Ásta Kristín Sigurjónsdóttir.
Fundargerð atvinnu- og menningarnefndar nr. 42 frá 28. febrúar staðfest með 9 atkvæðum.

Forseti bæjarstjórnar fylgdi skipulaginu úr hlaði.
Bæjarstjórn samþykkir með 9 atkvæðum að láta breyta Aðalskipulagi Fjarðabyggðar 2007-2027, þéttbýlisuppdrætti fyrir Stöðvarfjörð vegna fyrirhugaðra framkvæmda við höfnina á Stöðvarfirði. Jafnframt samþykkir bæjarstjórn framlagða lýsingu vegna fyrirhugaðra skipulagsbreytinga.

Forseti bæjarstjórnar fylgdi málinu úr hlaði
Tillaga.

Bæjarstjórn Fjarðabyggðar samþykkir tillögu bæjarráðs um að höfðað verði mál gegn Lánasjóði sveitarfélaga vegna erlendra lána sem tekin voru hjá lánasjóðnum árið 2006. Bæjarráð hefur á undanförnum misserum verið með erlend lán sveitarfélagsins til skoðunar m.t.t. lögmætis þeirra og verið í samskiptum við lánadrottna sveitarfélagsins. Það er niðurstaða bæjarstjórnar að mikilvægt sé að gæta hagsmuna sveitarfélagsins með því að láta reyna á réttarstöðu þess vegna umræddra lána. Þá samþykkir bæjarstjórn að bæjarstjóri verði í samvinnu við lögmann sveitarfélagsins að vinna að málinu.
Tillaga samþykkt með 9 atkvæðum.