Bæjarstjórn

Bæjarstjóri mælti fyrir ársreikningi Fjarðabyggðar og stofnana fyrir árið 2022 við síðari umræðu.
Til máls tóku: Stefan Þór Eysteinsson, Ragnar Sigurðsson, Elís Pétur Elísson, Hjördís Helga Seljan Þóroddsdóttir, Birgir Jónsson.

Bókun Framsóknarflokks og Fjarðalistans við seinni umræðu um ársreikning Fjarðabyggðar og stofnana 2022.
Í ljósi efnahagsumhverfisins sem nú er hérlendis þá er rekstrarniðurstaða ársreiknings 2022 ásættanleg og sýnir batnandi stöðu A-hlutans milli ára þrátt fyrir stóra óvissuþætti. Meirihlutinn ítrekar að áfram verði lögð áhersla á að halda vel utan um rekstur A-hluta til framtíðar og rýnt verður áfram í rekstur sveitarfélagsins á öllum sviðum líkt og verið hefur.
Gríðarlega há verðbólga einkennir nú öll hagkerfi sem hefur sett mark sitt á rekstur sveitarfélaga á Íslandi og er Fjarðabyggð þar engin undantekning. Samhliða hárri verðbólgu og mikilli hækkun á stýrivöxtum hafa laun vaxið umfram spár með tilheyrandi áhrifum á sveitarfélagið. Sömuleiðis er ljóst að breytingar á lífeyrisskuldbindingum sveitarfélagsins setja mark sitt á lokaniðurstöðu ársreikningsins en hafa þó ekki áhrif á sjóðstreymi. Áfram er því mikilvægt að lögð sé áhersla á að rekstur Fjarðabyggðar haldi sig innan útgefinna fjárhagsramma. Þá er það ljóst að tekjustofnar sveitarfélaga haldast ekki í hendur við aukna þjónustu (sem þau sinna) við íbúa sína og mikilvægt að leiða þau mál til lykta með ríkisvaldinu hið fyrsta til að tryggja sjálfbæran rekstur sveitarfélaga til framtíðar.
Ársreikningur Fjarðabyggðar og stofnana fyrir árið 2022 gefur engu að síður mynd af sterkri fjárhagslegri stöðu sveitarfélagsins og öflugu atvinnulífi þess og að það sé bjart framundan í Fjarðabyggð.

Bókun Sjálfstæðisflokksins við síðari umræðu um ársreikning Fjarðabyggðar 2022.
Sjálfstæðisflokkurinn lýsir yfir þungum áhyggjum af stöðu A hluta reksturs Fjarðabyggðar. Ársreikningur sveitarfélagsins sýnir glögglega að aðhalds er þörf, reksturinn er ósjálfbær og að öllu óbreyttu stefnir í greiðsluþrot.
Á undanförnum árum hefur sveitarfélag glímt við umtalsverðar framúrkeyrslur í rekstri A hlutans og skilað lakari afkomu en gert var ráð fyrir þrátt fyrir umtalsverða tekjuaukningu. Lántökur eru umfram það sem lagt var upp með í fjárhagsáætlun, launakostnaður er hærri en gert var ráð fyrir, afkoma er verri og framlegð af rekstri fer versnandi. Áætlanir sveitarfélagsins ganga ekki eftir þar sem skortur er á aga og ábyrgð í rekstri.

Bæjarstjórn samþykkir með 9 atkvæðum ársreikning Fjarðabyggðar og stofnana fyrir árið 2022 og áritaði ársreikninginn.

Fundargerðir bæjarráðs teknar til umfjöllunar og afgreiðslu saman.
Til máls tóku: Stefán Þór Eysteinsson, Jóhanna Sigfúsdóttir, Kristinn Þór Jónasson, Ragnar Sigurðsson, Elís Pétur Elísson, Birgir Jónsson.
Fundargerð bæjarráðs frá 17. apríl staðfest með 9 atkvæðum.

Fundargerðir bæjarráðs teknar til umfjöllunar og afgreiðslu saman.
Fundargerð bæjarráðs frá 24. apríl staðfest með 9 atkvæðum.

Til máls tók Birgir Jónsson.
Fundargerð fræðslunefndar frá 19. apríl staðfest með 9 atkvæðum.

Enginn tók til máls.
Fundargerð mannvirkja- og veitunefndar frá 21. apríl staðfest með 9 atkvæðum.

Fundargerðir umhverfis- og skipulagsnefndar teknar til umfjöllunar og afgreiðslu saman.
Til máls tók Stefán Þór Eysteinsson.
Fundargerð umhverfis- og skipulagsnefndar frá 18. apríl utan liðar 9 staðfest með 9 atkvæðum.

Fundargerðir umhverfis- og skipulagsnefndar teknar til umfjöllunar og afgreiðslu saman.
Fundargerð umhverfis- og skipulagsnefndar frá 24. apríl staðfest með 9 atkvæðum.

Til máls tók Hjördís Helga Seljan Þóroddsdóttir.
Fundargerð félagsmálanefndar frá 11. apríl staðfest með 9 atkvæðum.

Bæjarstjóri mælti fyrir viðauka við fjárhagsáætlun 2023.
Vísað frá bæjarráði til staðfestingar bæjarstjórnar viðauka 1 við fjárhagsáætlun Fjarðabyggðar árið 2023. Viðaukinn fjallar um áhrif gerðra kjarasamninga á launáætlun 2023. Launaliðir fjárhagsáætlunar hækka í deildum og málaflokkum skv. sundurliðun um 204,8 m.kr. og á móti lækki launakostnaður í málaflokki 21 sameiginlegur kostnaður um sömu fjárhæð en þar var gert ráð fyrir launakostnaði til að mæta kjarasamningshækkunum. Breytingin hefur engin áhrif á rekstrarkostnað samstæðu Fjarðabyggðar eða fjárhagsstöðu.
Enginn tók til máls.
Bæjarstjórn samþykkir með 9 atkvæðum viðauka 1 við fjárhagsáætlun ársins 2023.

