Bæjarstjórn

Bæjarstjóri mælti fyrir fjárhagsáætlun 2025 og þriggja ára áætlun við fyrri umræðu
Vísað frá bæjarráði til fyrri umræðu bæjarstjórnar tillögu að fjárhagsáætlun fyrir árið 2025 ásamt þriggja ára fjárhagsáætlun fyrir árin 2026 til 2028.
Til máls tóku: Jón Björn Hákonarson, Stefán Þór Eysteinsson, Ragnar Sigurðsson.
Bæjarstjórn samþykkir með 9 atkvæðum að vísa tillögu að fjárhagsáætlun ársins 2025 ásamt þriggja ára fjárhagsáætlun til síðari umræðu í bæjarstjórn.

Fundargerðir bæjarráðs teknar til umfjöllunar og afgreiðslu saman.
Til máls tóku Ragnar Sigurðsson og Stefán Þór Eysteinsson
Fundargerð bæjarráðs frá 21. október staðfest með 9 atkvæðum.

Fundargerðir bæjarráðs teknar til umfjöllunar og afgreiðslu saman.
Fundargerð bæjarráðs frá 28. október staðfest með 9 atkvæðum.

Fundargerðir bæjarráðs teknar til umfjöllunar og afgreiðslu saman.
Fundargerð bæjarráðs frá 4. nóvember staðfest með 9 atkvæðum.

Fundargerðir skipulags- og framkvæmdanefndar teknar til umfjöllunar og afgreiðslu saman.
Til máls tóku: Jón Björn Hákonarson,
Fundargerð skipulags- og framkvæmdanefndar frá 16. október utan liðar 6 staðfest með 9 atkvæðum.

Fundargerðir skipulags- og framkvæmdanefndar teknar til umfjöllunar og afgreiðslu saman.
Fundargerð skipulags- og framkvæmdanefndar frá 29. október staðfest með 9 atkvæðum.

Til máls tók Ragnar Sigurðsson.
Fundargerð fjölskyldunefndar frá 29. október staðfest með 9 atkvæðum.

Enginn tók til máls.
Fundargerð hafnarstjórnar frá 21. október staðfest með 9 atkvæðum.

Forseti bæjarstjórnar mælti fyrir álagningu útsvars.
Vísað frá bæjarráði til afgreiðslu bæjarstjórnar tillögu um að álagningarhlutfall útsvars árið 2025 verði hámarksútsvar, þ.e. 14,97 % af útsvarsstofni í Fjarðabyggð. Tillaga er í samræmi við 24.gr. laga um tekjustofna sveitarfélaga nr. 4/1995.
Enginn tók til máls.
Bæjarstjórn staðfestir með 9 atkvæðum að álagningarhlutfall útsvars árið 2025 verði hámarksútsvar, þ.e. 14,97 % af útsvarsstofni í Fjarðabyggð.

Forseti bæjarstjórnar mælti fyrir reglum um afslætti og gjaldskrá fasteignagjalda árið 2025.
Vísað frá bæjarráði til afgreiðslu bæjarstjórnar tillögu að álagningarstofnum fasteignagjalda fyrir árið 2025.
ásamt reglum um afslátt fyrir elli- og örorkulífeyrisþega fyrir árið 2025.
Gjaldskráin og reglurnar taka gildi þann 1. janúar 2025.
Fasteignaskattur A verði 0,424 % af húsmati og lóðarhlutamati
Fasteignaskattur B verði 1,320 % af húsmati og lóðarhlutamati
Fasteignaskattur C verði 1,650 % af húsmati og lóðarhlutamati
Lóðarleiga íbúðarhúsnæðis verði 0,70 % af lóðarhlutamati.
Lóðarleiga atvinnuhúsnæðis verði 3,00 % af lóðarhlutamati.
Vatnsgjald skv. gjaldskrá 4.985 kr. á veitu og 408 kr. pr. fermetra húsnæðis.
Fráveitugjald skv. gjaldskrá 0,3232 % af húsmati.
Sorphreinsunargjald skv. gjaldskrá 53.279 kr. á heimili.
Sorpeyðingargjald skv. gjaldskrá 36.639 kr. á heimili.
Fjöldi gjalddaga verði tíu, mánaðarlega frá 1. febrúar. Eindagi fasteignagjalda er
síðasti virki dagur gjalddagamánaðar.
Afsláttur til eldri borgara og örorkulífeyrisþega er framreiknaður frá fyrra ári
m.v. breytingar á launavísitölu og meðalbreytingu fasteignamats íbúðarhúsnæðis.
Enginn tók til máls.
Bæjarstjórn samþykkir með 9 atkvæðum að vísa álagningarstuðlum fasteignagjalda í
gjaldskrá fasteignagjalda árið 2025 til frekari vinnu við fjárhagsáætlun milli umræðna.

Forseti bæjarstjórnar mælti fyrir breytingum á reglum.
Vísað frá bæjarráði til afgreiðslu bæjarstjórnar breytingum á reglum Fjarðabyggðar um sérstakan húsnæðisstuðning.
Enginn tók til máls.
Bæjarstjórn staðfestir með 9 atkvæðum breytingar á reglum um sérstakan húsnæðisstuðning.

Forseti bæjarstjórnar mælti fyrir tillögu yfirkjörstjórnar.
Framlögð tillaga yfirkjörstjórnar um kjörstaði og opnunartíma þeirra á kjördegi Alþingiskosninga þann 30. nóvember nk. Yfirkjörstjórn leggur til að kjörstaðir og opnunartímar þeirra verði:
Mjóifjörður: Sólbrekka
Norðfjörður: Nesskóli
Eskifjörður: Eskifjarðarkirkja
Reyðarfjörður: Safnaðarheimilið
Fáskrúðsfjörður: Grunnskólinn
Stöðvarfjörður: Grunnskólinn
Breiðdalsvík: Grunnskólinn
Kjörstaðir verði opnir frá 09:00 til 22:00 á kjördag nema í Mjóafirði verði opið frá kl. 09:00-14:00 (lokun þar verði eins fljótt og unnt er skv. 91. gr. kosningalaga nr. 112/2021).
Enginn tók til máls.
Bæjarstjórn staðfestir með 9 atkvæðum tillögu yfirkjörstjórnar um kjörstaði og opnun þeirra vegna Alþingiskosninga sem fara fram 30. nóvember.

Forseti bæjarstjórnar mælti fyrir nýju deiliskipulagi.
Vísað frá skipulags- og framkvæmdanefnd til afgreiðslu bæjarstjórnar deiliskipulagi tjaldsvæðis á Norðfirði.
Enginn tók til máls.
Bæjarstjórn staðfestir með 9 atkvæðum deiliskipulag tjaldsvæðis á Norðfirði.