Bæjarstjórn

Bæjarstjóri mælti fyrir fjárhagsáætlun.
Lögð fram til fyrri umræðu tillaga að fjárhagsáætlun Fjarðabyggðar og stofnana fyrir árið 2024 ásamt þriggja ára fjárhagsáætlun fyrir árin 2025 til 2027.

Til máls tóku: Jóna Árný Þórðardóttir, Ragnar Sigurðsson, Stefán Þór Eysteinsson, Elís Pétur Elísson, Þuríður Lillý Sigurðardóttir, Birgir Jónsson, Heimir Snær Gylfason, Hjördís Helga Seljan Þóroddsdóttir og Þórdís Mjöll Benediktsdóttir.

Bæjarstjórn samþykkir með 9 atkvæðum að vísa fjárhagsáætlun Fjarðabyggðar og stofnana fyrir árið 2024 og 3ja ára áætlun fyrir árin 2025 til 2027 til síðari umræðu í bæjarstjórn.

Fundargerðir bæjarráðs nr. 818 og 819 teknar til umfjöllunar og afgreiðslu saman

Til máls tóku: Ragnar Sigurðsson og Stefán Þór Eysteinsson

Bókun Sjálfstæðisflokksins:

Stjórnsýsluúttekt Deloitte ber þess merki að víða er þörf á úrbótum innan stjórnsýslu Fjarðabyggðar. Til að auka skilvirkni og ánægju starfsfólks Fjarðabyggðar er mikilvægt að skapa kraftmikið starfsumhverfi, auka starfsánægju og draga úr neikvæðri starfsmannaveltu. Niðurstaða stjórnsýsluúttektarinnar gefur bæjarstjórn glögga mynd af þeim veikleikum sem er innan stjórnkerfisins en jafnframt þeim tækifærum og styrkleikum sem nýta megi til að ná fram auknum árangri og bættu vinnuumhverfi. Sjálfstæðisflokkurinn í Fjarðabyggð leggur til að bæjarráð vinni tímasetta úrbótaáætlun á grunni niðurstöðu úttektarinnar með skýrri verkefnalýsingu og ábyrgð verkþátta

Elís Pétur Elísson vakti athygli á vanhæfi sínu varðandi lið 3.7. í fundargerð nr. 819 og var sá liður tekin sérstaklega til umfjöllunar.

Fundargerðir bæjarráðs nr. 818 og 819 utan liðar 3.7 í fundargerð 819 eru staðfestar með 9 greiddum atkvæðum

Fundargerðir bæjarráðs teknar til umfjöllunar og afgreiðslu saman

Til máls tóku: Ragnar Sigurðsson og Stefán Þór Eysteinsson

Bæjarfulltrúi Elís Pétur Elísson vakti athygli á vanhæfi sínu varðandi lið 3.7. í fundargerð 819 og var sá liður tekin sérstaklega til umfjöllunar og afgreiðslu.

Fundargerðir bæjarráðs nr. 818 og 819 utan liðar 3.7 í fundargerð 819 eru staðfestar með 9 greiddum atkvæðum

Fundargerð hafnarstjórnar nr. 303 frá 26. október lögð fram til umfjöllunar og afgreiðslu

Engin tók til máls.

Fundargerð hafnarstjórnar nr. 303 frá 26. október er staðfest með 9 greiddum atkvæðum

Fundargerð umhverfis- og skipulagsnefndar nr. 37 frá 20. október lögð fram til umfjöllunar og afgreiðslu

Engin tók til máls.

Fundargerð umhverfis- og skipulagsnefndar nr. 37 frá 20. október er staðfest með 9 greiddum atkvæðum

Fundargerð íþrótta- og tómstundanefndar nr. 126. frá 23. október lögð fram til umfjöllunar og afgreiðslu

Engin tók til máls.

Fundargerð íþrótta- og tómstundanefndar nr. 126 frá 23. október er staðfest með 9 greiddum atkvæðum

Fundargerð mannvirkjar- og veitunefndar nr. 21 frá 18. október lögð fram til umfjöllunar og afgreiðslu

Engin tók til máls.

Fundargerð mannvirkja- og veitunefndar nr. 21 frá 18. október er staðfest með 9 greiddum atkvæðum

Fundargerð félagsmálanefndar nr. 171 frá 25. október lögð fram til umfjöllunar og afgreiðslu

Engin tók til máls.

Fundargerð félagsmálanefndar nr. 171 frá 25. október er staðfest með 9 greiddum atkvæðum

Fundargerð öldungaráðs nr. 10 frá 23. október lögð fram til umfjöllunar og afgreiðslu

Engin tók til máls.