Forseti bæjarstjórnar mælti fyrir reglum.
Vísað frá bæjarráði til afgreiðslu bæjarstjórnar tillögu að reglum um gerð fjárhagsáætlunar Fjarðabyggðar
Enginn tók til máls.
Bæjarstjórn staðfestir með 9 atkvæðum reglur um fjárhagsáætlun.

Forseti bæjarstjórnar mælti fyrir breytingum á samþykkt.
Vísað frá bæjarráði til síðari umræðu í bæjarstjórn drögum að uppfærðum breytingum á samþykkt um stjórn og fundarsköp bæjarstjórnar vegna 12. gr., sbr. 10. gr. barnaverndarlaga nr. 80/2002, með síðari breytingum ásamt breyttu ferli við endurnýjun lóðaleigusamninga. Efnislega eru ekki breytingar á fyrri tillögu.
Enginn tók til máls.
Bæjarstjórn samþykkir með 9 atkvæðum breytingar á samþykkt um stjórn og fundarsköp bæjarstjórnar Fjarðabyggðar.

Forseti bæjarstjórnar mælti fyrir samningi um barnaverndarþjónustu og fullnaðarafgreiðsluheimildir.
Vísað frá bæjarráði til síðari umræðu bæjarstjórnar samningi um barnaverndarþjónustu milli Fjarðabyggðar og Sveitarfélagsins Hornafjarðar ásamt fylgiskjal um fullnaðarafgreiðsluheimildir.
Enginn tók til máls.
Bæjarstjórn samþykkir með 9 atkvæðum samning um barnaverndarþjónustu milli Fjarðabyggðar og Sveitarfélagsins Hornafjarðar ásamt fullnaðaragreiðsluheimild til starfsmanna barnaverndarþjónustu.

Forseti bæjarstjórnar mælti fyrir breytingum á erindisbréfi.
Vísað frá bæjarráði til fyrri umræðu í bæjarstjórn uppfærðu erindisbréfi fyrir félagsmálanefnd m.a. vegna breyting á hlutverkum nefndarinnar í barnaverndarmálum og því að rekstur hjúkrunarheimila hefur verið færður yfir til Heilbrigðisstofnunar Austurlands.
Enginn tók til máls.
Bæjarstjórn samþykkir með 9 atkvæðum að vísa erindisbréfi til síðari umræðu bæjarstjórnar.

Forseti bæjarstjórnar mælti fyrir breytingu á erindisbréfi.
Vísað frá bæjarráði til fyrri umræðu í bæjarstjórn drögum að uppfærðu erindisbréf umhverfis- og skipulagsnefndar en lítilsháttar breytingar hafa verið gerðar í samræmi við breytingar á samþykkt sveitarfélagsins um afgreiðslu á endurnýjun lóðarleigusamninga, gr. 12. um fullnaðarafgreiðslur.
Enginn tók til máls.
Bæjarstjórn samþykkir með 9 atkvæðum að vísa erindisbréfi til síðari umræðu bæjarstjórnar.

Forseti bæjarstjórnar mælti fyrir endurskoðun á reglum.
Vísað frá bæjarráði til afgreiðslu bæjarstjórnar endurskoðuðum siðareglum kjörinna fulltrúa. Bæjarráð lagið til breytingu á 11. gr. vegna tímasetningar endurskoðunar.
Enginn tók til máls.
Bæjarstjórn samþykkir með 9 atkvæðum siðareglur kjörinna fulltrúa.

Forseti bæjarstjórnar mælti fyrir endurskoðun á reglum.
Vísað frá bæjarráði til afgreiðslu bæjarstjórnar tillögu að endurskoðun á reglum fyrir stuðningsþjónustu.
Til máls tók Hjördís Helga Seljan Þóroddsdóttir.
Bæjarstjórn samþykkir með 9 atkvæðum uppfærðar reglur um stuðningsþjónustu.

Forseti mælti fyrir breytingu nefndaskipunar.
Framlagt bréf frá Bjarney Hallgrímsdóttir um úrsögn úr íþrótta- og tómstundanefnd og fræðslunefnd vegna búferlaflutninga.
Lagt er til að Birgir Jónsson taki sæti Bjarneyjar sem varmaður í íþrótta- og tómstundanefnd ásamt því að Sævar Arngrímsson taki sæti hennar sem varamaður í fræðslunefnd.
Samþykkti bæjarstjórn samhljóða breytingu nefndarskipunar.

Forseti bæjarstjórnar mælti fyrir deiliskipulagsbreytingu.
Vísað frá umhverfis- og skipulagsnefnd til afgreiðslu bæjarstjórnar breytingum á deiliskipulagi Mjóeyrarhafnar til samþykktar ásamt svörum við athugasemdum sem bárust á auglýsingatíma.
Enginn tók til máls.
Bæjarstjórn samþykkir með 9 atkvæðum breytingar á deiliskipulagi Mjóeyrarhafnar.

Framlögð tillaga forseta bæjarstjórnar um að bæjarstjórnarfundur sem áformaður er 4. maí verði fluttur til fimmtudagsins 11. maí 2023 á hefðbundinn fundartíma.
Bæjarstjórn samþykkir með 9 atkvæðum tillögu forseta.