Bæjarstjórn

Fundargerðir bæjarráðs nr. 565 og 566 teknar til afgreiðslu saman.
Til máls tóku Jón Björn Hákonarson og Páll Björgvin Guðmundsson.
Fundargerð bæjarráðs, nr. 565 frá 21.maí 2018, samþykkt með 9 atkvæðum.

Fundargerðir bæjarráðs nr. 565 og 566 teknar til afgreiðslu saman.
Til máls tóku Jón Björn Hákonarson og Páll Björgvin Guðmundsson.
Fundargerð bæjarráðs, nr. 566 frá 29.maí 2018, samþykkt með 9 atkvæðum.

Enginn tók til máls.
Fundargerð eigna- skipulags- og umhverfisnefndar, nr. 205 frá 28.maí 2018, utan 18.liðar, samþykkt með 9 atkvæðum.
Forseti vék af fundi undir 18.lið fundargerðar, efnistaka úr Norðfjarðará, en liðurinn var tekinn sérstaklega til afgreiðslu.
Einar Már Sigurðarson aldursforseti tók við stjórn fundarins og bar 18.lið í fundargerð undir atkvæði.
18.liður í fundargerð eigna- skipulags- og umhverfisnefndar, nr. 205 frá 28.maí 2018, samþykktur með 8 atkvæðum.

Enginn tók til máls.
Fundargerð hafnarstjórnar, nr. 198 frá 22.maí 2018, samþykkt með 9 atkvæðum.

Enginn tók til máls.
Fundargerð íþrótta- og tómstundanefndar, nr. 48 frá 24.maí 2018, samþykkt með 9 atkvæðum.

Til máls tóku Jón Björn Hákonarson.
Fundargerð stjórnar til undirbúnings sameiningar sveitarfélaga, nr. 5 frá 6.júní 2018, samþykkt með 9 atkvæðum.

Bæjarstjóri fylgdi máli úr hlaði. Erindi hefur borist frá Skipulagsstofnun þar sem óskað er eftir umsögn sveitarfélagsins vegna nýrra tillagna að eldissvæðum Fiskeldis Austfjarða í Fáskrúðsfirði. Bæjarstjórn felur bæjarstjóra að ganga frá umsögn Fjarðabyggðar til Skipulagsstofnunar.

Forseti fylgdi máli úr hlaði.
Eigna-, skipulags- og umhverfisnefnd hefur samþykkt, fyrir sitt leyti, tillögu að breytingu á Aðalskipulagi Fjarðabyggðar 2007-2027, stækkun hafnarsvæðis á Eskifirði til auglýsingar. Tillagan er sett fram á uppdrætti og greinargerð dagsett 28. maí 2018. Tillagan verði auglýst í samræmi við 31. gr. skipulagslaga. Endanlegri afgreiðslu er vísað til bæjarstjórnar.
Enginn tók til máls.
Bæjarstjórn samþykkir tillögu að breytingu á Aðalskipulagi Fjarðabyggðar 2007-2027, stækkun hafnarsvæðis á Eskifirði til auglýsingar, með 9 atkvæðum.

Bæjarstjóri fylgdi máli úr hlaði.
Vísað frá eigna-, skipulags- og umhverfisnefnd drögum að viðauka við ábúðasamning um jörðina Kirkjuból í Norðfjarðarsveit. Bæjarráð fól bæjarstjóra að útfæra efni viðauka við ábúðasamning um Kirkjuból og leggja hann fyrir að nýju.
Enginn tók til máls.
Bæjarstjórn samþykkir viðauka við ábúðarsamning með 9 atkvæðum og felur bæjarstjóra undirritun hans. Bæjarstjórn samþykkir jafnframt að Vegagerðin geti hafið framkvæmdir, m.a. við vegalagningu samkvæmt skipulagi, er undirritun samnings og deiliskipulags liggur fyrir.

Forseti fylgdi máli úr hlaði.
Eigna-, skipulags- og umhverfisnefnd hefur samþykkt, ef samningar nást, að gerð verði óveruleg breyting á deiliskipulagi Kirkjubóls, hesthúsa- og búfjársvæðis.
Enginn tók til máls.
Bæjarstjórn samþykkir með 9 atkvæðum breytingu á deiliskipulagi Kirkjubóls, hestahúsa- og búfjársvæðis, þannig að þrjár vestustu lóðirnar verði felldar út.