Fundargerð öldungaráðs nr. 10 frá 23. október er staðfest með 9 greiddum atkvæðum

Bæjarstjóri mælti fyrir reglum um afslætti og gjaldskrá fasteignagjalda árið 2024.

Vísað frá bæjarráði til afgreiðslu bæjarstjórnar gjaldskrá fasteignagjalda 2024 ásamt reglum um afslátt fyrir elli- og örorkulífeyrisþega fyrir árið 2024. Gjaldskráin og reglurnar taka gildi þann 1. janúar 2024.

Fasteignaskattur A verði 0,424 % af húsmati og lóðarhlutamati
Fasteignaskattur B verði 1,320 % af húsmati og lóðarhlutamati
Fasteignaskattur C verði 1,650 % af húsmati og lóðarhlutamati
Lóðarleiga íbúðarhúsnæðis verði 0,70 % af lóðarhlutamati.
Lóðarleiga atvinnuhúsnæðis verði 3,00 % af lóðarhlutamati.
Vatnsgjald skv. gjaldskrá 4.721 kr. á veitu og 386 kr. pr. fermetra húsnæðis.
Fráveitugjald skv. gjaldskrá 0,3232 % af húsmati.
Sorphreinsunargjald skv. gjaldskrá 43.480 kr. á heimili.
Sorpeyðingargjald skv. gjaldskrá 29.900 kr. á heimili.

Fjöldi gjalddaga verði tíu, mánaðarlega frá 1. febrúar. Eindagi fasteignagjalda er síðasti virki dagur gjalddagamánaðar.

Afsláttur til eldri borgara og örorkulífeyrisþega er framreiknaður frá fyrra ári m.v. breytingar á launavísitölu og meðalbreytingu fasteignamats íbúðarhúsnæðis.

Til máls tóku: Ragnar Sigurðsson, Stefán Þór Eysteinsson

Bókun Sjálfstæðisflokksins:

Sjálfstæðisflokkurinn í Fjarðabyggð leggst gegn óbreyttum álagningarstuðli fasteignagjalda sem leiðir af sér umtalsverða hækkun fasteignagjalda í Fjarðabyggð. Sjálfstæðisflokkurinn leggur til að sveitarfélagið taki ekki óhindrað við allri áætlaðri hækkun fasteignagjalda heldur dragi úr neikvæðum áhrifum hækkana á samborgaranna.

Gert var fundarhlé kl. 17:28 og hófst fundur aftur kl. 17:46

Bókun Framsóknar og Fjarðalista:

Núverandi meirihluti Framsóknar og Fjarðalistans hefur síðustu tvö ár lækkað álagningarhlutfall fyrir fasteignaskatt og lóðarleigu, og hefur sveitarfélagið því fjarlægst hámarksnýtingu á tekjustofninum. Tekjustofnar sveitarfélaga eru tveir, þ.e. útsvar og fasteignaskattur og þarf að fara varlega í því að draga úr tekjum sveitarfélagsins. Einnig er vert að benda á að lækkun á álagningarhlutfalli fyrir fasteignaskatt og lóðarleigu hefur einnig áhrif á úthlutun jöfnunarsjóðs á framlögum vegna jöfnunar fasteignaskattstekna og yrði því um tvöfalda lækkun að ræða. Lækkun á tekjum frá fasteignarskatti yrðu líklega til þess að auka þyrfti tekjur með öðrum leiðum til að viðhalda núverandi þjónustustigi, til að mynda með hækkun á gjaldskrám sem myndu koma verst niður á barnafólki, eldri borgurum og öryrkjum.

Bæjarstjórn samþykkir með 5 atkvæðum álagningarstuðla fasteignagjalda í gjaldskrá fasteignagjalda 2024. Fulltrúar Sjálfstæðisflokksins, Ragnar Sigurðsson, Heimir Snær Gylfason, Kristinn Þór Jónasson og Þórdís Mjöll Benediktsdóttir greiða atkvæði gegn gjaldskránni.

Forseti bæjarstjórnar mælti fyrir reglum.

Vísað frá bæjarráði til staðfestingar bæjarstjórnar drögum að reglum um afnot af líkamsræktaraðstöðu utan reglulegrar viðveru starfsmanna í Neskaupstað, Eskifirði og Reyðarfirði ásamt drögum að samkomulagi um umsjón og afnot af íþróttahúsum utan reglulegrar viðverðu starfsmanns og yfirlýsingu hlutaðeigandi um afnot af líkamsrækt.

Engin tók til máls.

Bæjarstjórn staðestir með 9 atkvæðum reglurnar ásamt samkomulagi og yfirlýsingu.

Forseti bæjarstjórnar mælti fyrir skipan svæðisskipulagsnefndar.

