Bæjarstjórn

Fundargerðir bæjarráðs teknar til umfjöllunar og afgreiðslu saman.
Til máls tóku: Sigurður Ólafsson, Jón Björn Hákonarson, Ragnar Sigurðsson.
Fundargerð bæjarráðs frá 25. janúar sl. staðfest með 9 atkvæðum

Fundargerðir bæjarráðs teknar til umfjöllunar og afgreiðslu saman.
Fundargerð bæjarráðs frá 1. febrúar sl. utan liðar 11 staðfest með 9 atkvæðum.

Til máls tók Eydís Ásbjörnsdóttir.
Fundargerð eigna- skipulags- og umhverfisnefndar frá 25. janúar sl. staðfest með 9 atkvæðum.

Til máls tók Jón Björn Hákonarson.
Fundargerð hafnarstjórnar frá 26. janúar sl. staðfest með 9 atkvæðum.

Enginn tók til máls.
Fundargerð íþrótta- og tómstundanefndar frá 25. janúar sl. staðfest með 9 atkvæðum.

Bæjarstjóri mælti fyrir máli.
Vísað frá bæjarráði til staðfestingar bæjarstjórnar heimild til framlengingar og hækkunar yfirdráttar í 400 milljónir króna hjá Íslandsbanka sem gildi til 5. febrúar 2022.
Enginn tók til máls.
Bæjarstjórn samþykkir með 9 atkvæðum nýjan skammtímalánasamning við Íslandsbanka um framlengingu á yfirdráttarheimild allt að 400 milljónir króna til 5. febrúar 2022.

Bæjarstjóri mælti fyrir máli.
Vísað frá bæjarráði til afgreiðslu bæjarstjórnar drögum að rammasamningi við félagið Hrafnhól hf. um byggingu íbúðarhúsnæðis.
Til máls tók Eydís Ásbjörnsdóttir.
Bæjarstjórn samþykkir með 9 atkvæðum rammasamning við Hrafnshól sem felur í sér áform um mikla uppbyggingu íbúðarhúsnæðis í Fjarðabyggð á næstu árum allt að 53 íbúðum. Um hvern verkáfanga verður gerður sérstakur samningur sem felur í sér aðkomu Fjarðabyggðar að viðkomandi áfanga. Gert er ráð fyrir í samningnum uppbyggingu íbúðarhúsnæðis á Norðfirði, Eskifirði, Reyðarfirði og Fáskrúðsfirði í þessari lotu en vilji er til hjá Hrafnshól að skoða uppbyggingu íbúðarhúsnæðis á Stöðvarfirði og Breiðdal ef eftirspurn kemur til.

Forseti bæjarstjórnar mælti fyrir máli.
Vísað frá bæjarráði til staðfestingar bæjarstjórnar beiðni um yfirlýsingu þess efnis að sveitarfélagið hyggist ekki nýta forkaupsrétt á bátnum Beljanda SU-306 nr. 2298, sem er 11,83 brúttó tonna bátur í eigu Gullrúnar ehf. Kaupandi bátsins er Sæfiskur ehf. á Patreksfirði. Skipið er selt án aflahlutdeildar, án aflamarks og án grásleppuleyfis.
Enginn tók til máls.
Bæjarstjórn staðfestir með 9 atkvæðum að nýta ekki forkaupsrétt að skipinu Beljanda SU-306.