Bæjarstjórn

Fundargerðir bæjarráðs teknar til umfjöllunar og afgreiðslu saman.
Til máls tóku: Jón Björn Hákonarson, Valdimar O Hermannsson, Eydís Ásbjörnsdóttir, Esther Ösp Gunnarsdóttir.
Fundargerð bæjarráðs frá 6. febrúar s.l. staðfest með 9 atkvæðum.

Fundargerðir bæjarráðs teknar til umfjöllunar og afgreiðslu saman.
Dagskrárlið 7 í fundargerð um staðfestingu samnings við Orkufjarskipti vísað til bæjarráðs til frekari skoðunar og úrvinnslu.
Fundargerð bæjarráðs frá 13. febrúar s.l. utan dagskrárliðar 7 staðfest með 9 atkvæðum.

Til máls tók Jón Björn Hákonarson.
Fundargerð eigna- skipulags- og umhverfisnefndar frá 9. febrúar s.l. staðfest með 9 atkvæðum.

Enginn tók til máls.
Fundargerð hafnarstjórar frá 1.febrúar s.l. staðfest með 9 atkvæðum.

Til máls tóku: Pálína Margeirsdóttir, Elvar Jónsson, Páll Björgvin Guðmundsson, Valdimar O Hermannsson, Jón Björn Hákonarson, Eydís Ásbjörnsdóttir.
Fundargerð fræðslunefndar frá 8. febrúar s.l. staðfest með 9 atkvæðum.

Til máls tóku: Esther Ösp Gunnarsdóttir, Jón Björn Hákonarson, Dýrunn Pála Skaftadóttir, Páll Björgvin Guðmundsson.
Fundargerð menningar- og safnanefndar frá 8. febrúar s.l. staðfest með 9 atkvæðum.

Bæjarstjóri fylgdi viðauka úr hlaði.
Viðauka er vísað frá bæjarráði til staðfestingar bæjarstjórnar.
Viðaukinn felur í sér breytingu á fjárhagsskilyrðum í viðauka við eldri lánasamning við Íslandsbanka, nr. 106527. Breytingin í viðaukanum við lánasamninginn felst í rýmkuðum fjárhagsskilyrðum þannig að út fellur krafa um að veltu fé frá rekstri sem hlutfall heildartekna A hluta skuli vera hærra en 9%. Niðurfelling skilyrðisins rýmkar stöðu Fjarðabyggðar. Allir lánasamningar við Íslandsbanka eru þá með sömu fjárhagslegu skilyrðin.
Enginn tók til máls.
Bæjarstjórn samþykkir með 9 atkvæðum viðauki við lánsamning nr. 106527 við Íslandsbanka.

Forseti fylgdi skipulags- og matslýsingu úr hlaði.
Engin tók til máls.
Lögð fram skipulags- og matslýsing vegna breytingar á þéttbýlisuppdrætti aðalskipulags fyrir Eskifjörð. Eigna-, skipulags- og umhverfisnefnd vísar skipulags- og matslýsingu til staðfestingar bæjarstjórnar.
Bæjarstjórn samþykkir með 9 atkvæðum skipulags- og matslýsingu fyrir þéttbýli aðalskipulags fyrir Eskifjörð.

Forseti bæjarstjórnar fylgdi skipulags- og matslýsingu úr hlaði.
Enginn tók til máls.
Lögð fram skipulags- og matslýsing vegna breytingar á deiliskipulagi Leiru 1, iðnaðar og hafnarsvæðis sunnan Strandgötu á Eskifirði.
Eigna-, skipulags- og umhverfisnefnd vísar skipulags- og matslýsingu til staðfestingar bæjarstjórnar.
Bæjarstjórn samþykkir með 9 atkvæðum skipulags og matslýsingu vegna deiliskipulags Leiru 1.

Forseti bæjarstjórnar fylgdi málinu úr hlaði.
Fyrir liggur umsókn Egersund hf., frá 17. janúar 2017, þar sem sótt er um leyfi til að reisa dúkklætt stálgrindarhús á lóð fyrirtækisins að Strandgötu 12 á Eskifirði.
Eigna-, skipulags- og umhverfisnefnd samþykkir áformaða 6 metra vegghæð byggingar en vísar til bæjararstjórnar staðfestingu þeirra ákvörðunar sbr. 4. gr. almennra skipulags- og byggingarskilmála þar sem hún er 4,5, metrar.
Bæjarstjórn samþykkir með 9 atkvæðum heimild fyrir aukinni vegghæð í 6 metra.

Bæjarstjóri fylgdi menningarstefnu Fjarðabyggðar og samstarfssamningi milli Fjarðabyggðar og Tónlistarmiðstöðvar Austurlands úr hlaði.
Menningar- og safnanefnd og bæjarráð hafa samþykkt Menningarstefnu Fjarðabyggðar og samstarfssamning milli Tónlistarmiðstöðvar Austurlands og Fjarðabyggðar ásamt starfslýsingu starfsmanns Menningarstofu. Stefnu og samstarfssamningi er vísað til staðfestingar bæjarstjórnar.
Til máls tóku: Valdimar O Hermannsson,Jón Björn Hákonarson.
Bæjarstjórn samþykkir með 9 atkvæðum að vísa samstarfssamningi og menningarstefnu Fjarðabyggðar til síðari umræðu í bæjarstjórn.