Vísað frá bæjarráði til staðfestingar bæjarstjórnar samkomulagi um skipan svæðisskipulagsnefndar Austurlands sem byggir á því að fulltrúar í stjórn Sambands sveitarfélaga á Austurlandi skipa svæðisskipulagsnefnd.

Engin tók til máls.

Bæjarstjórn staðfestir með 9 atkvæðum samkomulag um skipan svæðisskipulagsnefndar Austurlands.

Forseti bæjarstjórnar mælti fyrir brunavarnaráætlun Fjarðabyggðar.
Vísað frá bæjarráði til fyrri umræðu bæjarstjórnar drögum að brunavarnaráætlun Fjarðabyggðar.

Engin tók til máls.

Bæjarstjórn samþykkir með 9 atkvæðum að vísa brunvarnaráætlun Fjarðabyggðar til síðar umræðu.

Forseti bæjarstjórnar mælti fyrir máli.
Vísað frá bæjarráði til kynningar bæjarstjórnar erindi Eftirlitsnefndar með fjármálum sveitarfélaga.

Erindið er fram lagt og kynnt.

Til máls tóku Stefán Þór Eysteinsson, Ragnar Sigurðsson, Þuríður Lillý Sigurðardóttir, Elís Pétur Elísson, Heimir Snær Gylfason, Hjördís Helga Seljan Þóroddsdóttir, Kristinn Þór Jónasson. og Birgir Jónsson.

Bókun Sjálfstæðisflokksins:

Sjálfstæðisflokkurinn í Fjarðabyggð hefur áhyggjur af rekstri og skuldastöðu sveitarfélagsins. Skuldir sveitarfélagsins hafa hækkað og rekstrarafkoman versnað. Athugasemdir Eftirlitsnefndar með fjármálum sveitarfélaga bera þess glöggt merki en þar kemur fram að sveitarfélagið uppfyllir ekki lágmarksviðmið eftirlitsnefndar vegna reksturs A-hluta samkvæmt ársreikningi sveitarfélagsins fyrir árið 2022. Í bréfi eftirlitsnefndarinnar kemur fram að rekstarniðurstaðan hafi verið neikvæð um 5% og framlegðin langt undir lágmarksviðmiðum. Nokkuð ljóst þykir að sveitarfélagið mun ekki ná tilsettu lágmarksviðmiðum varðandi framlegð í ársreikningi fyrir núgildandi ár. Skuldir A- hluta hafa vaxið jafnt og þétt ár frá ári úr 8,3 milljarði króna í ársreikningi 2017 í 11 milljarða króna í ársreikningi 2022 og gefur útgönguspá sveitarfélagsins til kynna að sú tala muni áfram hækka í ársreikningi 2023. Sjálfstæðisflokkurinn áréttar að mikilvægt er að taka skilaboðum eftirlitsnefndarinnar alvarlega og snúa vörn í sókn með stefnu og aðgerðaáætlun til að styrkja rekstur sveitarfélagsins.

Bókun Framsóknar og Fjarðalista:
Þegar fjármál sveitarfélagsins eru rædd er nauðsynlegt að það sé gert á grunni réttra upplýsinga og að framsetning þeirra sé í takt við raunveruleikann. Samkvæmt sveitarstjórnarlögum nr. 138/2011, skal skuldaviðmið fyrir A B hluta ekki vera hærra en 150% af reglulegum tekjum. Gert er ráð fyrir að skuldaviðmið samstæðu A og B hluta, eins og það er skilgreint í sveitarstjórnarlögum og í reglugerð nr. 502/2012, lækki frá um 90% í árslok 2021 í um 59% í árslok 2027. Skuldaviðmið A hlutans lækkar frá um 115% í árslok 2022 niður í um 88% árið 2027. Samhliða lækkun á skuldaviðmiðum er gert ráð fyrir því að framlegðin í samstæðunni verði um 16% og að hún verði um 9,9% í A hluta á sama tíma. Gert er ráð fyrir að langtímalán við lánastofnanir lækki frá árinu 2022 úr rúmum 5,3 milljörðum króna niður í 4,3 milljarða króna í árslok 2027 á verðlagi hvers árs. Það er þó alveg ljóst að rekstur sveitarfélagsins, og sveitarfélaga almennt, við núverandi aðstæður er þungur og nauðsynlegt að sýna áfram aðhald í rekstri. Sú fjárhagsáætlunarvinna sem unnin hefur verið á síðustu mánuðum ber þess einmitt merki og það ljóst að áfram þarf að straumlínulaga reksturinn með það fyrir augum að bæta þá þjónustu sem boðið er upp á í sveitarfélaginu í heild sinni.